ନକଲି ଉତ୍ପାଦର ପେଣ୍ଠସ୍ଥଳୀ କଟକ, ଠାବ ହେଲା ନକଲି ଡିଟରଜେଣ୍ଟ ପାଉଡର୍ କାରଖାନା

ନକଲି ଜିନିଷ ତିଆରିର ପେଣ୍ଠସ୍ଥଳୀ ପାଲଟିଛି କଟକ । ଟାଙ୍ଗିର ମାହାଙ୍ଗା ଅଞ୍ଚଳରେ ମଙ୍ଗଳବାର ନିକଟରେ ଠାବ ହୋଇଛି ନକଲି ଡିଟରଜେଣ୍ଟ ପାଉଡର୍ କାରଖାନା । ବିଶ୍ୱସ୍ତ ସୁତ୍ରରୁ ଖବର ପାଇ ଚଢାଉ କରି ପୋଲିସ ବିପୁଳ ପରିମାଣର କଞ୍ଚାମାଲ ଜବତ କରିବା ସହିତ ଜଣଙ୍କୁ ଅଟକ ରଖିଛି । ଅଟକ ବ୍ୟକ୍ତି ଜଣଙ୍କର ନା ଅଭିଜିତ ବେହେରା ବୋଲି ସୂଚନା ମିଳିଛି ।

ନକଲି ଉତ୍ପାଦନ ବିଷୟରେ ଖବର ପାଇ ମାଲଗୋଦାମ ଥାନା ପୋଲିସ ଚଢାଉ କରି ବିପୁଳ ପରିମାଣର ଜାଲ ପାଉଡର ଠାବ କରିବା ସହିତ ବିଭିନ୍ନ ନାମୀଦାମି କମ୍ପାନୀର ପ୍ୟାକେଟ୍ ଜବତ କରିଛି । ନକଲି କାରଖାନାରୁ ୧ ହଜାର ୫୪୦ କିଲୋ ପ୍ୟାକେଟ ଡିଟରଜେଣ୍ଟ ପାଉଡର୍ ଏବଂ ୧ ହଜାର ୮୦୦ କେଜି ଖୋଲା ପାଉଡର୍ ପୋଲିସ ଜବତ କରିଛି ।

ବର୍ଷ ଆରମ୍ଭରୁ କଟକ ସହରରେ ବିଭିନ୍ନ ସ୍ଥାନରେ ଖାଇବା ସସ୍ ଠାରୁ ଆରମ୍ଭ କରି ନସଲା ସିମେଣ୍ଟ ଆଦି ବିଭିନ୍ନ ଜିନିଷର ନକଲି ଉତ୍ପାଦନ କାରଖାନା ଠାବ କଲାଣି ପୋଲିସ ।