ପୁଣି ବଢିଲା ତେଲ ଦର : ଜାଣନ୍ତୁ ଆଜି କେତେ ରହିଛି ପେଟ୍ରୋଲ ଓ ଡିଜେଲ ଦର

ନୂଆଦିଲ୍ଲୀ: ଦେଶରେ ଦିନକୁ ଦିନ ମହଙ୍ଗା ହେବୋରେ ଲାଗିଛି ତେଲ ଦର । ୧୦ ଦିନ ଭିତରେ ଡିଜେଲର ମୂଲ୍ୟ ୬.୪୦ ପଇମସା ବଢି ସାରିଛି । ରାଜଧାନୀ ନୂଆଦିଲ୍ଲୀରେ ଡିଜେଲ ଦର ୯୩ ପଇସା ବଢିଥିବା ବେଳେ ପେଟ୍ରୋଲର ମୂଲ୍ୟ ୮୦ ପଇସା ବଢିଛି । ଏହି ମୂଲ୍ୟ ବୃଦ୍ଧି ପରେ ଆଜି ଦିଲ୍ଲୀରେ ପେଟ୍ରୋଲ ମୂଲ୍ୟ ୧୦୧.୮୧ ଏବଂ ଡିଜେଲର ମୂଲ୍ୟ ୯୩ ଟଙ୍କାରେ ପହଞ୍ଚିଛି । ଗୁରୁବାର ମିଳିଥିବା ସୂଚନା ଅନୁଯାୟୀ ଦେଶର ସମସ୍ତ ରାଜ୍ୟରେ ଏହି ମୂଲ୍ୟ ବୃଦ୍ଧି ହୋଇଛି । ମୁମ୍ବାଇରେ ପେଟ୍ରୋଲର ମୂଲ୍ୟ ଆଜି ୧୧୬.୬୮ ଟଙ୍କା ରହିଛି ଯାହା ଦେଶରେ ସର୍ବାଧିକ ।

କେଉଁ ସହରରେ କେତେ ରହିଛି ମୂଲ୍ୟ: ଦିଲ୍ଲୀରେ ପେଟ୍ରୋଲ ୧୦୧.୮୧ ଓ ଡିଜେଲ ୯୩.୦୭ ଟଙ୍କା

ମୁମ୍ବାଇରେ ପେଟ୍ରୋଲ ୧୧୬.୭୨ ଏବଂ ଡିଜେଲ ୧୦୦.୯୪ ଟଙ୍କା

ଚେନ୍ନାଇରେ ପେଟ୍ରୋଲ ୧୦୭.୪୫ ଏବଂ ଡିଜେଲ ୯୭.୫୨ଟଙ୍କା

କୋଲକାତାରେ ପେଟ୍ରୋଲ ୧୧୩.୩୫ ଏବଂ ଡିଜେଲ ୯୬.୨୨ଟଙ୍କା

ଭୁବନେଶ୍ୱରରେ ପେଟ୍ରୋଲ ଲିଟର ୧୦୫.୮୫ ଟଙ୍କା ରହିଥିବା ବେଳେ ଡିଜେଲ ଦର ୯୫.୭୮ ଟଙ୍କା ରହିଛି ।

ଉଲ୍ଲେଖଯୋଗ୍ୟ ଯେ, ପ୍ରତ୍ୟେକ ଦିନ ସକାଳ ୬.୦୦ରେ ପେଟ୍ରୋଲ ଦର ପରିବର୍ତ୍ତନ ହୁଏ । ବିଭିନ୍ନ ଖର୍ଚ୍ଚ ଓ କମିଶନ ଯୋଡିବା ପରେ ପ୍ରତ୍ୟେକ ଦିନର ମୂଲ୍ୟ ନିର୍ଦ୍ଧାରଣ କରାଯାଇଥାଏ ।