କାର୍ତ୍ତିକ ପୂର୍ଣ୍ଣିମାରେ ଭସାଯାଇଥିବା ଡଙ୍ଗା ସାଜିଲା କାଳ, ଚାଲିଗଲା ୫ ଜୀବନ
ଭୁବନେଶ୍ୱର: ଆଜି ପବିତ୍ର କାର୍ତ୍ତିକ ପୂର୍ଣ୍ଣିମାରେ ଅଘଟଣ ଖବର ସାମ୍ନାକୁ ଆସିଛି । ଆଜି ସାରା ରାଜ୍ୟରେ ନଦୀ ଏବଂ ପୋଖରୀ କୂଳରେ ଲକ୍ଷାଧିକ ଲୋକେ ଡଙ୍ଗା ଭସାଇଛନ୍ତି । ତେବେ ଡଙ୍ଗାର ସୁନ୍ଦର ସାଜସଜାର ଆକର୍ଷଣ ପାଇଁ ୫ଜଣଙ୍କ ପ୍ରାଣହାନି ଘଟିଛି । ଭସାଯାଇଥିବା ଡଙ୍ଗାକୁ ଆଣିବାକୁ ଯାଇ ଏହି ୫ଜଣଙ୍କ ମୃତ୍ୟୁ ଘଟିଛି ।
ରାଜ୍ୟର ବିଭିନ୍ନ ସ୍ଥାନରେ ୫ଜଣ ଛୋଟ ପିଲାଙ୍କ ଦୁଃଖଦ ମୃତ୍ୟୁ ଘଟିଛି । ସୂଚନାନୁଯାୟୀ, ବସ୍ତା ଥାନା ଅନ୍ତର୍ଗତ ପଣିସାପଡ଼ା ଗାଁ ପୋଖରୀରେ ବୁଡ଼ି ୨ ନାବାଳିକାଙ୍କ ମୃତ୍ୟୁ ଘଟିଛି । ସେହିପରି ମାଲକନଗିରି ଚମ୍ପାନଗରରେ ପୋଖରୀରେ ବୁଡି ନାବାଳିକାଙ୍କ ମୃତ୍ୟୁ ଘଟିଛି । ସାଲେପୁର କରମୁଆଁ ଗାଁ ପୋଖରୀରେ ବୁଡ଼ି ୩ ବର୍ଷର ବାଳକଙ୍କ ମୃତ୍ୟୁ ଘଟିଛି । ଏଥିସହ ଖଇରା ଥାନା ସାଉଁଣ୍ଡିଆ ଗାଁ ପୋଖରୀରେ ବୁଡି ୩ ବର୍ଷର ବାଳକଙ୍କ ମୃତ୍ୟୁ ଘଟିଛି ।
