‘ଜୀବନରେ କିଛି ବି ଆପଣଙ୍କୁ..’, ବେଙ୍ଗାଲୁରୁ ଦଳାଚକଟାକୁ ନେଇ ପ୍ରଥମ ଥର ଆସିଲା ବିରାଟ କୋହଲିଙ୍କ ବୟାନ

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗର ୧୮ତମ ସିଜିନରେ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଟିମ ଜିତିଥିଲା। ଏହି ବିଜୟ ୧୮ ବର୍ଷ ପରେ ରୟାଲ ଚ୍ୟାଲେଞ୍ଜର୍ସକୁ ମିଳିଛି। ପ୍ରଥମ ଥର ପାଇଁ ଫାଇନାଲ ମ୍ୟାଚରେ ପଞ୍ଜାବ କିଙ୍ଗସକୁ ପରାସ୍ତ କରି ଟାଇଟଲ ଜିତିଛି ରୟାଲ ଚ୍ୟାଲେଞ୍ଜର୍ସ।

ଏହି ବିଜୟ ପରେ ସମସ୍ତ RCB ଖେଳାଳି ବହୁତ ଖୁସି ଥିଲେ।RCB ଫ୍ରାଞ୍ଚାଇଜ୍ ତାର ପ୍ରଶଂସକମାନଙ୍କୁ ଉପହାର ଦେବା ପାଇଁ ଜୁନ୍ ୪ ତାରିଖରେ ବାଙ୍ଗାଲୋରରେ ଏକ ବିଜୟ ପରେଡ୍ ଆୟୋଜନ କରିଥିଲା।

କିନ୍ତୁ ଏହା ସେମାନଙ୍କର ସବୁଠାରୁ ବଡ଼ ଭୁଲ ପ୍ରମାଣିତ ହୋଇଥିଲା। ଯାହା ଫଳରେ ଖୁସିର ପରିବେଶ ଦୁଃଖରେ ପରିଣତ ହୋଇଗଲା। ଆଶା କରାଯାଇଥିବା ସଂଖ୍ୟାଠାରୁ ଅଧିକ ପ୍ରଶଂସକଙ୍କ ଆଗମନ ଯୋଗୁଁ ଏକ ଦଳାଚକଟା ଘଟି ୧୧ ଜଣଙ୍କ ଜୀବନ ଗଲା। ଏବେ ଏହି ସମ୍ପୂର୍ଣ୍ଣ ମାମଲାରେ RCB ଦଳର ଷ୍ଟାର ଖେଳାଳି ବିରାଟ କୋହଲିଙ୍କ ବୟାନ ସାମ୍ନାକୁ ଆସିଛି।

ବିରାଟଙ୍କ ବୟାନ: ବେଙ୍ଗାଲୁରୁ ଦଳାଚକଟାର ପ୍ରାୟ ତିନି ମାସ ପରେ ବିରାଟ କୋହଲି ଦେଇଥିବା ବିବୃତ୍ତିକୁ RCB ଫ୍ରାଞ୍ଚାଇଜ୍ ନିଜ ସୋସିଆଲ ମିଡିଆ ପ୍ଲାଟଫର୍ମରେ ପୋଷ୍ଟ କରିଛି।

ଯେଉଁଥିରେ କୋହଲି କହିଛନ୍ତି ଯେ, ଜୀବନରେ କିଛି ବି ଆପଣଙ୍କୁ ୪ ଜୁନ ଭଳି ହୃଦୟବିଦାରକ ଘଟଣା ପାଇଁ ପ୍ରସ୍ତୁତ କରେ ନାହିଁ। ଯାହା ଆମ ପ୍ରାଞ୍ଚାଇଜର ଇତିହାସର ସବୁଠୁ ଖୁସିର ମୁହୂର୍ତ୍ତ ହେବାର ଥିଲା.. ତାହା ଏକ ଦୁଃଖଦ ଘଟଣାରେ ବଦଳିଗଲା। ମୁଁ ସେହି ଲୋକଙ୍କ ପରିବାର ବିଷୟରେ ଭାବୁଛି ଏବଂ ତାଙ୍କ ପାଇଁ ପ୍ରାର୍ଥନା କରୁଛି ଯେ, ଯାହାକୁ ଆମେ ହରାଇଲୁ.. ଏବଂ ଆମର ସେହି ପ୍ରଶଂସକଙ୍କ ପାଇଁ ଯିଏ ଆହତ ହୋଇଛନ୍ତି। ଆପଣଙ୍କ କ୍ଷତି ବର୍ତ୍ତମାନ ଆମ କାହାଣୀର ଅଂଶ। ଆମେ ସବୁ ମିଶି ଦାୟିତ୍ୱର ସହ ଆଗକୁ ବଢିବା।

“Nothing in life really prepares you for a heartbreak like June 4th. What should’ve been the happiest moment in our franchise’s history… turned into something tragic. I’ve been thinking of and praying for the families of those we lost… and for our fans who were injured. Your… pic.twitter.com/nsJrKDdKWB

— Royal Challengers Bengaluru (@RCBTweets) September 3, 2025

RCB ଫ୍ରାଞ୍ଚାଇଜ୍ 25 ଲକ୍ଷ ଟଙ୍କା ଦେବାକୁ ଘୋଷଣା କରିଛି: Royal Challengers Bangalore ଫ୍ରାଞ୍ଚାଇଜ୍ RCB Cares ମାଧ୍ୟମରେ ବାଙ୍ଗାଲୋର ଦଳାଚକଟାରେ ମୃତ୍ୟୁବରଣ କରିଥିବା ଲୋକଙ୍କ ପରିବାରକୁ 25 ଲକ୍ଷ ଟଙ୍କା ଦେବାକୁ ଘୋଷଣା କରିଛି।