ଦେବୀ ମନ୍ଦିରରୁ ବାହାରିଲେ ବର୍ଷା ହୁଏ, ଜାଣନ୍ତୁ କେଉଁଠି

ଚାମୋଲି: ଉତ୍ତରାଖଣ୍ଡର ଚାମୋଲିର ରାନିଗଡ଼ ଠାରେ ଆରଧ୍ୟାଦେବୀ ମା ଦେବରାଡିଙ୍କ ଏକ ମନ୍ଦିର । ଯଦିଓ ସ୍ଥାନୀୟ ଲୋକମାନେ ମାତାଙ୍କୁ ‘ଦେବରାଡି’ ନାମରେ ସମ୍ବୋଧିତ କରନ୍ତି କିନ୍ତୁ ମାତାଙ୍କ ପ୍ରକୃତ ନାମ ହେଉଛି ‘ଦେବରାଣୀ’ ।
ପୌରାଣିକ କାହାଣୀ ଅନୁଯାୟୀ, ପତି ଶିବଙ୍କ ଅପମାନକୁ ସହ୍ୟ ନକରି ପିତାଙ୍କ ଯଜ୍ଞକୁଣ୍ଡକୁ ଡେଇଁ ଆତ୍ମହୁତି ଦେଇଥିଲେ ମାତା ସତୀ । ତା’ପରେ ଶଙ୍କର ଭଗବାନ ସତୀଙ୍କ ଦଗ୍ଧ ଶରୀରକୁ ଧରି ତାଣ୍ଡବ କରିଥିଲେ ।

ବ୍ରହ୍ମାଣ୍ଡର ସୁରକ୍ଷା ପାଇଁ ଭଗବାନ ବିଷ୍ଣୁ ମାତା ସତୀଙ୍କ ଶରୀରକୁ ସୁଦର୍ଶନ ଚକ୍ରରେ ଖଣ୍ଡ ବିଖଣ୍ଡିତ କରିଥିଲେ । କୁହାଯାଏ ଯେ ମାତା ସତୀଙ୍କ ଶରୀରର ଉପର ଅଂଶ ରାନିଗଡ ଅଞ୍ଚଳରେ ପଡିଥିଲା । ପରେ ଏଠାରେ ମାତା ସତୀଙ୍କ ମନ୍ଦିର ପ୍ରତିଷ୍ଠା କରାଯାଇଥିଲା। ଏହି କାରଣରୁ ଏଠାରେ ମା ସତୀଙ୍କୁ ନବଦୁର୍ଗା ରୂପରେ ପୂଜା କରାଯାଇଥିଲା ।

ବିଶ୍ୱାସ କରାଯାଏ, ଯେ ଯଦି କେହି ମା ଦେବରାଡିଙ୍କୁ ଆନ୍ତରିକତାର ସହିତ ପ୍ରାର୍ଥନା କରନ୍ତି, ତେବେ ମା ସମସ୍ତ ଭକ୍ତଙ୍କ ଇଚ୍ଛା ପୂରଣ କରନ୍ତି। ମେଳା ଦିନ ମାତା ଦେବରାଡି ମନ୍ଦିରରୁ ବାହାରକୁ ଆସନ୍ତି । ଆଉ ସେହି ସମୟରେ ବର୍ଷା ହୁଏ । ଯେବେ ବି ମାଆ ମନ୍ଦିର ବାହାରକୁ ଆସନ୍ତି, ସେହି ସମୟରେ ବର୍ଷା ହେବା ନିଶ୍ଚିତ । ଯାହା ଦ୍ୱାରା ପରିବେଶ ସଫା ସୁନ୍ଦର ହୋଇଯାଏ ଏବଂ ଏହାକୁ ଶୁଭ ସଙ୍କେତ ବୋଲି ସ୍ଥାନୀୟଲୋକ ବିଶ୍ୱାସ କରନ୍ତି ।