ବ୍ୟାଙ୍କ ନିୟମ: କ’ଣ ଚେକରେ ଟଙ୍କା ଆଗରେ ‘Only’ ନଲେଖିଲେ ତାହା ହୋଇଯିବ ବାଉନ୍ସ ? ଜାଣନ୍ତୁ ଉତ୍ତର

ନୂଆଦିଲ୍ଲୀ: ଲୋକଙ୍କୁ ବ୍ୟାଙ୍କ ସହ ଯୋଡିବା ପାଇଁ ସରକାର ଅନେକ ପଦକ୍ଷେପ ଉଠାଉଛନ୍ତିି । ଏହି କାରଣରୁ ଆଜି ଦେଶର ଅଧିକାଂଶ ଲୋକମାନଙ୍କ ପାଖରେ ବ୍ୟାଙ୍କ ଆକାଉଣ୍ଟ ରହିଛି । ସବସିଡି ରାଶି ଏବଂ ଜନ କଲ୍ୟାଣ ଯୋଜନା ଅନ୍ତର୍ଗତ ଯୋଗ୍ୟ ବ୍ୟକ୍ତିଙ୍କୁ ଦିଆଯାଇଥିବା ସହାୟତାକୁ ସରକାର ସିଧାସଳଖ ସେମାନଙ୍କ ବ୍ୟାଙ୍କ ଆକାଉଣ୍ଟକୁ ଟ୍ରାନ୍ସଫର କରନ୍ତି ।

ବ୍ୟାଙ୍କ ସହିତ ଜଡିତ ବ୍ୟକ୍ତି ମଧ୍ୟ ବେଳେବେଳେ ଚେକ୍ ବ୍ୟବହାର କରନ୍ତି । ଆପଣ ନିଶ୍ଚିତ ଭାବରେ ଏହାର ବ୍ୟବହାର କରିଥିବେ । ଚେକରେ ଶବ୍ଦରେ ଟଙ୍କା ଲେଖିବା ପରେ ସମସ୍ତେ ଏହା ଆଗରେ ‘Only’ କିମ୍ବା ‘କେବଳ’ ଲେଖନ୍ତି । ଆପଣ ମଧ୍ୟ ନିଶ୍ଚୟ ଏପରି ଲେଖୁଥିବେ । କିନ୍ତୁ ଆପଣ ଜାଣନ୍ତି ଏହା କରିବା କାହିଁକି ଜରୁରୀ? ଯଦି ରାଶି ପୂର୍ବରୁ ଲେଖା ନହୁଏ ତେବେ ଚେକ୍ ବାଉନ୍ସ ହେବ କି?

ତେବେ ସୁରକ୍ଷା ଦୃଷ୍ଟିରୁ ଚେକରେ ଥିବା ଟଙ୍କା ଆଗରେ ‘Only’ ଲେଖାଯାଏ । ଶବ୍ଦରେ ଲେଖାଯାଇଥିବା ରାଶି ଆଗରେ ‘କେବଳ’ ଲେଖିବା ଦ୍ୱାରା ଆପଣଙ୍କ ଚେକ୍ ର ସୁରକ୍ଷା ବଢ଼ିଥାଏ ଏବଂ ଏହି ଶବ୍ଦ ଚେକ୍ ଠକେଇକୁ ବହୁ ପରିମାଣରେ ରୋକିଥାଏ । ‘କେବଳ’ ଲେଖା ହେବାରୁ ଆପଣ ଯାହାକୁ ଚେକ୍ ଦେଉଛନ୍ତି, ସେ ମନଇଛା ଚେକ୍ ମାଧ୍ୟମରେ ଆପଣଙ୍କ ଆକାଉଣ୍ଟରୁ ଟଙ୍କା ଉଠାଇପାରିବେ ନାହିଁ ।

ଏହିପରି ସୁରକ୍ଷା କରେ :-
ଧରାଯାଉ ଆପଣ ଚେକ୍ ମାଧ୍ୟମରେ କାହାକୁ ୫୦,୦୦୦ ଟଙ୍କା ଦେଉଛନ୍ତି ଏବଂ ୱାର୍ଡରେ ଲେଖିବାବେଳେ ଆପଣ ‘Only’ ଲେଖି ନାହାଁନ୍ତି । ଏହା ଏକ ସମ୍ଭାବନା ଦିଏ ଯେ ସେ ଆପଣଙ୍କ ଦ୍ୱାରା ଲିଖିତ ରାଶି ପାଖରେ ଲେଖି ଟଙ୍କା ବଢ଼ାଇ ପାରିବେ, କାରଣ ‘Only’ ଲେଖା ହୋଇନଥିବାରୁ ଚେକରେ ଆଉ କିଛି ଯୋଡିବାକୁ ଜାଗା ମିଳିଯାଏ । ଏପରି ପରିସ୍ଥିତିରେ ଆପଣ ଠକାମୀର ଶିକାର ହେବେ ।

‘Only’ ଲେଖା ନହେଲେ ଚେକ୍ ବାଉନ୍ସ ହେବ କି?
କିଛି ଲୋକଙ୍କ ମନରେ ଏକ ପ୍ରଶ୍ନ ପ୍ରାୟତଃ ଉଠିଥାଏ ଯେ, ଯଦି କେହି ଚେକରେ ‘Only’ ଲେଖିବାକୁ ଭୁଲିଯାଆନ୍ତି, ତେବେ ଚେକ୍ ବାଉନ୍ସ ହେବ କି? ଏହି ପ୍ରଶ୍ନର ଉତ୍ତର ନା । ଯଦି ଆପଣ ‘Only’ ନଲେଖନ୍ତି ତେବେ ଏହା ଚେକ୍ ଉପରେ କୌଣସି ଖରାପ ପ୍ରଭାବ ପକାଇବ ନାହିଁ ଏବଂ ବ୍ୟାଙ୍କ ଏହାକୁ ଗ୍ରହଣ କରିବ । ଚେକ୍ ର ସୁରକ୍ଷା ସହିତ ଏହି ବିଶେଷ ଶବ୍ଦର ସିଧାସଳଖ ସଂଯୋଗ ରହିଛି ।