ସ୍ପାଇଡ଼ର ମ୍ୟାନ ଭଳି କାନ୍ଥରେ ଚଢ଼ିଯାଉଛିି ୭ବର୍ଷର ବାଳକ, ଦେଖନ୍ତୁ ସୋସିଆଲ ମିଡ଼ିଆରେ ଭାଇରାଲ ହୋଇଥିବା ଭିଡ଼ିଓ
ଆମେ ମାନେ ପ୍ରାୟ ସମସ୍ତେ ସ୍ପାଇଡ଼ର ମ୍ୟାନ ଫିଲ୍ମ ଦେଖିଥିବା । ସେହି ଫିଲ୍ମରେ ସ୍ପାଇଡ଼ର ମ୍ୟାନ ଆରାମସେ କାନ୍ଥରେ ଚଢିଯିବା ଓ ଓହ୍ଲାଇବା ନଜର ଆସିଥିଲା । କିନ୍ତୁ ଏହା ବାସ୍ତବ ଦୁନିଆରେ ଏପରି ହେବା ସମ୍ଭବପର ନୁୁହେଁ । କିନ୍ତୁ ବାସ୍ତବରେ ସେହିପରି ଏକ ଆଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି । ଏକ ୭ବର୍ଷର ବାଳକ ଠିକ ଫିଲ୍ମରେ ଦେଖିଥିବା ସ୍ପାଇଡ଼ର ମ୍ୟାନ ଭଳି କାନ୍ଥରେ ଚଢ଼ିବା ସହ ଓହ୍ଲାଉଛି । ଏହାସହ ଏହିପରି ଦୃଶ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ ସେହି ୭ବର୍ଷର ବାଳକର ନାମ ୟସାର୍ଥ ସିଂ ହୋଇଥିବା ବେଳେ ସେ ତୃତୀୟ କ୍ଲାସରେ ପାଠ ପଢ଼ୁଛି । କାନପୁର ଗୋବିନ୍ଦ ନଗର ସ୍ଥିତ ଦାଦା ନଗରରେ କଲୋନୀରେ ସେ ରହୁଛନ୍ତି । ତାଙ୍କ ପିତାଙ୍କ କହିବା ଅନୁସାରେ ୟସାର୍ଥ ୧୦ରୁ ୧୨ଫୁଟ ଲମ୍ବାର କାନ୍ଥରେ ଠିକ ବୁଢ଼ିଆଣି ଭଳି ଚଢ଼ିଯାଉଛି ।
ତାଙ୍କ ପରିବାର ଲୋକଙ୍କ କହିବା ଅନୁସାରେ ୟସାର୍ଥ ପ୍ରଥମେ ଲୁଚି ଲୁଚି କାନ୍ଥରେ ଚଢ଼ୁଥିଲା । ଦିନେ ତାଙ୍କ ବଡ଼ ଭାଇ ଦେଖିବା ପରେ ଘରେ ଏହି ବିଷୟରେ ଜଣାଇଥିଲେ ।
ଏହାସହ ୟସାର୍ଥ କହିଛନ୍ତି ଯେ ପ୍ରଥମେ ପ୍ରଥମେ ସେ ଯେତେ ବେଳେ କାନ୍ଥରେ ଚଢ଼ିବାକୁ ଚେଷ୍ଟା କରୁଥିଲେ ସେତେବେଳେ ସେ ଗଳି ପଡ଼ୁଥିଲେ । କିନ୍ତୁ ବାରମ୍ବାର ଚେଷ୍ଟା କରିବା ଫଳରେ ସେ ଏବେ ଠିକ ସ୍ପାଇଡ଼ର ମ୍ୟାନ ଭଳି ବାସ୍ତବରେ କାନ୍ଥରେ ଚଢ଼ି ପାରୁଛନ୍ତି । ଏହାସହ ସେ ଏକ ଏହାର ଭିଡ଼ିଓ କରି ସୋସିଆଲ ମିଡ଼ିଆରେ ପୋଷ୍ଟ କରିଛନ୍ତି ଯାହାକୁ ପ୍ରାୟ ୫ଲକ୍ଷ ଉପରେ ଲୋକ ଦେଖିସାରିଛନ୍ତି । ଏବେ ତାଙ୍କ କଲୋନୀ ଲୋକ ତାଙ୍କୁ କାନପୁରିଆ ସ୍ପାଇଡ଼ର ମ୍ୟାନ ବୋଲି ଡାକୁଛନ୍ତି ।
ये यशार्थ सिंह गौर (यस्सू)है, इसे कानपुर साउथ का स्पाइडर मैन कहते हैं।
ये चींटेल्स स्कूल में पढ़ता है।इसकी दीवार पर चढ़ने की कला देख कर आप क्या कहेंगे pic.twitter.com/hU5lFbNw2W— Neer (@Neer00305103) August 1, 2020
