‘କରୋନା ଭାଇରସ୍ କାର’ରେ ଯାତ୍ରା କରିବାକୁ ଚାହାନ୍ତି କି? ଉଦ୍ଦେଶ୍ୟ ଜାଣିଲେ ଆପଣ ବି ଚକିତ ହୋଇଯିବେ
ସାରା ବିଶ୍ୱରେ କରୋନା ଭାଇରସର ପ୍ରକୋପ ବଢିବାରେ ଲାଗିଛି, ଯେଉଁଥିପାଇଁ ଲୋକମାନେ ଘରେ ବନ୍ଦ ରହିବାକୁ ବାଧ୍ୟ ହେଉଛନ୍ତି । ଏଭଳି ପରିସ୍ଥିତିରେ ହାଇଦ୍ରାବାଦରେ କାର ଡିଜାଇନ କରୁଥିବା ଜଣେ ବ୍ୟକ୍ତି ମହାମାରୀ ବିଷୟରେ ଲୋକମାନଙ୍କୁ ଅବଗତ କରାଇବା ପାଇଁ ଏକ ନିଆରା ଉପାୟ ଅବଲମ୍ବନ କରି ‘କରୋନା ଭାଇରସ୍ କାର୍’ ପ୍ରସ୍ତୁତ କରିଛନ୍ତି ।
ତେବେ ଏହି କାର ଲୋକମାନଙ୍କୁ କରୋନା ଭାଇରସ୍ ଓ ତାହାର ସଂକ୍ରମଣର ବିପଦ ବିଷୟରେ ଲୋକଙ୍କୁ ଅବଗତ କରାଇବ । ଏହା ସହ ଲୋକାମାନେ ଏହି ବିପଦରୁ କିପରି ବଞ୍ଚିବେ, ତାହା ମଧ୍ୟ କାରଟି କହିଦେବ । କାରର ଡିଜାଇନର କେ ସୁଧାକର କହିଛନ୍ତି ଯେ, ‘କରୋନା ଭାଇରସର ବିସ୍ତାର ଓ ଏହାର ବିପଦକୁ ଦୃଷ୍ଟିରେ ରଖି ଏହି କାରଟିର ନିର୍ମାଣ କରିଛି । ଏହି କାର ସାଧାରଣ କାର ପରି ଚାଲିଥାଏ , କିନ୍ତ ଏହାର ଡିଜାଇନ୍ ଠିକ୍ କରୋନା ପରି ହୋଇଛି । ଏହାର ଉଦ୍ଦେଶ୍ୟ ହେଉଛି, ଭାଇରସର ଗମ୍ଭରତାକୁ ଲୋକମାନେ ବୁଝିବା ସହ ସରକାରଙ୍କ ନିର୍ଦ୍ଦେଶକୁ ସଠିକ୍ ଭାବେ ପାଳନ କରିବେ ।’
