(Video): ଗୋଟିଏ ହାତରେ ଷ୍ଟିୟରିଂ, ଅନ୍ୟ ହାତରେ ମୋବାଇଲ.. କ୍ୟାବ୍ ଡ୍ରାଇଭରଙ୍କ ଏଭଳି କାର୍ଯ୍ୟ ଦେଖି ଭିଡିଓ କଲେ ଯାତ୍ରୀ
ଓଡ଼ିଶା ଭାସ୍କର: ଆଜିକାଲି ଅଧିକାଂଶ ବ୍ୟକ୍ତି ଯାତାୟାତ ପାଇଁ କ୍ୟାବ୍ ବ୍ୟବହାର କରୁଛନ୍ତି । ଏହା ଆରାମଦାୟକ ହେବା ସହ ପାର୍କିଂ ଟେନସନ୍ ନଥାଏ ।
ସାଧାରଣତଃ ଗାଡ଼ି ଚଲାଇବା ସମୟରେ ଫୋନ୍ ବ୍ୟବହାର କରିବା ଉଚିତ ନୁହେଁ । ଏହା ଜୀବନ ପ୍ରତି ବିପଜ୍ଜନକ ହୋଇଥାଏ । ଏହା ସତ୍ତ୍ୱେ ଏବେବି ଅନେକ ଲୋକଙ୍କ ମୋବାଇଲ ନିଶା ଗାଡ଼ି ଚଲାଇବା ସମୟରେ ଧରାପଡ଼ିଥାଏ । ବର୍ତ୍ତମାନ ଏହାର ଏକ ଜ୍ୱଳନ୍ତ ଉଦାହରଣ ସୋସିଆଲ ମିିଡିଆରେ ଭାଇରାଲ ହେବାରେ ଲାଗିଛି ।
ଡ୍ରାଇଭିଂ ସହ ଶିଖୁଛନ୍ତି ରୋଷେଇ:
କ୍ୟାବ୍ ଡ୍ରାଇଭର ଜଣଙ୍କ ଗୋଟିଏ ହାତରେ ଷ୍ଟିୟରିଂ ବୁଲାଇବା ସହ ଅନ୍ୟ ହାତରେ ରିଲ୍ସ ସ୍ୱାଇପ୍ କରୁଥିବାର ଭାଇରାଲ ଭିଡିଓରେ ଦେଖିବାକୁ ମିିଳିଛି । ଉକ୍ତ ଡ୍ରାଇଭର ଜଣଙ୍କ ରିଲ୍ସରେ ଆମଲେଟ୍ କିପରି ପ୍ରସ୍ତୁତ ହୁଏ ଏବଂ ବିଗ୍ ବସ୍ ଭଳି ମନୋରଞ୍ଜନ ଭିଡିଓ ଦେଖୁଥିଲେ ।
ଭିଡିଓ ଭାଇରାଲ କଲେ ଯାତ୍ରୀ:
କ୍ୟାବ୍ ପଛ ସିଟରେ ବସିଥିବା ଯାତ୍ରୀ ଜଣଙ୍କ ଏହାର ଏକ ଭିଡିଓ କରି ସୋସିଆଲ ମିଡିଆରେ ଶେୟାର କରିଥିଲେ । ଏହାର କ୍ୟାପସନରେ ଡ୍ରାଇଭର ଜଣଙ୍କ ତାଙ୍କ ଜୀବନକୁ ବିପଦରେ ପକାଇଥିବା ଅଭିଯୋଗ କରିବା ସହ ଉକ୍ତ କ୍ୟାବ୍ କମ୍ପାନୀକୁ ଟ୍ୟାଗ୍ ମଧ୍ୟ କରିଥିଲେ । ଯାତ୍ରୀଙ୍କ ସୁରକ୍ଷା ପ୍ରସଙ୍ଗକୁ ଗୁରୁତ୍ୱ ଦେବା ନେଇ କମ୍ପାନୀ ଏହାର ପ୍ରତିକ୍ରିୟାରେ ଉଲ୍ଲେଖ କରିଥିଲା ।
ଏହି ଭାଇରାଲ ଭିଡିଓକୁ @ROHANKHULE ନାମକ ଜଣେ ୟୁଜର ଶେୟାର କରିଛନ୍ତି । ଅନେକ ୟୁଜର ଏହି ଭିଡିଓକୁ ନେଇ କମେଣ୍ଟ ମଧ୍ୟ କରିଛନ୍ତି । ଜଣେ ୟୁଜର ଲେଖିଛନ୍ତି ‘ଉକ୍ତ ଡ୍ରାଇଭରର ଲାଇସେନ୍ସ ତୁରନ୍ତ ବାତିଲ କରାଯାଉ ।’ ଅପରପକ୍ଷରେ ମୁମ୍ବାଇ ପୋଲିସ ମଧ୍ୟ ଉକ୍ତ କ୍ୟାବ୍ ଡ୍ରାଇଭରଙ୍କ ବିଷୟରେ ଅଧିକ ଡିଟେଲ୍ସ ମାଗିଛନ୍ତି ଯଦ୍ୱାରା ଅଧିକ ତଦନ୍ତ କରାଯାଇପାରେ ।
Dear Ola,
Your driver is learning how to cook an omlette while driving at the cost of risking our lives. Your scooters are already on fire, hope you take corrective measures before this one also turns up in flames and soon turn into ashes.@Olacabs @bhash @MumbaiPolice @MMVD_RTO pic.twitter.com/RBi0jEWbgX— DARK KNIGHT (@ROHANKHULE) December 24, 2024
