୨୦୦ ବର୍ଷର ପୁରୁଣା ପୋଲ: ଲୁହା ଭଳି ମଜଭୁତ ଥିବା ପୋଲକୁ ଦେଖି ବିଦେଶୀ ହେଉଛନ୍ତି ଆଶ୍ଚର୍ଯ୍ୟ

ନୂଆଦିଲ୍ଲୀ: ବିଶ୍ୱରେ ସୁନ୍ଦରରୁ ଅତି ସୁନ୍ଦର ପୋଲ ରହିଛି । କିଛି ପୋଲ ଏପରି ଅଛି ଯାହା ବହୁତ ଉଚ୍ଚ । ସେହିପରି ଆଉ କିଛି ପୋଲ ଏପରି ଅଛି ଯାହା ବହୁତ ଲମ୍ବା ଏବଂ ବଡ଼ ଅଟେ । ସିଡନୀର ହାର୍ବର ବ୍ରିଜ ହେଉ ବା ଟାୱାର ବ୍ରିଜ, ବିଶ୍ୱରେ ଏହି ସବୁ ବ୍ରିଜମାନଙ୍କର ଏକ ଭିନ୍ନ ପରିଚୟ ରହିଛି । କିନ୍ତୁ ଆପଣ କୌଣସି ପୋଲ ଦେଖିଛନ୍ତି କି ଯାହା ଗଛର ମୂଳରୁ ନିର୍ମିତ । ଏହି ପୋଲକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଆନ୍ତି । ଏହା ଏପରି ଏକ ପୋଲ ଯାହା ସାମ୍ନାରେ ଅନ୍ୟ ସମସ୍ତ ପୋଲ ଫିକା ପଡ଼ିଯାଏ । ଏହି ପୋଲର ବିଶେଷତ୍ତ୍ୱ ହେଉଛି ଯେ, ଏହା ଗଛ ମୂଳରେ ତିଆରି ହୋଇଛି । ଆସନ୍ତୁ ଜାଣିବା ଏହି ପୋଲଟି କେଉଁଠାରେ ନିର୍ମିତ ହୋଇଛି ଏବଂ ଏହା କାହିଁକି ସ୍ୱତନ୍ତ୍ର ।

ଏହି ପୋଲ ମେଘାଳୟରେ ଅବସ୍ଥିତ । ବିଶେଷଜ୍ଞମାନେ କହିଛନ୍ତି ଯେ ଏହି ପୋଲ ପ୍ରାୟ ୨୦୦ ବର୍ଷ ପୁରୁଣା । ଏହି ପୋଲ ନିର୍ମାଣ ପାଇଁ ବହୁତ ସମୟ ଲାଗିଥିଲା । ଏହା ଏପରି ଏକ ପୋଲ ଯେଉଁଥିରେ ୫୦ ଜଣ ଲୋକ ସହଜରେ ଚାଲିପାରିବେ । ଶହ ଶହ ବର୍ଷ ପୁରୁଣା ହେବା ପରେ ମଧ୍ୟ ଏହି ପୋଲଟି ଲୁହା ପରି ଶକ୍ତିଶାଳୀ ରହିଛି । ଏହି ପୋଲ କୌଣସି ସ୍ଥାନରୁ ଦୁର୍ବଳ ହୋଇନାହିଁ । ମେଘାଳୟର ଘଞ୍ଚ ଜଙ୍ଗଲରେ ଥିବା ନଦୀ ପାର ହେବା ପାଇଁ ଏହି ପୋଲ ନିର୍ମାଣ କରାଯାଇଛି । ମିଳିଥିବା ସୂଚନା ଅନୁଯାୟୀ, ଖାସି ଏବଂ ଜୟନ୍ତିଆ ଜନଜାତିର ଲୋକମାନେ ଦୀର୍ଘ ଦିନ ଧରି ମେଘାଳୟରେ ରହିଆସୁଥିଲେ, ଯେଉଁମାନେ ଗଛ ମୂଳରୁ ପୋଲ ତିଆରି କରିବାର କୌଶଳ ହାସଲ କରିଥିଲେ ।

ଏପରି ପୋଲ ନିର୍ମାଣ ପାଇଁ ୧୫ ବର୍ଷ ସମୟ ଲାଗିଥାଏ
ୟୁନେସ୍କୋ ଏହି ପୋଲକୁ ୱାର୍ଲ୍ଡ ହେରିଟେଜ ସ୍ଥାନ ଭାବେ ଘୋଷଣା କରିଛି । ଏହିପରି ପୋଲ ନିର୍ମାଣ ପାଇଁ ୧୫ ବର୍ଷରୁ ଦୀର୍ଘ ସମୟ ଲାଗିଥାଏ । ଏହାର କାରଣ ହେଉଛି ଏହା ଜୀବନ୍ତ ବୃକ୍ଷର ମୂଳରୁ ତିଆରି ହୋଇଥାଏ । ଏହି ପୋଲ ନିର୍ମାଣ ପାଇଁ ରବର ଗଛ ଚେରର ବ୍ୟବହାର କରାଯାଇଛି । ଗଛର ଚେର ଏଥିରେ ଆବୃତ ହୋଇଛି । ପୋଲଟି ତାର ଆକୃତିରେ ଆସିବାକୁୁ ପ୍ରାୟ ୧୫ ବର୍ଷ ସମୟ ଲାଗିଥାଏ । ଗଛର ଅନେକ ଚେର ତଳେ ବୋହି ଯାଉଥିବା ଝରଣା ପାଣିରେ ଓଦା ହୋଇ ରହିଥାଏ । ଏହି କାରଣରୁ, ମୂଳ ଗୁଡ଼ିକ ନଷ୍ଟ ହେବାରେ ଲାଗିଥାନ୍ତି । କିନ୍ତୁ ପରେ ସେହି ମୂଳମାନଙ୍କ ସ୍ଥାନରେ ନୂତନ ମୂଳ ବାହାରିବା ଆରମ୍ଭ କରେ । ଏହିପରି ଗୋଟିଏ ପୋଲ ଚେରାପୁଞ୍ଜୀରେ ମଧ୍ୟ ନିର୍ମାଣ କରାଯାଇଛି ।