T-20 ବିଶ୍ୱକପରେ ଖେଳିବ ଭାରତର ଏହି ୧୫ ଜଣିଆ ଦଳ! ଏଥର ଜିତିବ ଟିମ ଇଣ୍ଡିଆ?

ନୂଆଦିଲ୍ଲୀ: ସାରା ଭାରତ ବର୍ତ୍ତମାନ ଆଇପିଏଲରେ ବ୍ୟସ୍ତ ରହିଛି । ସେପଟେ ଟି-୨୦ ବିଶ୍ୱକପ ପାଇଁ ଦଳ ଚୟନରେ ବ୍ୟସ୍ତ ହୋଇଗଲାଣି ବିସିସିଆଇ । ଆଉ ୨-୩ ଦିନ ମଧ୍ୟରେ ବିଶ୍ୱକପ ପାଇଁ ଦଳ ଘୋଷଣା କରାଯିବ । ଦଳରେ କେଉଁ ମାନଙ୍କୁ ସୁଯୋଗ ମିଳିବ ସେ ନେଇ ଅଙ୍କକଷା ଚାଲିଛି । ତେବେ ଏଥିମଧ୍ୟରେ ପୂର୍ବତନ କ୍ରିକେଟର ୱାସିମ ଜାଫର ନିଜର ୧୫ ଜଣିଆ ଦଳ ଚୟନ କରିଛନ୍ତି । ଏହି ଦଳରେ କେ.ଏଲ ରାହୁଲ, ଇଶାନ୍ କିଶାନ ଏବଂ ଶୁଭମନ ଗିଲଙ୍କ ଭଳି ଅନେକ ଖେଳାଳିଙ୍କୁ ବାଦ୍ ଦିଆଯାଇଛି । ତେବେ ବିସିସିଆଇ ମଧ୍ୟ ୱାସିମଙ୍କ ଏହି ଦଳ ଉପରେ ମୋହର ମାରିପାରେ ବୋଲି ଆଶା କରାଯାଇଛି ।

ଟି-୨୦ ବିଶ୍ୱକପ ପାଇଁ ରୋହିତ ଶର୍ମା ଏବଂ ବିରାଟ କୋହଲିଙ୍କ ସମେତ ୮ ଜଣ ବ୍ୟାଟରଙ୍କୁ ସୁଯୋଗ ଦେଇଛନ୍ତି ଜାଫର । ୱିକେଟ କିପର ଭାବରେ ରିଷଭ ପନ୍ତ ଏବଂ ସଞ୍ଜୁ ସାମସନ ଦଳରେ ସୁଯୋଗ ପାଇଛନ୍ତି । ଦଳରେ ଓପନିଙ୍ଗ ଦାୟିତ୍ୱରେ ଅଧିନାୟକ ରୋହିତ ଶର୍ମାଙ୍କ ସହ ବାମହାତୀ ଯୁବ ଓପନର ଯଶସ୍ୱୀ ଜଏସ୍ୱାଲଙ୍କୁ ସୁଯୋଗ ମିଳିଛି । ଏହାବ୍ୟତୀତ ବିରାଟ କୋହଲି ମଧ୍ୟ ଓପନିଙ୍ଗ କରିପାରନ୍ତି । ତେବେ ମିଡିଲ ଅର୍ଡରରେ ସୂର୍ଯ୍ୟକୁମାର ଯାଦବ, ରିଷଭ ପନ୍ତ, ଏବଂ ସଞ୍ଜୁ ସାମସନଙ୍କୁ ସୁଯୋଗ ଦେଇଛନ୍ତି ୱାସିମ ଜାଫର । ସେହିପରି ରିଙ୍କୁ ସିଂହଙ୍କୁ ମ୍ୟାଚରେ ଫିନିସିଙ୍ଗ ଟଚ୍ ଦେବା ପାଇଁ ଦଳରେ ଚୟନ କରାଯାଇଛି ।

ଜାଫରଙ୍କଏହି ୧୫ ଜଣିଆ ଦଳରେ ଅନେକ ଅଲରାଉଣ୍ଡର ସାମିଲ ରହିଛନ୍ତି । ଦଳରେ ଉପ-ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କସହ ଶିବମ ଦୁବେ ଏବଂ ରବିନ୍ଦ୍ର ଜାଡେଜାଙ୍କୁ ଅଲରାଉଣ୍ଡର ଭୂମିକାରେ ପ୍ରମୁଖ ଦାୟିତ୍ୱ ପ୍ରଦାନ କରିଛନ୍ତି । ବୋଲିଂରେ ପେସ୍ ଆଟାକର ପ୍ରମୁଖ ସୂତ୍ରଧର ସାଜିବେ ୟର୍କର କିଙ୍ଗ ଯଶପ୍ରୀତ ବୁମରାହ ଏବଂ ତାଙ୍କ ସହିତ ମହମ୍ମଦ ସିରାଜ ଏବଂ ଅର୍ଶଦୀପ ସିଂହ ମୁଖ୍ୟ ଭୂମିକାରେ ରହିବେ । ଅନ୍ୟ ପକ୍ଷରେ ସ୍ପିନ ବିଭାଗରେ ବିଶ୍ୱକପରେ ପୁଣିଥରେ କୁଳ-ଚା ଯୋଡ଼ିଙ୍କୁ ସୁଯୋଗ ମିଳିପାରିବ । ୨୦୨୪ ଟି-୨୦ ବିଶ୍ୱକପରେ କୁଳଦୀପ ଯାଦବ ଏବଂ ୟୁଜବେନ୍ଦ୍ର ଚହଲ ସ୍ପିନ ଆଟାକକୁ ମଜବୁତ କରିପାରନ୍ତି ।

My India squad for T20 WC:

1. Rohit (C)
2. Jaiswal
3. Kohli
4. SKY
5. Pant (WK)
6. Samson (WK)
7. Hardik
8. Dube
9. Rinku
10. Jadeja
11. Kuldeep
12. Chahal
13. Bumrah
14. Siraj
15. Arshdeep

What's yours? #T20WorldCup

— Wasim Jaffer (@WasimJaffer14) April 28, 2024

ଟି-୨୦ ବିଶ୍ୱକପ ପାଇଁ ୱାସିମ ଜାଫରଙ୍କ ଭାରତୀୟ ଦଳ: ରୋହିତ ଶର୍ମା(ଅଧିନାୟକ), ଯଶସ୍ୱୀ ଜଏସ୍ୱାଲ, ବିରାଟ କୋହଲି, ସୂଯ୍ୟକୁମାର ଯାଦବ, ରିଷଭ ପନ୍ତ, ସଞ୍ଜୁ ସାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରିଙ୍କୁ ସିଂହ, ରବିନ୍ଦ୍ର ଜାଡେଜା, କୁଳଦୀପ ଯାଦବ, ୟୁଜବେନ୍ଦ୍ର ଚହଲ, ଯଶପ୍ରୀତ ବୁମରାହ, ମହମ୍ମଦ ସିରାଜ, ଅର୍ଶଦୀପ ସିଂହ ।