TRAI ର ନୂତନ ନିୟମ! ୫ ଦିନରେ ବନ୍ଦ ହୋଇଯିବଏହି ମୋବାଇଲ୍ ନମ୍ବର, ଜାଣନ୍ତୁ କ’ଣ ଗାଇଡ୍ ଲାଇନ୍
ନୂଆଦିଲ୍ଲୀ: ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (ଟ୍ରାଇ) ଆପଣଙ୍କ ମୋବାଇଲ୍ ନମ୍ବରକୁ ବନ୍ଦ କରିପାରେ। ଟ୍ରାଇ ଏକ ନିୟମ କରିଛି ଯେଉଁଥିରେ ଆପଣଙ୍କର ୧୦ ଅଙ୍କ ବିଶିଷ୍ଟ ମୋବାଇଲ୍ ନମ୍ବର ବନ୍ଦ ହୋଇପାରିବ। ନିକଟରେ ହୋଇଥିବା ଏକ ରିପୋର୍ଟରେ କୁହାଯାଇଛି ଯେ ଟ୍ରାଇ ବର୍ତ୍ତମାନ ପଞ୍ଜୀକୃତ ହୋଇନଥିବା ମୋବାଇଲ୍ ନମ୍ବରକୁ ଅବରୋଧ କରିବ। ଏହା ପରେ ହିଁ ନମ୍ବର ଗୁଡ଼ିକରୁ କଲ୍ ମଧ୍ୟ କରାଯାଇପାରିବ ନାହିଁ କିମ୍ବା ଏହି ନମ୍ବରରୁ ମେସେଜ ପଠାଯାଇପାରିବ ନାହିଁ।
ଟ୍ରାଇ ଏହିପରି ୧୦ ଅଙ୍କ ବିଶିଷ୍ଟ ନମ୍ବରକୁ କଡାକଡି କରୁଛି ଯାହା ବ୍ୟବସାୟିକ ଉଦ୍ଦେଶ୍ୟରେ ପ୍ରମୋଶନାଲ କଲିଂ ଏବଂ ମେସେଜିଂ ପାଇଁ ବ୍ୟବହୃତ ହେଉଛି। ଟ୍ରାଇ ନିୟମ ଅନୁଯାୟୀ, ପ୍ରମୋଶନାଲ କଲ ପାଇଁ ପୃଥକ ନମ୍ବର ପ୍ରସ୍ତୁତ କରାଯାଇଥାଏ। ଯଦି ଆପଣ ବ୍ୟକ୍ତିଗତ ନମ୍ବରରୁ ପ୍ରମୋସନାଲ୍ କଲ୍ କରନ୍ତି ତେବେ ଆପଣଙ୍କର ନମ୍ବର ବନ୍ଦ ହୋଇପାରେ।
ସରକାରଙ୍କ ନିୟମ ଅନୁଯାୟୀ ସାଧାରଣ କଲିଂ ଏବଂ ପ୍ରୋମୋସନାଲ୍ କଲିଂ ପାଇଁ ଟ୍ରାଇ ଦ୍ୱାରା ବିଭିନ୍ନ ନମ୍ବର ଦିଆଯାଏ। ପ୍ରମୋସନାଲ୍ କଲିଂ ସଂଖ୍ୟାରେ ଅଧିକ ନମ୍ବର ରହିଥାଏ ଏବଂ ଏହା ଦ୍ୱାରା ଜଣେ ଉପଭୋକ୍ତା ଜାଣନ୍ତି ଯେ ସେ ଏକ ପ୍ରମୋସନାଲ୍ କଲ୍ ପାଇଛନ୍ତି। ଏହା ଜାଣିବା ପରେ, କଲ୍ ଗ୍ରହଣ କରିବା କିମ୍ବା ଗ୍ରହଣ ନକରିବା ରିସିଭର୍ ଉପରେ ନିର୍ଭର କରେ।
ଯଦିଓ ଅନେକ ଥର ଲୋକମାନେ ପ୍ରମୋଶନାଲ କଲ୍ ଗ୍ରହଣ କରନ୍ତି ନାହିଁ ଯେଉଁଥିପାଇଁ ଲୋକମାନେ ସାଧାରଣ ନମ୍ବରରୁ କଲ କରିବା ଆରମ୍ଭ କରନ୍ତି। ସୂଚନା ଅନୁଯାୟୀ, ଏହାକୁ ବନ୍ଦ କରିବା ପାଇଁ ଟ୍ରାଇ ଟେଲିକମ୍ ସେବା ପ୍ରଦାନକାରୀଙ୍କ ସହ ମଧ୍ୟ କଥା ହୋଇଛି। ନିୟମ ଅନୁଯାୟୀ, ଯଦି ଜଣେ ଉପଭୋକ୍ତା ସାଧାରଣ ନମ୍ବରରୁ ପ୍ରମୋସନାଲ୍ କଲ୍ କରୁଥିବା ଦେଖିବାକୁ ମିଳେ, ତେବେ ତାଙ୍କ ନମ୍ବର ୫ ଦିନ ମଧ୍ୟରେ ବନ୍ଦ ହୋଇଯିବ।
