ସକାଳୁ ସକାଳୁ ରାଜଧାନୀରେ ହତ୍ୟା , ଘରେ ପଶି ୩ଜଣଙ୍କୁ ହାଣିଲେ
ନୂଆଦିଲ୍ଲୀ: ଦିବା ଲୋକରେ ରାଜଧାନୀରେ ଗଡିଲା ମୁଣ୍ଡ । ଘରେ ପଶି ଗୋଟିଏ ପରିବାରର 3ଜଣଙ୍କୁ ହତ୍ୟା । ଦକ୍ଷିଣ ଦିଲ୍ଲୀର ନେବ ସରାୟ ଅଞ୍ଚଳର ଦେବାଲୀରେ ଘଟିଛି ଏହି ବିଭତ୍ସ ହତ୍ୟା । ଘରେ ପଶି ସ୍ବାମୀ ପତ୍ନୀ ଏବଂ ଝିଅକୁ ହତ୍ୟା କଲେ ଦୁର୍ବୃତ୍ତ । ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି ।
ସୂଚନା ଅନୁସାରେ, ଦକ୍ଷିଣ ଦିଲ୍ଲୀର ନେବ ସରାୟ ଅଞ୍ଚଳର ଦେବାଲୀରେ ପରିବାରର ୩ଜଣଙ୍କୁ ହତ୍ୟା କରାଯାଇଛି । ଘରେ ପଶି ୩ ଜଣଙ୍କୁ ମାରିଦିଆଯାଇଥିବା ଜଣାପଡିଛି । ମୃତକମାନେ ହେଲେ ସ୍ୱାମୀ ରାଜେଶ, ପତ୍ନୀ କୋମଲ ଏବଂ ଝିଅ କବିତା । ସୂଚନା ଅନୁସାରେ, ରାଜେଶଙ୍କ ପୁଅ ସକାଳ ୫ଟାରେ ୱାର୍କ କରିବା ପାଇଁ ଯାଇଥିଲେ । ଯେତେବେଳେ ସେ ଘରକୁ ଫେରିଥିଲେ, ସେତେବେଳେ ସମସ୍ତଙ୍କର ମୃତଦେହ ପଡିଥିବାର ଦେଖିଥିଲେ । କୁହାଯାଉଛି ଯେ, ଆଜି ତାଙ୍କର ବିବାହ ବାର୍ଷିକ ରହିଥିଲା । ଏନେଇ ପ୍ରଥମେ ପୋଲିସକୁ ଖବର ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ମୃତକମାନଙ୍କୁ ପୋଷ୍ଟମଟମ ପାଇଁ ହସ୍ପିଟାଲରେ ଭର୍ତ୍ତି କରିଛି । କେଉଁ କାରଣରୁ ଏଭଳି କାଣ୍ଡ ଘଟିଲା ତାହା ଜଣା ପଡିନାହିଁ । ପୋଲିସ ଘଟଣାସ୍ଥଳରେ ପଚରାଉଚରା ଜାରି ରଖିଛି ।