ଆମେରିକାରୁ ବ୍ୟାପିଯିବ କରୋନା ପରି ମହାମାରୀ! ମିଳିଲା ପଶୁମାନଙ୍କଠାରୁ ମଣିଷ ପର୍ଯ୍ୟନ୍ତ ବ୍ୟାପୁଥିବା ଭାଇରସ୍, ରିପୋର୍ଟରେ ଦାବି

ନୂଆଦିଲ୍ଲୀ: ହାର୍ଭାର୍ଡ ଲ ସ୍କୁଲ ଏବଂ ନ୍ୟୁୟର୍କ ବିଶ୍ୱବିଦ୍ୟାଳୟର ଏକ ରିପୋର୍ଟ ଦାବି କରିଛି ଯେ, ପରବର୍ତ୍ତୀ ବିଶ୍ୱବ୍ୟାପୀ ମହାମାରୀ ଆମେରିକାରୁ ଆରମ୍ଭ ହୋଇପାରେ । ଯଦିଓ ଆମେରିକୀୟମାନେ ଭାବନ୍ତି ଯେ ଆମେରିକାରେ ଏହା ସମ୍ଭବ ନୁହେଁ, କିନ୍ତୁ ଗବେଷକମାନେ ଜାଣିବାକୁ ପାଇଛନ୍ତି ଯେ ଆମେରିକାରେ ନିୟମ ଏତେ ଢ଼ିଲା ଯେ ଏକ ଭାଇରସ୍ ସହଜରେ ପଶୁମାନଙ୍କଠାରୁ ମଣିଷ ପର୍ଯ୍ୟନ୍ତ ବ୍ୟାପିପାରେ ।

ଏହାର ପରିଣାମ ସାଂଘାତିକ ପ୍ରମାଣିତ ହୋଇପାରେ :-

ରିପୋର୍ଟର ପ୍ରମୁଖ ଲେଖକ ଆନ୍ ଲିଣ୍ଡର କହିଛନ୍ତି ଯେ, ‘ପ୍ରକୃତରେ ସୁରକ୍ଷାର ଏକ ମିଥ୍ୟା ଭାବନା ରହିଛି ଏବଂ ଆମେରିକାରେ ଜୁନୋଟିକ୍ ରୋଗ ବିସ୍ତାର ହୋଇପାରିବ ନାହିଁ ବୋଲି ବିଶ୍ୱାସ ରହିଛି, କିନ୍ତୁ ବାସ୍ତବରେ ମୁଁ ଭାବୁଛି ଯେ ଆମେ ପୂର୍ବ ଅପେକ୍ଷା ଅନେକ କ୍ଷେତ୍ରରେ ଅଧିକ ଅସୁରକ୍ଷିତ ।’

ଶୀଘ୍ର ବିସ୍ତାର ହେବ ଭାଇରସ୍ :-
ଏହି ରିପୋର୍ଟରେ ସମ୍ଭାବ୍ୟ ବିପଦର ଅନେକ ପ୍ରସଙ୍ଗ ରହିଛି, ଯେଉଁଥିରେ କମର୍ସିଆଲ ଫାର୍ମ ସବୁଠାରେ ଶୀର୍ଷରେ ରହିଛି । ଏଠାରେ ଲକ୍ଷ ଲକ୍ଷ ପ୍ରାଣୀ ପରସ୍ପର ଏବଂ ସେମାନଙ୍କ ନିୟନ୍ତ୍ରକମାନଙ୍କ ସହିତ ଘନିଷ୍ଠ ସମ୍ପର୍କରେ ଆସନ୍ତି । ଏହି କାରଣରୁ, ବନ୍ୟଜନ୍ତୁମାନଙ୍କଠାରୁ କୌଣସି ସଂକ୍ରମଣ ସହଜରେ ଆସିପାରେ । କିଛି ପ୍ରାଣୀଙ୍କର ସ୍ୱାସ୍ଥ୍ୟ ଯାଞ୍ଚ ପରେ ଆମଦାନୀ କରାଯାଏ ।

ଏହି ପଶୁ ବାଣିଜ୍ୟରେ ମିଙ୍କ୍ ଏବଂ ଅନ୍ୟ ପ୍ରାଣୀମାନେ ପାଳିତ ହୁଅନ୍ତି । ଲିଣ୍ଡରଙ୍କ ଅନୁଯାୟୀ, ଗ୍ଲୋବାଲଶଇଜେସନ୍ ଯୋଗୁଁ ସମୁଦ୍ର, ପର୍ବତ ଏବଂ ରୋଗର ପ୍ରାକୃତିକ ସୀମା ସମାପ୍ତ ହୋଇଛି । ସେ କହିଛନ୍ତି ଯେ ବିଭିନ୍ନ ମହାଦେଶରେ ପଶୁ ଏବଂ ରୋଗର କାରଣ ମିଶ୍ରିତ ହେଉଛି । ଏହା ବହୁତ ଦ୍ରୁତ ଗତିରେ ବଢ଼ୁଛି ।

ପଶୁମାନଙ୍କୁ ସହଜରେ ଆମଦାନୀ କରାଯାଏ :-
ଆନ୍ ଲିଣ୍ଡର୍ କହିଛନ୍ତି ଯେ, ବିଭିନ୍ନ ଉଦ୍ଦେଶ୍ୟରେ ପ୍ରତିବର୍ଷ ଆମେରିକାରେ ପ୍ରାୟ ୨୨୦ ନିୟୁତ ଜୀବନ୍ତ ବନ୍ୟଜନ୍ତୁ ଆମଦାନୀ କରାଯାଏ । ଯଦି କେହି କୁକୁର କିମ୍ବା ବିଲେଇକୁ ଦେଶକୁ ଆଣିବାକୁ ଚାହାଁନ୍ତି, ତେବେ ସେମାନଙ୍କୁ ଏକ ପ୍ରକ୍ରିୟା ଅତିକ୍ରମ କରିବାକୁ ପଡିବ । କିନ୍ତୁ ଯଦି ସେମାନେ ଦକ୍ଷିଣ ଆମେରିକାରୁ ୧୦୦ ଟି ବଣୁଆ ସ୍ତନ୍ୟପାୟୀ ପ୍ରାଣୀ ଆଣିବାକୁ ଚାହାଁନ୍ତି, ତେବେ ସେମାନେ ଅତି ସହଜ ନିୟମ ସହିତ ଏହା କରିପାରିବେ ।

ଅଧ୍ୟୟନର ଜବାବରେ ନ୍ୟାସନାଲ ଚିକେନ୍ କାଉନସିଲର ବୈଜ୍ଞାନିକ ତଥା ନିୟାମକ ବ୍ୟାପାରର ବରିଷ୍ଠ ଉପସଭାପତି ଆଶଲି ପିଟରସନ କହିଛନ୍ତି ଯେ, ସିଡିସି ଅନୁଯାୟୀ ଆମେରିକାରେ ବାର୍ଡ ଫ୍ଲୁ ବ୍ୟାପିବାର ସମ୍ଭାବନା ଅତ୍ୟନ୍ତ ବିରଳ ।