୩୦ ମାର୍ଚ୍ଚରେ କେନ୍ଦ୍ରୀୟ କର୍ମଚାରୀଙ୍କ ହୋଲି! ଏକାସାଙ୍ଗରେ ମିଳିବ ଅନେକ ଖୁସି ଖବର
ନୂଆଦିଲ୍ଲୀ: ଯଦିଓ ହୋଲିର ପର୍ବ ୨୫ ମାର୍ଚ୍ଚରେ ସମଗ୍ର ଦେଶରେ ପାଳନ କରାଯିବ, କିନ୍ତୁ କେନ୍ଦ୍ରୀୟ କର୍ମଚାରୀଙ୍କ ପାଇଁ ପ୍ରକୃତ ହୋଲି ୩୦ ମାର୍ଚ୍ଚରେ ହେବ । ଆମେ ଏହା କହୁଛୁ କାରଣ କେନ୍ଦ୍ରୀୟ କର୍ମଚାରୀଙ୍କ ଦରମା ମାର୍ଚ୍ଚ ୩୦ ସୁଦ୍ଧା ଆସିବ ବୋଲି ଆଶା କରାଯାଉଛି । ଏଥର ଆସିବାକୁ ଯାଉଥିବା ବେତନରେ ଏକ ବଡ ବୃଦ୍ଧି ଘଟିବ ।
ତେବେ ମାର୍ଚ୍ଚ ୩୧ ଏକ ରବିବାର, ତେଣୁ ଅନୁମାନ କରାଯାଉଛି ଯେ କେନ୍ଦ୍ରୀୟ କର୍ମଚାରୀଙ୍କ ବର୍ଦ୍ଧିତ ଦରମା ମାର୍ଚ୍ଚ ୩୦ ରେ ଆସିବ । ତେବେ ମାର୍ଚ୍ଚ ୩୧ ରବିବାର ଦିନ ବ୍ୟାଙ୍କ ଖୋଲିବାକୁ ନିର୍ଦ୍ଦେଶ ଦେଇଛି କେନ୍ଦ୍ରୀୟ ରିଜର୍ଭ ବ୍ୟାଙ୍କ । ମାର୍ଚ୍ଚ ୩୧ ମଧ୍ୟ ଚଳିତ ଆର୍ôଥକ ବର୍ଷର ଶେଷ ଦିନ । ଏହି କାରଣରୁ ରିଜର୍ଭ ବ୍ୟାଙ୍କ ବ୍ୟାଙ୍କଗୁଡ଼ିକୁ ବ୍ରାଞ୍ଚ ଖୋଲିବାକୁ କହିଛି ।
ଦରମା କାହିଁକି ବୃଦ୍ଧି ପାଇବ :-
କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା କିମ୍ବା ଡିଏରେ ୪ ପ୍ରତିଶତ ବୃଦ୍ଧି ଘଟିଛି । ଏହା ସହିତ କର୍ମଚାରୀଙ୍କ ଭତ୍ତା ବର୍ତ୍ତମାନ ୪୬ ପ୍ରତିଶତରୁ ୫୦ ପ୍ରତିଶତକୁ ବୃଦ୍ଧି ପାଇଛି । ଗତ ଜାନୁଆରୀରୁ ଏହା କାର୍ଯ୍ୟକାରୀ ହୋଇଛି, ତେଣୁ କେନ୍ଦ୍ରୀୟ କର୍ମଚାରୀମାନେ ମଧ୍ୟ ଦୁଇମାସ – ଜାନୁଆରୀ ଏବଂ ଫେବୃଆରୀରେ ବକେୟା ପାଇବେ । ଏହାର ଅର୍ଥ ହେଉଛି ୨ ମାସର ବକେୟା ବ୍ୟତୀତ ମାର୍ଚ୍ଚ ପାଇଁ ବର୍ଦ୍ଧିତ ଭତ୍ତା ମାର୍ଚ୍ଚ ଦରମା ସହିତ ମଧ୍ୟ ଯୋଡାଯିବ ।
ଏଚଆରଏ ମଧ୍ୟ ବୃଦ୍ଧି ପାଇବ :-
ଯେହେତୁ କେନ୍ଦ୍ର ସରକାରୀ କର୍ମଚାରୀଙ୍କ ଭତ୍ତା ୫୦% ରେ ପହଞ୍ଚିଛି, ହାଉସ୍ ରେଣ୍ଟ ଆଲାଉନ୍ସ ଯଥା ଏଚଆରଏ ମଧ୍ୟ ବୃଦ୍ଧି ପାଇଛି । ସହରର ବର୍ଗ ଉପରେ ନିର୍ଭର କରି କେନ୍ଦ୍ରୀୟ କର୍ମଚାରୀମାନେ ୩୦ ପ୍ରତିଶତ ଏଚଆରଏ ପାଇବେ । ଏହା ବ୍ୟତୀତ କେନ୍ଦ୍ରୀୟ କର୍ମଚାରୀଙ୍କ ମାର୍ଚ୍ଚ ଦରମା ସହିତ ଅନ୍ୟାନ୍ୟ ଭତ୍ତା ମଧ୍ୟ ଯୋଡାଯିବ ।
ତେବେ ୫୦ ପ୍ରତିଶତ ଡିଏ ହେତୁ କେନ୍ଦ୍ର କର୍ମଚାରୀଙ୍କ ଚାଇଲ୍ଡ କେୟାରର ସ୍ପେଶାଲ ଭତ୍ତା, ଶିଶୁ ଶିକ୍ଷା ଭତ୍ତା, ହଷ୍ଟେଲ ସବସିଡି, ସ୍ଥାନାନ୍ତର ଉପରେ ଭ୍ରମଣ ଭତ୍ତା, ପୋଷାକ ଭତ୍ତା, ଗ୍ରାଚ୍ୟୁଇଟି ସିଲିଙ୍ଗ, କେନ୍ଦ୍ରୀୟ କର୍ମଚାରୀଙ୍କ ମାଇଲେଜ୍ ଭତ୍ତା ବୃଦ୍ଧି ପାଇଛି । ଅବଶ୍ୟ ଏହି ସମସ୍ତ ଭତ୍ତା କ୍ଲେମ୍ କରିବା ଦ୍ୱାରା ମିଳିଥାଏ ।
