ଏଣିକି ସହଜରେ ପାଇବେ ଭେରିଫାୟାଡ୍ ଟୁଇଟର୍ ଆକାଉଣ୍ଟ୍
୬ ମାସ ରହିବାକୁ ପଡ଼ିବ ଆକ୍ଟିଭ୍
ନୂଆଦିଲ୍ଲୀ : ପ୍ରାୟ ୩ ବର୍ଷର ବ୍ୟବଧାନ ପରେ ଟୁଇଟର୍ ପକ୍ଷରୁ ପବ୍ଲିକ୍ ଭେରିଫିକେସନ୍ ଆରମ୍ଭ ହୋଇଛି । ଅର୍ଥାତ୍ ଏବେ ଯେ କୌଣସି ଲୋକ ନିଜ ଟୁଇଟର୍ ଆକାଉଣ୍ଟକୁ ଭେରିଫାୟାଡ୍ ଟୁଇଟର୍ ଆକାଉଣ୍ଟ କରିପାରିବେ । ତେବେ ଏଥିପାଇଁ କିଛି ନିୟମାବଳୀ ରହିଛି । ଆପଣମାନଙ୍କୁ ତଦନୁଯାୟୀ ଆବେଦନ କରିବାକୁ ପଡିବ । ୨୦୧୭ରେ ଟୁଇଟର୍ ପକ୍ଷରୁ ପବ୍ଲିକ୍ ଭେରିଫିକେସନ୍ ବନ୍ଦ କରିଦିଆଯାଇଥିଲା । କିନ୍ତୁ ଏବେ ଏହାକୁ ପୁଣିଥରେ ଆରମ୍ଭ କରାଯାଇଛି । ଏନେଇ ଗତ ସପ୍ତାହରେ ଟୁଇଟର୍ ପକ୍ଷରୁ ସୂଚନା ଦିଆଯାଇଥିଲା ଯେ, ପବ୍ଲିକ୍ ଭେରିଫିକେସନ୍ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ଖୁବ୍ ଶୀଘ୍ର ଏହାକୁ ଆରମ୍ଭ କରାଯିବ ।
ଏ ସମ୍ପର୍କରେ ଟୁଇଟର୍ କହିଛି ଯେ, ପ୍ରଥମ ପର୍ଯ୍ୟାୟରେ ୬ଟି ବର୍ଗର ଲୋକମାନେ ଭେରିଫାୟାର୍ଡ ଆକାଉଣ୍ଟ ପାଇଁ ଆବେଦନ କରିପାରିବେ । ସେଗୁଡିକ ହେଲା; ସରକାରୀ କମ୍ପାନୀ, ବ୍ରାଣ୍ଡସ୍, ନନ୍ ପ୍ରଫିଟ୍ ଅର୍ଗାନାଇଜେସନ୍, ନ୍ୟୁଜ୍, ମନୋରଞ୍ଜନ, ଖେଳ, ଅର୍ଗାନାଇଜର୍ ଏବଂ ଅନ୍ୟାନ୍ୟ ପ୍ରଭାବଶାଳୀ ବ୍ୟକ୍ତିବିଶେଷ । ତେବେ ଟୁଇଟର୍ ଏହା ମଧ୍ୟ କହିଛି ଯେ, ଯେଉଁ ମାନଙ୍କର ଅନୁଗାମୀ(ଫଲୋର୍ସ) ଅଧିକ ରହିଥିବେ ସେମାନେ ମଧ୍ୟ ଏଥିପାଇଁ ଆବେଦନ କରିପାରିବେ । ଭେରିଫାୟାଡ୍ ଆକାଉଣ୍ଟ କରିବା ପାଇଁ ଟୁଇଟର୍ ରେ ଆପଣଙ୍କ ନାମ ସ୍ପଷ୍ଟ ରହିବା ଆବଶ୍ୟକ, ପ୍ରୋଫାଇଲ୍ ପିକ୍ଚର ଏବଂ ମୋବାଇଲ୍ ନମ୍ବର ଅଥବା ଇ-ମେଲ୍ ଆଇଡି ଭେରିଫାୟାର୍ଡ ହୋଇଥିବା ଜରୁରୀ । ଏହା ବ୍ୟତୀତ ଯଦି ଗତ ୬ ମାସ ଯାଏ ଆପଣ ଟୁଇଟର୍ ରେ ଆକ୍ଟିଭ୍ ରହିଛନ୍ତି ତେବେ ମଧ୍ୟ ଆପଣ ଭେରିଫାୟାର୍ଡ ଆକାଉଣ୍ଟ ପାଇଁ ଆବେଦନ କରିପାରିବେ ।
Once you've opened the application link under “Verified” in your account settings:
1. Tell us which eligible category matches your account
2. Choose how you’d like us to confirm your identity
3. Submit the request and we'll let you know when you can expect a decision pic.twitter.com/8Fipz9ESmr— Twitter Verified (@verified) May 20, 2021
କିପରି କରିବେ ଆବେଦନ ?
ଟୁଇଟର୍ ପକ୍ଷରୁ ଯେତେବେଳେ ଭେରିଫିକେସନ୍ ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିବ, ସେତେବେଳେ ଆପଣମାନେ ଆକାଉଣ୍ଟରେ ସେଟିଙ୍ଗରେ ଭେରିଫିକେସନ୍ ଆପ୍ଲିକେସନ୍ ଦେଖିବାକୁ ପାଇବେ । ସବୁ ୟୁଜର୍ ମାନଙ୍କ ଆକାଉଣ୍ଟରେ ଏହା ଶୋ’ କରିବ । ଏହାପରେ ଭେରିଫିକେସନ୍ ଆପ୍ଲିକେସନ୍ କୁ ଯାଇ ଆପଣ ମାନେ ସେଥିରେ ଥିବା ଅପସନ୍ ସବୁକୁ ନିଜ ହିସାବରେ ଚୟନ କରିବେ । ତେବେ ଏଥିପାଇଁ ଆବଶ୍ୟକ ପ୍ରମାଣପତ୍ରର ବିବରଣୀ ଦେବାକୁ ପଡ଼ିବ । ଏହାପରେ ଆପଣ ଦେଇଥିବା ସୂଚନା ସବୁକୁ ଟୁଇଟର୍ ଯାଞ୍ଚ କରିବା ପରେ ଆପଣ ଆକାଉଣ୍ଟକୁ ବ୍ଲୁ ଟିକ୍ ସହିତ ଭେରିଫାୟାଡ୍ କରାଯିବ ।
