ବଲିଉଡ୍ ଆକ୍ଟରଙ୍କଠାରୁ ମଧ୍ୟ ଧନୀ ଏହି ଶିଶୁ କଳାକାର, ମାତ୍ର ୯ ବର୍ଷ ବୟସରେ ଆରମ୍ଭ କରିଥିଲେ ନିଜ ଶୋ’

ୱାଶିଂଟନ୍: ବିଶ୍ୱର ସବୁଠୁ ଧନୀ ଶିଶୁ କଳାକାର ଭାବେ ପରିଚୟ ସୃଷ୍ଟି କରିଛନ୍ତି, ଲେନ୍ ଆର୍ମିଟେଜ୍ । ବହୁ ବଲିଉଡ୍ କଳାକାରଙ୍କଠାରୁ ମଧ୍ୟ ଲେନ୍ ଧନୀ ଅଟନ୍ତି । କିଶୋର ବୟସ ଆସିବା ପୂର୍ବରୁ ହିଁ ସେ ନିଜ ବୟସଠାରୁ ଅଧିକ କିଛି ଆଚିଭ୍ କରିସାରିଛନ୍ତି । ବର୍ତ୍ତମାନ ଏହି ୧୬ ବର୍ଷୀୟ ବାଳକ ୬ ନିୟୁତ ଡଲାର ସମ୍ପତ୍ତିର ମାଲିକ ହୋଇଛନ୍ତି । ଆମେରିକୀୟ ଫିଲ୍ମ ଗଜତରେ ଥିବା ଅନ୍ୟ ଶିଶୁ କଳାକାର ମୋଡର୍ନ ଫ୍ୟାମିଲି ଫେମ୍ ଅରବ୍ରେ ଆଣ୍ଡରସନ୍, ଇମୋନସ ଆଣ୍ଡ କାନାଡିଆନ୍ ଅଭିନେତା ଜାକୋବ ଟ୍ରେମ୍ବଲିଙ୍କୁ ସମ୍ପତ୍ତି ଉପାର୍ଜନ କ୍ଷେତ୍ରରେ ପଛରେ ପକାଇ ଲେନ୍ ଆଗରେ ଅଛନ୍ତି ।

୨୦୦୮ରେ ଲେନ୍ ଜର୍ଜିଆରେ ଜନ୍ମଗ୍ରହଣ କରିଥିଲେ । ଲେନ୍ ପ୍ରଥମେ ନିଜ ୟୁଟୁ୍ୟବ୍ ଭିଡିଓ ସିରିଜ୍ ଜରିଆରେ ଲାଇମ୍ ଲାଇଟକୁ ଆସିଥିଲେ । ତାଙ୍କୁ ଥିଏଟର ବହୁତ ପସନ୍ଦ । ୨୦୧୪ରେ ତାଙ୍କ ୟୁଟୁ୍ୟବ ସିରିଜରେ ସେ ମୁ୍ୟଜିକାଲ ଥିଏଟର ଶୋ’ ରିଭୁ୍ୟ କରୁଥିବାର ଦେଖାଯାଇଥିଲା । ଏହାପରେ ୨୦୧୭ରେ ସେ ଆକ୍ଟିଙ୍ଗରେ ଡେବୁ୍ୟ କରିଥିଲେ । ଦ ଗ୍ଲାସ୍ କାଷ୍ଟଲ, ଆୱାର ସୋଲ୍ସ ଆଟ୍ ନାଇଟ୍ ଫିଲ୍ମରେ ଅଭିନୟ କରିସାରିଛନ୍ତି ଲେନ୍ । ଏହାବ୍ୟତୀତ ଟିଭି ଶୋ’ ଲ’ଆଣ୍ଡ ଅର୍ଡର: ସ୍ପେସିଆଲ ଭିକ୍ଟିମସ୍ ୟୁନିଟ ଆଣ୍ଡ ବିଗ୍ ଲିଟିଲ ଲାଇଜ କାର୍ଯ୍ୟକ୍ରମରେ ସେ ନଜରକୁ ଆସିଥିଲେ । ଏବେବି ଅଭିନୟ ସେ ଜାରି ରଖିଛନ୍ତି । ଲେନ୍ଙ୍କ ବାପା ଇୟୁଆନ୍ ମୋର୍ଟନ୍ ଜଣେ ବ୍ରିଟିଶ ଅଭିନେତା ଓ ଗାୟକ । ଆଗାମୀ ଦିନରେ ଲେନଙ୍କ ଅନେକ ପ୍ରୋଜେକ୍ଟ ଆସିବାରଅଛି ।