ସେଣ୍ଟ୍ରାଲ ଭିଷ୍ଟାକୁ ନେଇ ବିରୋଧୀଙ୍କୁ ମୋଦୀଙ୍କ ଜବାବ- ଯେଉଁ କାମ ସ୍ୱାଧୀନତା ପରେ ହେବାର ଥିଲା, ତାହା ଆଜି ଆମେ କରୁଛୁ
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ସେଣ୍ଟ୍ରାଲ ଭିଷ୍ଟା ପ୍ରୋଜେକ୍ଟ ଆଧାରରେ ନିର୍ମିତ ନୂତନ ପ୍ରତିରକ୍ଷା କାର୍ଯ୍ୟାଳୟ ପରିସରର ଉଦଘାଟନ କରିଛନ୍ତି । ଏହି ସମୟରେ ପ୍ରଧାନମନ୍ତ୍ରୀ ମୋଦୀ ସେଣ୍ଟ୍ରାଲ ଭିଷ୍ଟା ପ୍ରୋଜେକ୍ଟର ସମାଲୋଚକଙ୍କୁ ଉଚିତ୍ ଜବାବ ମଧ୍ୟ ଦେଇଛନ୍ତି । ସେ କହିଛନ୍ତି, ସେଣ୍ଟ୍ରାଲ ଭିଷ୍ଟା ଉପରେ କିଛି ଲୋକ ଜନମାନସକୁ ଭ୍ରମିତ କରିବାକୁ ଚେଷ୍ଟା କରୁଛନ୍ତି । ଆଜି ପୂରା ଦେଶ ଦେଖୁଛି ଯେ, ସେଣ୍ଟ୍ରାଲ ଭିଷ୍ଟା ପଛରେ ଆମେ କଣ କରୁଛୁ । ସମୟ ପୂର୍ବରୁ ପ୍ରତିରକ୍ଷା କାର୍ଯ୍ୟାଳୟର କାମ ପୂରା ହୋଇଛି ।
ପ୍ରଧାନମନ୍ତ୍ରୀ କହିଛନ୍ତି, ଆମେ କାମ କରିବାର ନୂତନ ଶୈଳୀ ଆପଣେଇଛୁ । ମୋତେ ୨୦୧୪ରେ ଦେଶବାସୀ ସେବା କରିବାର ସୁଯୋଗ ଦେଇଥିଲେ । ମୁଁ ସରକାରକୁ ଆସିବା ମାତ୍ରେ ସଂସଦ ଭବନ ନିର୍ମାଣର କାମ ଆରମ୍ଭ କରି ପାରିଥାନ୍ତି । ହେଲେ ଆମେ ଏହି ରାସ୍ତା ଆପଣେଇନଥିଲୁ । ସର୍ବ ପ୍ରଥମେ ଆମେ ଦେଶ ପାଇଁ ବଳିଦାନ ଦେଉଥିବା ଯବାନଙ୍କ ସ୍ମାରକ ନିର୍ମାଣ କରିବାକୁ ସ୍ଥିର କରିଥିଲୁ । ସ୍ୱାଧୀନତା ପରେ ଯେଉଁ କାମ ପ୍ରଥମେ ହେବାର ଥିଲା, ତାହା ଆଜି ଆମେ କରୁଛୁ । ଦେଶର କାର୍ଯ୍ୟାଳୟଗୁଡିକୁ ଠିକ୍ କରିବାର ଭାର ଆମେ ଉଠାଇଛୁ । ସର୍ବପ୍ରଥମେ ଆମେ ଦେଶର ସହିଦଙ୍କୁ ସମ୍ମାନ ଦେବାର କାମ କରିଛୁ ବୋଲି ମୋଦୀ କହିଛନ୍ତି ।
#WATCH | “People who were after Central Vista Project would be conveniently quiet on this, which is also part of Centra Vista… They knew their falsity would be exposed…,” says PM Narendra Modi at the launch of New Defence Offices Complexes in Delhi pic.twitter.com/jIFNaVv55d
— ANI (@ANI) September 16, 2021
ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଏହି ନୂତନ ପ୍ରତିରକ୍ଷା କାର୍ଯ୍ୟାଳୟ ଆମର ସେନାଙ୍କ କାମକୁ ଅଧିକ ସରଳ ଏବଂ ସୁବିଧାଜନକ କରିବ । ଅଧିକ ପ୍ରଭାବୀ ହେବା ସହ ଉଦ୍ୟମକୁ ଆହୁରି ସଶକ୍ତ କରିବ । ଏକବିଂଶ ଶତାବ୍ଦୀର ଭାରତର ସୈନ୍ୟ ଶକ୍ତି ସବୁ ଦିଗରେ ଶକ୍ତିଶାଳୀ କରିବାକୁ ଆମେ ପ୍ରୟାସ ଜାରି ରଖିଛୁ । ସେନାକୁ ଏକରୁ ଅଧିକ ଅତ୍ୟାଧୁନିକ ଅସ୍ତ ଶସ୍ତ୍ର ଯୋଗାଇ ଦେଉଛୁ । ତେଣୁ ଦେଶର ସୁରକ୍ଷା ସହ ଜଡିତ କାମ ଦଶନ୍ଧି ପୁରାତନ ପରିସରରେ କେମିତି ସମ୍ଭବ ହୋଇଥାନ୍ତା ବୋଲି ମୋଦୀ କହିଛନ୍ତି ।
