ଭାରତ ମାନଚିତ୍ରରେ କାହିଁକି ଦେଖାଯାଏ ଶ୍ରୀଲଙ୍କା, ପାକିସ୍ତାନ କି ଚୀନ କାହିକିଁ ନୁହେଁ, ଏହା ହେଉଛି କାରଣ
ନୂଆଦିଲ୍ଲୀ: ଦୁନିଆରେ ଯେତେ ଦେଶ ଅଛି ସେମାନଙ୍କ ମ୍ୟାପରେ କେବଳ ନିଜ ଦେଶର ଚିତ୍ର ଦେଖାଯାଏ । ହେଲେ ଭାରତ ମାନଚିତ୍ରରେ ଏପରି ଦେଖିବାକୁ ମିଳେନାହିଁ । ଭାରତ ମାନଚିତ୍ରରେ ସର୍ବଦା ଶ୍ରୀଲଙ୍କା ମାନଚିତ୍ର ଦେଖାଯାଇଥାଏ । ଏହାକୁ ନେଇ ସମସ୍ତଙ୍କ ମନରେ ପ୍ରଶ୍ନ ଉଠିଛି ଯେ, ଭାରତ ପାଖକୁ ଲଗାଇ ପାକିସ୍ତାନ ଏବଂ ଚୀନ ମଧ୍ୟ ଅଛି ହେଲେ ସେମାନଙ୍କୁ ନଦେଖାଇ କେବଳ ଶ୍ରୀଲଙ୍କାକୁ କଣ ପାଇଁ ଦେଖାଯାଏ ଭାରତ ମାନଚିତ୍ରରେ? ୟୁନାଇଟେଡ଼ ନେସନର ଏକ ଆଇନ ରହିଛି । ଯାହାକୁ ଲ ଅଫ ସି କୁହାଯାଏ । ଏହି ଆଇନ ଅନୁସାରେ, ଯଦି କେଉଁ ଦେଶର ସୀମା ସମୁଦ୍ର ସହ ଲାଗୁଛି ତେବେ ସୀମାରୁ ୩୭୦ କିମି ପର୍ଯ୍ୟନ୍ତ ସେହି ଅଞ୍ଚଳ ଉକ୍ତ ଦେଶର ସାମୁଦ୍ରିକ ଅଂଚଳ ବୋଲି ଧରାଯାଏ ।
ବର୍ତ୍ତମାନ ଶ୍ରୀଲଙ୍କା ଏବଂ ଭାରତ ମଧ୍ୟରେ ଦୂରତ୍ୱ ମାତ୍ର ୧୮ ନାର୍ଟିକିଲ ମାଇଲ ରହିଛି । ଏହି କାରଣ ପାଇଁ ଭାରତ ଶ୍ରୀଲଙ୍କା ମ୍ୟାପରେ ଦେଖାଯାଏ । ୧୯୫୬ ମସିହାରେ ୟୁନାଇଟେଡ୍ ନେସନ ତରଫରୁ UNCLOS-I ଆୟୋଜନ କରାଯାଇଥିଲା । ଏହି ସମ୍ମିଳନୀରେ ଅନେକ ଦେଶ ମଧ୍ୟ ସାମିଲ ହୋଇଥିଲେ । ଏହା ୧୯୫୮ ମସିହାରେ କାର୍ଯ୍ୟକାରୀ ହୋଇଥିଲା । ଦେଶର ସାମୁଦ୍ରିକ ସୀମାକୁ ନେଇ ଅନେକ ଆଇନ ବନାଯାଇଥିଲା । ଏହାପରେ ୧୯୭୩ ମସିହାରୁ ଆରମ୍ଭ କରି ୧୯୮୨ ପର୍ଯ୍ୟନ୍ତ ଏକ ତୃତୀୟ ସମ୍ମିଳନୀ ଆୟୋଜିତ ହୋଇଥିଲା ଏବଂ ଏଥିରେ ସମୁଦ୍ର ସହ ଜଡ଼ିତ ଅନ୍ତରାଷ୍ଟ୍ରୀୟ ଆଇନକୁ ମାନ୍ୟତା ଦିଆଯାଇଥିଲା ।
ଏହି ନିୟମ ଅନୁସାରେ, ଯେଉଁ ମାନଚିତ୍ରରେ ସେହି ଦେଶର ମୂଳ ଲାଇନଠାରୁ ୨୦୦ ମାଇଲ୍ ପର୍ଯ୍ୟନ୍ତ ଦେଶର ସୀମା ଦେଖାଇବା ବାଧ୍ୟତାମୂଳକ ଅଟେ । ଏକ ମାଇଲରେ ୧.୮୨୪ କିଲୋମିଟର ଅଛି । ଏହି କ୍ଷେତ୍ରରେ, ୨୦୦ ନ ନାର୍ଟିକଲ ମାଇଲ୍ ହେଉଛି ୩୭୦ କିଲୋମିଟର ।
ଏହାର କାରଣ ହେଉଛି, ଭାରତ ସୀମାଠାରୁ ଶ୍ରୀଲଙ୍କା ୩୭୦ କିଲୋମିଟର ଦୂରରେ ଥିବା ଅଞ୍ଚଳ ମାନଚିତ୍ରରେ ଦର୍ଶାଯାଇଛି। ସେଥିପାଇଁ ଏକ ଅଲଗା ଦେଶ ହେବା ସତ୍ତ୍ୱେ ଶ୍ରୀଲଙ୍କା ସର୍ବଦା ଭାରତର ମାନଚିତ୍ରରେ ଦୃଶ୍ୟମାନ ହୁଏ । ତେବେ ମାନଚିତ୍ରରେ ପାକିସ୍ତାନ, ଚୀନ୍, ନେପାଳ, ଭୁଟାନ, ବାଂଲାଦେଶ ଏବଂ ମିଆଁମାର ପ୍ରଦର୍ଶିତ ହୋଇଛି କାରଣ ସେଗୁଡିକ ଅନ୍ତର୍ଭୁକ୍ତ ନକରି ସମଗ୍ର ଭାରତର ମାନଚିତ୍ର ଦେଖାଇବା ସମ୍ଭବ ନୁହେଁ।
