ଏ କି ଅତ୍ୟାଚାର! Zomato ଡେଲିଭରି ଯୁବକଠାରୁ ଖାଇବା ଛଡ଼ାଇବା ସହ ଚପଲରେ ପିଟିଲେ ଯୁବତୀ, ଦେଖନ୍ତୁ Video
ନୂଆଦିଲ୍ଲୀ: ଡେଲିଭରି ଏଜେଣ୍ଟଙ୍କୁ ନେଇ ପ୍ରତିଦିନ କିଛି ନା କିଛି ଖବର ସାମ୍ନାକୁ ଆସୁଛି । କେତେବେଳେ ସେମାନଙ୍କର ଷ୍ଟ୍ରଗଲକୁ ନେଇ ତ’ ଆଉ କେବେ ସେମାନଙ୍କ ଉପରେ ଲୋକମାନେ ଅତ୍ୟାଚାର କରୁଥିବା ଭିଡିଓ ଦେଖିବାକୁ ମିଳୁଛି । ନିକଟରେ ଜଣେ ଯୁବତୀ ବିଚ୍ ରାସ୍ତାରେ ଜଣେ ଜୋମାଟୋ ଏଜେଣ୍ଟଙ୍କୁ ମାଡ଼ ମାରୁଥିବା ଦେଖିବାକୁ ମିଳିଛି । ଘଟଣାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏହି ଭିଡିଓଟିକୁ ଜଣେ ଟ୍ୱିଟର ବ୍ୟବହାରକାରୀ ୦୪ ପୋଷ୍ଟ କରିଛନ୍ତି ।
ଭିଡିଓରେ ଡେଲିଭରି ବଏ, ଯୁବତୀ ଓ ତାଙ୍କ ସହ କିଛି ଲୋକ ସେଠାରେ ଠିଆ ହୋଇଥିବା ଦେଖିବାକୁ ମିଳିଛି । ଡେଲିଭରି ପାର୍ଟନରଙ୍କୁ ଯୁବତୀଜଣକ ବାରମ୍ବାର ମାଡ଼ ମାରିଥିଲେ । ଏହା ପରେ ରାଗ ଶାନ୍ତ ହେଲାନି , ସେ ତାଙ୍କଠାରୁ ଖାଇବା ଛଡ଼ାଇ ନେଇଥିଲେ ଓ ପରେ ଚପଲରେ ମାଡ଼ ମାରିଥିଲେ । ଘଟଣା ସମୟରେ ସେଠାରେ ଥିବା କେହି ଜଣେ ଏହି ଦୃଶ୍ୟକୁ ନିଜ କ୍ୟାମେରାରେ କଏଦ କରିଥିଲେ ଓ ପରେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଖାଦ୍ୟ ଅର୍ଡର କରିଥିବା ବ୍ୟକ୍ତି ତାଙ୍କ ଟ୍ୱିଟ୍ ମାଧ୍ୟମରେ ଏହା ବିଷୟରେ କହିଛନ୍ତି । ସେ ଟ୍ୱିଟରେ ଲେଖିଛନ୍ତି ଯେ, ‘ହାଏ ଜୋମାଟୋକେୟାର ଜୋମାଟୋ, ମୋ ଅର୍ଡର ଦେବା ସମୟରେ ଡେଲିଭରି କାର୍ଯ୍ୟନିର୍ବାହୀଙ୍କୁ ଆକ୍ରମଣ କରାଯାଇଥିଲା । କିଛି ମହିଳା ତାଙ୍କଠାରୁ ଖାଇବା ଅର୍ଡର ନେଇ ଜୋତା ସାହାଯ୍ୟରେ ତାଙ୍କୁ ମାରିବା ଆରମ୍ଭ କରିଥିଲେ । ସେ କାନ୍ଦି କାନ୍ଦି ମୋ ଘରକୁ ଆସିଥିଲେ ଓ ଚାକିରି ଚାଲିଯିବାକୁ ନେଇ ଭୟ କରିଥିଲେ ।’
Another case of WOMAN hitting ZOMATO delivery BOY with her SHOE!!
Again an educated WOMAN showing her POWER.
GENDER BIASED laws protect female criminals and deny EQUAL RIGHTS TO MEN 😡
Abusing MEN is a trend now.No one in the public has guts to stop her. pic.twitter.com/2s15VfoQyx
— Barkha Trehan 🇮🇳 / बरखा त्रेहन (@barkhatrehan16) August 23, 2022
ଏହି ଘଟଣା ଅଗଷ୍ଟ ୧୬ ରେ ଘଟିଥିବା କୁହାଯାଉଛି, କିନ୍ତୁ ଏହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଏହା ଦେଖିବାକୁ ମିଳେ ଯେ ମହିଳା ଜଣଙ୍କ ହାତରେ ଜୋତା ଧରି ଜୋମାଟୋ ଡେଲିଭରି ଏଜେଣ୍ଟକୁ ମାଡ ମାରୁଛନ୍ତି । ଘଟଣାକୁ ଦେଖିବା ପରେ ଲୋକମାନେ ଜୋମାଟୋ ବଏଙ୍କୁ ନ୍ୟାୟ ଦେବା ପାଇଁ ଦାବି କରିଛନ୍ତି ।
