ଚନ୍ଦ୍ରଯାନ-୪ ଓ ଶୁକ୍ର ଅର୍ବିଟର ମିଶନକୁ କ୍ୟାବିନେଟ୍ ଅନୁମୋଦନ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କ୍ୟାବିନେଟ ମନ୍ତ୍ରୀମାନେ ଚନ୍ଦ୍ରଯାନ-୪ ଅଭିଯାନକୁ ଅନୁମୋଦନ କରିଛନ୍ତି। ଭାରତୀୟ ମହାକାଶଚାରୀମାନଙ୍କୁ ଚନ୍ଦ୍ରକୁ ନେଇ ସୁରକ୍ଷିତ ଭାବେ ପୃଥିବୀକୁ ଫେରାଇ ଆଣିବା ପାଇଁ ଆବଶ୍ୟକ ଜ୍ଞାନକୌଶଳ ବିକଶିତ କରିବା ଏହି ମିଶନର ଉଦ୍ଦେଶ୍ୟ। ସଡ଼କ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀ ଏକ୍ସରେ ଏହି ସୂଚନା ଦେଇଛନ୍ତି।
ସେ ଲେଖିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ପ୍ରମୁଖ ମହାକାଶ ଅଭିଯାନକୁ ଅନୁମୋଦନ ଦେଇଛି। ଏଥିରେ ୨୧୦୪.୦୬ କୋଟି ଟଙ୍କାର ବଜେଟ୍ ଥିବା ଚନ୍ଦ୍ରଯାନ-୪ ଏବଂ ୧୨୩୬ କୋଟି ଟଙ୍କା ବଜେଟ୍ ଥିବା ଭିନସ୍ ଅର୍ବିଟାଲ୍ ମିସନ୍ ଅନ୍ତର୍ଭୁକ୍ତ। ଏହି ଦୁଇଟି ଅଭିଯାନ ଭାରତର ମହାକାଶ ସାମର୍ଥ୍ୟକୁ ଆହୁରି ସୁଦୃଢ଼ କରିବ।
୨୦୨୮ ସୁଦ୍ଧା ଏହି ମିଶନ ଆରମ୍ଭ କରିବାକୁ ଯୋଜନା ରହିଛି। ଚନ୍ଦ୍ରଯାନ-୪ ମିଶନର ଉଦ୍ଦେଶ୍ୟ ହେଉଛି ଚନ୍ଦ୍ରରେ ଅବତରଣ ଏବଂ ନମୁନା ପ୍ରତ୍ୟାବର୍ତ୍ତନ ଜ୍ଞାନକୌଶଳ ପ୍ରଦର୍ଶନ କରିବା। ଏହି ଅଭିଯାନ ଅଧୀନରେ ଚନ୍ଦ୍ରର ପଥର ଓ ମାଟିକୁ ପୃଥିବୀକୁ ଅଣାଯିବ, ଯାହାର ଅଧ୍ୟୟନ କରାଯିବ। ଏହି ଅଭିଯାନ ପାଇଁ ଦୁଇଟି ଭିନ୍ନ ଭିନ୍ନ ରକେଟ୍ ବ୍ୟବହାର କରାଯିବ।
ହେଭି ଲିଫ୍ଟର ଏଲଭିଏମ-୩ ଏବଂ ଇସ୍ରୋର ବିଶ୍ୱସ୍ତ ୱାର୍କହର୍ସ ପିଏସଏଲଭି, ଯାହା ବିଭିନ୍ନ ପେଲୋଡ୍ ବହନ କରିବ, ଏହା ମଧ୍ୟ ଡକିଂ, ଅନଟୋକିଂ, ଅବତରଣ, ପୃଥିବୀକୁ ସୁରକ୍ଷିତ ପ୍ରତ୍ୟାବର୍ତ୍ତନ ଏବଂ ଚନ୍ଦ୍ରରୁ ନମୁନା ସଂଗ୍ରହ ଏବଂ ବିଶ୍ଳେଷଣ ପାଇଁ ଆବଶ୍ୟକ ଜ୍ଞାନକୌଶଳ ବିକଶିତ କରିବ। ସେହିପରି ଶୁକ୍ର ଗ୍ରହର ବାୟୁମଣ୍ଡଳ, ପାଣିପାଗ, ତାପମାତ୍ରା ଓ ଚାପ ଉପରେ ଅଧ୍ୟୟନ କରିବା ହେଉଛି ଶୁକ୍ର ଅର୍ବିଟର ମିଶନର ଉଦ୍ଦେଶ୍ୟ। ଏହି ମିଶନ ଆମକୁ ଶୁକ୍ର ଗ୍ରହ ବିଷୟରେ ବିସ୍ତୃତ ସୂଚନା ପ୍ରଦାନ କରିବ।
ଏହାବ୍ୟତୀତ ଶୁକ୍ର ଗ୍ରହର ପୃଷ୍ଠ ଓ ବାୟୁମଣ୍ଡଳ କୁ ବୁଝିବା ସହ ବାୟୁମଣ୍ଡଳ ଉପରେ ସୂର୍ଯ୍ୟଙ୍କ ପ୍ରଭାବକୁ ବୁଝିବା ରେ ସାହାଯ୍ୟ କରିବା ଏହି ଶୁକ୍ର ଅଭିଯାନର ଲକ୍ଷ୍ୟ ରହିଛି, ଯାହା ଛାତ୍ରଛାତ୍ରୀ ଏବଂ ବୈଜ୍ଞାନିକଙ୍କ ଭବିଷ୍ୟତ ଅଧ୍ୟୟନରେ ସହାୟକ ହେବ । ଏହି ମିଶନର ବଜେଟ୍ ପ୍ରାୟ ୧୨୩୬ କୋଟି ଟଙ୍କା ଏବଂ ଏହା ୨୦୨୮ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି।
ଏହାବ୍ୟତୀତ ଗଗନଯାନ କାର୍ଯ୍ୟକ୍ରମର ସମ୍ପ୍ରସାରଣ ସହିତ ଭାରତୀୟ ମହାକାଶ ଷ୍ଟେସନ (ବିଏଏସ୍ -୧)ର ପ୍ରଥମ ମଡ୍ୟୁଲ୍ ର ବିକାଶ କୁ ମଧ୍ୟ କ୍ୟାବିନେଟ୍ ଅନୁମୋଦନ କରିଛି। ଗଗନଯାନ କାର୍ଯ୍ୟକ୍ରମର ମୋଟ ପାଣ୍ଠି ୧୧,୧୭୦ କୋଟି ଟଙ୍କାରୁ ୨୦,୧୯୩ କୋଟି ଟଙ୍କାକୁ ବୃଦ୍ଧି କରାଯାଇଛି।