“ଏହା ଏକ ଗୁରୁତ୍ୱପୂର୍ଣ୍ଣ ଗସ୍ତ ଥିଲା…”, ଅଷ୍ଟ୍ରେଲୀୟ ପ୍ରତିପକ୍ଷଙ୍କୁ ଭେଟିବା ପରେ ଅଭିଜ୍ଞତା ବାଣ୍ଟିଲେ ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଷ୍ଟ୍ରେଲିଆ ଗସ୍ତ ଶେଷ କରି ଫେରିବା ପରେ ଏହି ଗସ୍ତ ନେଇ ପ୍ରତିକ୍ରିୟା ଦେଇଛନ୍ତି । ଅଷ୍ଟ୍ରେଲିଆରୁ ଫେରିବା ସମୟରେ ପ୍ରଧାନମନ୍ତ୍ରୀ ଟ୍ୱିଟ୍ କରି ଲେଖିଛନ୍ତି ଯେ ଏହା ଏକ ଗୁରୁତ୍ୱପୂର୍ଣ୍ଣ ଯାତ୍ରା ଥିଲା । ଏହି ଯାତ୍ରା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବନ୍ଧୁତାକୁ ଆହୁରି ମଜବୁତ କରିବ । ପ୍ରଧାନମନ୍ତ୍ରୀ ମୋଦୀ ତାଙ୍କର ତିନି ଦେଶ ଗସ୍ତର ଶେଷ ପର୍ଯ୍ୟାୟରେ ଅଷ୍ଟ୍ରେଲିଆରେ ପହଞ୍ଚିଥିଲେ । ଅଷ୍ଟ୍ରେଲିଆ ପୂର୍ବରୁ ସେ ଜାପାନ ଏବଂ ପରେ ପାପୁଆ ନ୍ୟୁ ଗିନି ଯାଇଥିଲେ ।
ଅଷ୍ଟ୍ରେଲିଆ ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦୀ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଏନ୍ଥୋନୀ ଏଲବାନୀଜ୍ଙ୍କ ସହିତ ବୁଧବାର ସିଡିନ୍ରେ ଦ୍ୱିପାକ୍ଷିକ ସମ୍ପର୍କ ଏବଂ ଅନ୍ୟାନ୍ୟ ବିଷୟ ଉପରେ ଆଲୋଚନା କରିଥିଲେ।
From productive talks with PM @AlboMP to a historic community programme, from meeting business leaders to eminent Australians from different walks of life, it’s been an important visit which will boost the friendship between 🇮🇳 and 🇦🇺. pic.twitter.com/5OdCl7eaPS
— Narendra Modi (@narendramodi) May 24, 2023
ଏହି ବୈଠକପରେ ପ୍ରଧାନମନ୍ତ୍ରୀ ମୋଦୀ ଏକ ଭିଡିଓ ଟ୍ୱିଟ୍ ଲେକିଥିଲେ ପ୍ରଧାନମନ୍ତ୍ରୀ ଏନ୍ଥୋନୀ ଏଲବାନୀଜ୍ଙ୍କ ସହ ଏକ ଐତିହାସିକ ସମ୍ପ୍ରଦାୟର ଇଭେଣ୍ଟ ଠାରୁ ଆରମ୍ଭ କରି ବିଜନେସ୍ ଲିଡରଙ୍କୁ ଭେଟିବା ଠାରୁ ଆରମ୍ଭ କରି ବିଭିନ୍ନ ବର୍ଗର ବିଶିଷ୍ଟ ଅଷ୍ଟ୍ରେଲୀୟମାନଙ୍କ ପର୍ଯ୍ୟନ୍ତ ଏହା ଏକ ଗୁରୁତ୍ୱପୂର୍ଣ୍ଣ ଯାତ୍ରା ଥିଲା ଯାହା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବନ୍ଧୁତା ବୃଦ୍ଧି କରିବ ।
Sydney turning it up for Indian Prime Minister @narendramodi 🇦🇺🇮🇳 pic.twitter.com/iSQYYyMYsb
— Anthony Albanese (@AlboMP) May 24, 2023
ସେହିଭଳି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ମଧ୍ୟ ନରେନ୍ଦ୍ର ମୋଦୀଙ୍କ ଏକ ଫଟୋ ତାଙ୍କର ଟ୍ୱିଟର ଆକାଉଣ୍ଟରେ ପୋଷ୍ଟ କରିଥିଲେ। ଏହା ସହିତ ସିଡନ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ପାଇଁ ଖୂବ୍ ଖୁସି ଅଛି।
ପ୍ରଧାନମନ୍ତ୍ରୀ ମୋଦୀ ଏହି ଅଷ୍ଟ୍ରେଲିଆ ଗସ୍ତରେ ସିଡନୀର ଅଲମ୍ପିକ୍ ପାର୍କରେ ୨୦ ହଜାର ଭାରତୀୟ ପ୍ରବାସୀଙ୍କୁ ସମ୍ବୋଧିତ କରିଥିଲେ। ଏହି ରିସେପ୍ସନ୍ ପାଇଁ ସ୍ୱତନ୍ତ୍ର ବିମାନ ଯୋଗେ ବହୁ ସଂଖ୍ୟକ ଲୋକ ସିଡନୀରେ ପହଞ୍ଚିଥିଲେ । ସେହିପରି ଏକ ବିମାନର ନାମ ମୋଦୀ ଏୟାରୱେଜ୍ ଥିଲା ଯେଉଁଥିରେ ୧୭୦ ଜଣ ଲୋକ ତ୍ରିରଙ୍ଗା ପୋଷାକ ପିନ୍ଧି ଏଠାରେ ପହଞ୍ଚିଥିଲେ । ଏହି ଗୋଷ୍ଠୀ ମେଲବୋର୍ଣ୍ଣରୁ ସିଡନୀରେ ପହଞ୍ଚିଥିଲେ। ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ନିଜେ କହିଥିଲେ ଯେ ଏହି କାର୍ଯ୍ୟକ୍ରମରେ ଭାଗ ନେବାକୁ ସେ ଅନେକ ଲୋକଙ୍କ ଅନୁରୋଧ ଗ୍ରହଣ କରିଛନ୍ତି, ଯାହା ପୂରଣ କରିବା ତାଙ୍କ ପକ୍ଷେ ସମ୍ଭବ ନୁହେଁ।
ଏହି ଅବସରରେ ପ୍ରଧାନମନ୍ତ୍ରୀ ଭାରତୀୟ ପ୍ରବାସୀଙ୍କୁ ଏକ ଅନୁରୋଧ କରିଥିଲେ। ସେ କହିଛନ୍ତି ଯେ, ଆପଣ ଯେବେ ଭାରତ ଆସୁଛନ୍ତି ସେତେବେଳେ ସାଙ୍ଗରେ ଜଣେ ଅଷ୍ଟ୍ରେଲିଆ ବନ୍ଧୁ କିମ୍ବା ତାଙ୍କର ପରିବାରକୁ ସାଥିରେ ନେଇ ଆସନ୍ତୁ। ଏହାଦ୍ୱାରା ତାଙ୍କୁ ଭାରତକୁ ଜାଣିବାକୁ ସୁଯୋଗ ମିଳିବ।
