ବ୍ଲୁମବର୍ଗ ତାଲିକା: ବିଶ୍ବର ସବୁଠୁ ଧନୀ ପରିବାର ଓ୍ବାଲଟନ୍ସ, ମୋଟ ସମ୍ପତ୍ତି….

ନୂଆଦିଲ୍ଲୀ: ବିଶ୍ବର ସବୁଠୁ ଧନୀ ପରିବାର ନେଇ ବ୍ଲୁମବର୍ଗ ତାଲିକା ପ୍ରକାଶ ପାଇଛି । ଏଥିରେ ଶୀର୍ଷ ସ୍ଥାନରେ ରହିଛନ୍ତି ଓ୍ବାଲମାର୍ଟ ଓ୍ବାଲଟନ୍ ପରିବାର । ସେମାନେ ପୁନଃ ପ୍ରଥମ ସ୍ଥାନ ଅଧିକାରରେ ଆଗରେ ରହିଛନ୍ତି । ମୋଟ 43240 କୋଟି ଡଲାରର ରହିଛି ତାଙ୍କର ସମ୍ପତ୍ତି । ସେହିପରି ବିଶ୍ବର ସବୁଠାରୁ ଧନୀ ବ୍ୟକ୍ତି ହେଉଛନ୍ତି ଏଲନ ମସ୍କ । ତାଙ୍କର ବ୍ୟକ୍ତିଗତ ସମ୍ପତ୍ତି ଠାରୁ ଏହି ପରିବାରର ସମ୍ପତ୍ତି ଅଧିକ ରହିଛି ।

ଯଦି ଭାରତୀୟଙ୍କ କଥା ଦେଖିବା ତାହେଲେ ଏହି ଲିଷ୍ଟରେ ସେଥାନ ପାଇଛନ୍ତି ଅମ୍ବାନୀ ପରିବାର । ସେମାନେ ଅଷ୍ଟମ ସ୍ଥାନରେ ରହିଛନ୍ତି । ଅମ୍ବାନୀ ପରିବାରର ମୋଟ ସମ୍ପତ୍ତି ରହିଛି 9960 କୋଟି ଡଲାର । ସୂଚନା ଅନୁସାରେ, ଓ୍ବାଲମାର୍ଟ ସେୟାରରେ ଉତ୍ତମ ପ୍ରଦର୍ଶନ ଯୋଗୁଁ ବିଶ୍ବର ଧନୀ ପରିବାରରେ ସ୍ଥାନ ପାଇଛନ୍ତି । ହଠାତ୍ ଓ୍ବାଲମାର୍ଟ ସେୟାର ବୃଦ୍ଧି ପାଇଥିଲା । ଡିସେମ୍ବର ପହିଲା ସୁଦ୍ଧା ସେୟାରରେ 80 ପ୍ରତିଶତ ବୃଦ୍ଧି ହୋଇଥିଲା । ଫଳରେ ପରିବାରର ସମ୍ପତ୍ତି 17270 କୋଟି ଡଲାର ବୃଦ୍ଧି ପାଇଛି । ରାଜସ୍ବ ହିସାବରେ ଓ୍ବାଲମାର୍ଟ ବିଶ୍ବର ସବୁଠାରୁ ସର୍ବବୃହତ ରିଟେଲର । ରିପୋର୍ଟ ମୁତାବକ ବିଶ୍ବବ୍ୟାପୀ ଅରବପତିମାନେ ମିଳିତ ଭାବେ 40650 କୋଟି ଡଲାରର ସମ୍ପତ୍ତି ଯୋଡିଛନ୍ତି । ପ୍ରଥମରେ ଓ୍ବାଲଟନ୍ସ ପରିବାର ରହିଥିବା ବେଳେ 32390 କୋଟି ଡଲାର ସହିତ ଆରବ ଏମିରେଟର୍ସର ଅଲ ନେହୟାନ ପରିବାର ଦ୍ବିତୀୟ ସ୍ଥାନରେ ରହିଛନ୍ତି ।