ପୃଥିବୀର ଶେଷ ଦିନ କେବେ ହେବ, କିପରି ହେବ ଅନ୍ତ? ସେପର୍ଯ୍ୟନ୍ତ ବଞ୍ଚିରହିବ କି ମଣିଷ
ଏହି ଦୁନିଆର ପରମ ସତ୍ୟ ହେଉଛି, ଯାହା ଜନ୍ମ ହୁଏ ତାହା କେବେ ନା କେବେ ନଷ୍ଟ ହୋଇଯିବ । ମଣିଷ, ପଶୁ, ଗଛ, ଉଦ୍ଭିଦ ଏବଂ ପ୍ରକୃତିର ଅନ୍ୟାନ୍ୟ ବସ୍ତୁ ସହିତ ମଧ୍ୟ ସମାନ ଘଟଣା ଘଟିଥାଏ । ଏହା ଆମ ପୃଥିବୀ ପାଇଁ ମଧ୍ୟ ସତ ।
ଯେପରି ପୃଥିବୀ ସୃଷ୍ଟି ହୋଇଥିଲା, ସେହିପରି ଏହାର ମଧ୍ୟ ଶେଷ ହେବ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ସେହି ଦିନ କେବେ ଆସିବ? ପୃଥିବୀର ଶେଷ ଦିନ କେବେ ହେବ ଏବଂ ମଣିଷ ସେହି ଦିନ ଦେଖିବା ପାଇଁ ବଞ୍ଚିବ ତ’?
ତେବେ ଆଜି ଆମେ ପୃଥିବୀର ଶେଷ ଦିନ ବିଷୟରେ ଆଲୋଚନା କରିବା । ବାସ୍ତବରେ ନିକଟରେ କେହି ଜଣେ ସୋସିଆଲ ମିଡିଆ ପ୍ଲାଟଫର୍ମ କୋରାରେ ଏକ ପ୍ରଶ୍ନ ପଚାରିଥିଲେ – “ଆମ ପୃଥିବୀର ଶେଷ ଦିନ କେବେ ହୋଇପାରେ?’ ଏହି ପ୍ରଶ୍ନର ଅନେକ ଲୋକ ନିଜର ଉତ୍ତର ଦେଇଛନ୍ତି ।
ଲୋକମାନେ କୋରାରେ ଉତ୍ତର ଦେଇଥିଲେ :-
ଅମୋଲକ ଗୋୟଲ ନାମକ ଜଣେ ବ୍ୟକ୍ତି କହିଛନ୍ତି – “ବର୍ତ୍ତମାନ ସଙ୍ଗମ ଯୁଗ ଚାଲିଛି । ଏହା ହେଉଛି କଳିଯୁଗର ଶେଷ ଏବଂ ସତ୍ୟଯୁଗର ଆରମ୍ଭ । ଶେଷ ପାଖେଇ ଆସୁଛି ଏବଂ ନୂଆ ସକାଳ, ନୂଆ ଜଗତ, ସତ୍ୟଯୁଗ ନିକଟବର୍ତ୍ତୀ ।’ ଗଙ୍ଗା ପ୍ରସାଦ ଗୁଦରାସିଆ କହିଛନ୍ତି- ଯେତେବେଳେ ବିଶ୍ୱଯୁଦ୍ଧରେ ବିସ୍ଫୋଟ କିମ୍ବା ପରମାଣୁ ବୋମା ବ୍ୟବହାର କରାଯିବ, ସେତେବେଳେ ବିଶ୍ୱ ସମାପ୍ତ ହେବ ।
ସୁନୀତ୍ ଚକ୍ରବର୍ତ୍ତୀ ନାମକ ଜଣେ ବ୍ୟକ୍ତି କହିଛନ୍ତି – “ଶ୍ରୀମଦ୍ ଭଗବତ ଅନୁଯାୟୀ, ଦୁଇଟି କଳ୍ପୋ ପରେ ସୃଷ୍ଟି ଅନ୍ତ ହୁଏ ବୋଲି ଧରାଯାଏ । ପ୍ରତ୍ୟେକ କଳ୍ପୋରେ ଏକ ଅର୍ଦ୍ଧ ପ୍ରଲୟ ରହିଛି । ଦୁଇଟି କଳ୍ପୋ ଅର୍ଥାତ୍ ଦୁଇ ହଜାର ଚର୍ତୁଯୁଗ । ସେହିପରି ଦ୍ୱିିତୀୟ କଳ୍ପୋ ସମାପ୍ତ ହେବା ପରେ ପ୍ରଳୟ ଆସିଥାଏ ଅର୍ଥାତ୍ ସୃଷ୍ଟି ନଷ୍ଟ ହୋଇଥାଏ ।
ପୃଥିବୀ କେବେ ଶେଷ ହେବ?
ଏଗୁଡ଼ିକ ତ’ ସାଧାରଣ ଲୋକଙ୍କ ଉତ୍ତର, ଆସନ୍ତୁ ସରକାରୀ ଉତ୍ସ ମାଧ୍ୟମରେ ଜାଣିବା ଯେ ପୃଥିବୀର କେବେ ଅନ୍ତ ହେବ । ଜ୍ୟୋତିର୍ବିଜ୍ଞାନ ୱେବସାଇଟ୍ ଏବଂ ବିବିସି ସାଇନ୍ସ ଫୋକସ୍ ଅନୁଯାୟୀ ପୃଥିବୀର ଶେଷ ଅନେକ ଉପାୟରେ ହୋଇପାରେ । ଯଦି ଏକ ବଡ ଉଲ୍କା ପିଣ୍ଡ ପୃଥିବୀକୁ ଧକ୍କା ଦିଏ, ପୃଥିବୀରେ ଥିବା ଅମ୍ଳଜାନ ନଷ୍ଟ ହୋଇଯାଏ କିମ୍ବା ସୂର୍ଯ୍ୟ ଏକ ବ୍ଲାକ୍ ହୋଲରେ ପରିଣତ ହୁଏ ଏବଂ ପୃଥିବୀ ଏଥିରେ ପ୍ରବେଶ କରେ । କିନ୍ତୁ ବିଶ୍ୱାସ କରାଯାଏ ଯେ, ଆଗାମୀ ଅନେକ କୋଟି ବର୍ଷ ଧରି ଏହି ସବୁ ଘଟିବ ନାହିଁ । ଏଭଳି ପରିସ୍ଥିତିରେ ମଣିଷର ଅସ୍ତିତ୍ୱ ଏବେ ତ’ ଶେଷ ହେବ ନାହିଁ । ପୃଥିବୀର ଶେଷ ପର୍ଯ୍ୟନ୍ତ ଏପର୍ଯ୍ୟନ୍ତ କୋଟି କୋଟି ବର୍ଷ ରହିଛି ।
