(Video) ନଦୀରେ ଭାସୁଛି ୧୦ ଓ ୧୦୦ ଟଙ୍କିଆ ନୋଟ୍ ବିଡ଼ା! ଯିଏ ଯେତେ ପାରିଲା ଗୋଟାଇନେଲା
ନୂଆଦିଲ୍ଲୀ: ନଦୀ, ନାଳ, ପୋଖରୀରୁ ମାଛ ଧରିବା ପାଇଁ ଅନେକ ସମୟରେ ଲୋକଙ୍କର ଭିଡ଼ ଦେଖିବାକୁ ମିଳିଥାଏ । ବିଶେଷ ଗ୍ରାମାଞ୍ଚଳରେ ଏଭଳି ବହୁ ଘଟଣା ଦେଖିବାକୁ ମିଳିଥାଏ । ତେବେ ପାଣିରୁ ନୋଟ ଧରିବା ପାଇଁ ଲୋକଙ୍କର ଭିଡ଼ ଜମିଥିବା କଥା ଆପଣମାନେ କେବେ ଦେଖିଛନ୍ତି କି? ଏହି କଥାଟି ଗପ ଭଳି ଲାଗୁଥିଲେ ହେଁ ଏପରି ଦୃଶ୍ୟ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଲୋକମାନେ ପାଣି ଭିତରେ ପଶି ନୋଟ୍ ଗୋଟାଇ ନେଉଥିବା ଦେଖାଯାଉଛି ।
ସୂଚନା ମୁତାବକ, ବିହାରର ସାସାରାମ ଜିଲ୍ଲାର ମୁରାଦାବାଦ ନିକଟରେ ଥିବା ଏକ ନଦୀରେ ପ୍ରବଳ ମାତ୍ରାରେ ନୋଟ ବିଡ଼ା ରହିଥିବା ନେଇ ସୂଚନା ମିଳିଥିଲା । ଏହି ଖବର ମିଳିବା ପରେ ହଠାତ୍ ଏହି ସ୍ଥାନରେ ଲୋକମାନେ ରୁଣ୍ଡ ହେବାରେ ଲାଗିଥିଲେ । ଯିଏ ଯେତେ ପାରିଲା ପାଣିରୁ ନୋଟ ବଣ୍ଡଲ ଧରି ଘରକୁ ନେଇଯାଇଥିଲା । ଏନେଇ ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା ।
ତେବେ ପାଣିରୁ ମିଳୁଥିବା ଏହି ନୋଟ ମଧ୍ୟରୁ ଅଧିକାଂଶ ୧୦ ଟଙ୍କିଆ ଓ ୧୦୦ ଟଙ୍କିଆ ନୋଟ୍ ଥିଲା । ଏହି ଘଟଣା ସମ୍ପର୍କରେ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏହାପରେ ପୋଲିସ ସେଠାରୁ ଲୋକଙ୍କୁ ଚାଲିଯିବାକୁ କହିଥିଲା । ଏହା ଏକ ଗୁଜବ ବୋଲି ପୋଲିସ ସନ୍ଦେହ କରୁଥିବା ବେଳେ ଯାଞ୍ଚ ପରେ ସବୁ ସତ ପଦାକୁ ଆସିବ ବୋଲି ପୋଲିସ କହିଛି ।
ତେବେ ଏଠାରେ ପ୍ରଶ୍ନ ଉଠୁଛି, ପାଣି ଭିତରକୁ ଏତେ ମାତ୍ରାରେ ନୋଟ୍ ଆସିଲା କେଉଁଠୁ? ଏହିସବୁ ନୋଟ୍ ନକଲି ନା ଅସଲି? ତେବେ ଏହି ନୋଟ ବ୍ଲାକ ମନି ହୋଇଥାଇପାରେ ବୋଲି ମଧ୍ୟ ଅନେକଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି । ଆଜି ସକାଳେ ପାଣିରେ ନୋଟ ଭାସୁଥିବା ନେଇ ସ୍ଥାନୀୟ ଲୋକେ ଦେଖିଥିଲେ । ଏହାପରେ ସେମାନେ ପାଣିରେ ପହଁରି ପହଁରି ନୋଟ୍ ବଣ୍ଡଲ ଗୋଟାଇ ନେଇଥିଲେ । ଏହାପରେ ନୋଟ୍ ନେବା ଲୋଭରେ ଲୋକଙ୍କର ପ୍ରବଳ ଭିଡ଼ ଜମିଥିଲା ।
#WATCH बिहार: सासाराम के मुफस्सिल थाना क्षेत्र में नदी में कथित तौर पर भारी मात्रा में नकदी मिलने की ख़बर के बाद नदी में लोगों की भीड़ पैसे ढूंढती देखी गई।
(वायरल वीडियो) pic.twitter.com/zNXLBbgeXU
— ANI_HindiNews (@AHindinews) May 6, 2023
