ଗାୟତ୍ରୀ ବିଦ୍ୟା ମନ୍ଦିରର ୧୯ତମ ବାର୍ଷିକ ଉତ୍ସବ ଅନୁଷ୍ଠିତ: ଜମିଲା ସାଂସ୍କୃତିକ କାର୍ଯ୍ୟକ୍ରମ

ଭୁବନେଶ୍ୱର: ରାଜଧାନୀର ବରମୁଣ୍ଡାସ୍ଥିତ ଗାୟତ୍ରୀ ବିଦ୍ୟା ମନ୍ଦିରରେ ଅନୁଷ୍ଠିତ ହୋଇଯାଇଛି ୧୯ତମ ବାର୍ଷିକ ଉତ୍ସବ । ରବିବାର ସନ୍ଧ୍ୟାରେ ପିଲାମାନଙ୍କ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମରେ ସ୍କୁଲର ମଞ୍ଚ ଦୁଲୁକି ଉଠିଛି । ତେବେ ଏହି କାର୍ଯ୍ୟକ୍ରମରେ ମୁଖ୍ୟ ଅତିତି ଭାବରେ ଯୋଗ ଦେଇଥିଲେ ରାଜ୍ୟ ପାଇକ ଆଖଡା ମହାମଞ୍ଚର ସଭାପତି ତଥା ବିଶିଷ୍ଟ ଶିକ୍ଷାବିତ୍ ଡ. ପ୍ରକାଶ ଶ୍ରୀଚନ୍ଦନ । ତେବେ ସମ୍ମାନିତ ଅତିଥି ଭାବେ ବରିଷ୍ଠ ମଞ୍ଚ ଅଭିନେତା ଓ ନିର୍ଦ୍ଦେଶକ ଶଙ୍କର ବସୁ ମଲ୍ଲିକ ଏବଂ ଜାଗମରା ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଆଚାର୍ଯ୍ୟ ସୁରେନ୍ଦ୍ର ସାହୁ ଏହି କାର୍ଯ୍ୟକ୍ରମର ମୁଖ୍ୟ ବକ୍ତା ଭାବରେ ମଞ୍ଚାସୀନ ହୋଇଥିଲେ । ବିଦ୍ୟାଳୟର ୧୯ତମ ବାର୍ଷିକ ଉତ୍ସବରେ ମନ ମୋହି ନେଇଥିଲା ସ୍କୁଲର ଛୋଟ ଛୋଟ ପିଲାମାନଙ୍କର ସାଂସ୍କୃତିକ କାର୍ଯ୍ୟକ୍ରମ । ପିଲାମାନଙ୍କ ନୃତ୍ୟ ଏବଂ ସଂଗୀତର ଯାଦୁ ଉପସ୍ଥିତ ସମସ୍ତ ଦର୍ଶକଙ୍କୁ ମନ୍ତ୍ରମୁଗ୍ଧ କରି ଦେଇଥିଲା ।