ସଙ୍ଗମର ପବିତ୍ର ଜଳରେ ସ୍ନାନ କରିବେ ୯୦ ହଜାର କଏଦୀ, କରାଗଲା ବ୍ୟବସ୍ଥା
ସଙ୍ଗମର ପବିତ୍ର ଜଳରେ ସ୍ନାନ କରିବେ ଜେଲରେ ଥିବା କଏଦୀ
ନୂଆଦିଲ୍ଲୀ: ମହାକୁମ୍ଭର ପବିତ୍ର ଜଳରେ ସ୍ନାନ କରିବେ କଏଦୀ। ଏଥିପାଇଁ କରାଯାଇଛି ବ୍ୟବସ୍ଥା। ଉତ୍ତରପ୍ରଦେଶ ଜେଲ ପ୍ରଶାସନ ରାଜ୍ୟର ୭୫ ଜିଲ୍ଲାରେ କଏଦୀମାନଙ୍କୁ ମହାକୁମ୍ଭରେ ସାମିଲ ହେବା କରାଇବା ଲାଗି ସଂଗମରୁ ପବିତ୍ର ଜଳ ଆଣିବାର ବ୍ୟବସ୍ଥା କରିଛି।
ଉତ୍ତରପ୍ରଦେଶର ଜେଲ ମନ୍ତ୍ରୀ ଦାରା ସିଂ ଚୌହାନଙ୍କ କାର୍ଯ୍ୟାଳୟ ଅନୁଯାୟୀ, ଏହି କାର୍ଯ୍ୟକ୍ରମ ୨୧ ଫେବୃଆରୀ ସକାଳ ୯ଟା ୩୦ ରୁ ୧୦ଟା ପର୍ଯ୍ୟନ୍ତ ସମସ୍ତ ଜେଲରେ ଆୟୋଜିତ ହେବ।
୭୫ଟି ଜେଲ ମଧ୍ୟରୁ ୭ଟି ସେଣ୍ଟ୍ରାଲ ଜେଲ ସାମିଲ ରହିଛି, ଏଥିରେ ୯୦ ହଜାରରୁ ଅଧିକ କଏଦୀ ବନ୍ଦୀ ଅଛନ୍ତି। ଜେଲ ବିଭାଗର ଅଧିକାରୀମାନେ କହିଛନ୍ତି ଯେ, ଏହି ବିଶେଷ କାର୍ଯ୍ୟକ୍ରମର ବ୍ୟବସ୍ଥା ଜେଲ ମନ୍ତ୍ରୀଙ୍କ ନିର୍ଦ୍ଦେଶରେ କରାଯାଉଛି।