ମାତ୍ର ୬୩୪ ଟଙ୍କାରେ ଘରକୁ ଆଣନ୍ତୁ ଏଲପିଜି ଗ୍ୟାସ ସିଲିଣ୍ଡର, ଅକ୍ଷୟ ତୃତୀୟାରେ ଉଠାନ୍ତୁ ଫାଇଦା

ନୂଆଦିଲ୍ଲୀ: ଯଦି ଆପଣ ଘରୋଇ ଏଲପିଜି ସିଲିଣ୍ଡରର ବର୍ଦ୍ଧିତ ଦରକୁ ନେଇ ଚିନ୍ତାରେ ପଡିଛନ୍ତି, ତେବେ ଆପଣଙ୍କ ପାଇଁ ଖୁସିଖବର । ଅକ୍ଷୟ ତୃତୀୟା ଅବସରରେ ଆପଣ ୬୩୪ ଟଙ୍କାରେ ଏଲପିଜି ଗ୍ୟାସ୍ ସିଲିଣ୍ଡର କିଣିପାରିବେ । ଆମେ ଆପଣଙ୍କୁ ଏପରି ଏକ ଗ୍ୟାସ୍ ସିଲିଣ୍ଡର ବିଷୟରେ କହୁଛୁ, ଯାହାକୁ ଆପଣ କେବଳ ୬୩୪ ଟଙ୍କାରେ କିଣିପାରିବେ ।

ତେବେ ଆମେ ଏକ କମ୍ପୋଜିଟ୍ ଗ୍ୟାସ୍ ସିଲିଣ୍ଡର ବିଷୟରେ କହୁଛୁ । କମ୍ପୋଜିଟ୍ ଗ୍ୟାସ୍ ସିଲିଣ୍ଡରରେ ୧୦ କିଲୋଗ୍ରାମ ଗ୍ୟାସ୍ ଆସୁଛି । ଏହି ସିଲିଣ୍ଡର ସାଧାରଣ ସିଲିଣ୍ଡର ଅପେକ୍ଷା ବହୁତ ହାଲୁକା ଓ ପାରଦର୍ଶୀ । ଏହାକୁ ଗୋଟିଏ ସ୍ଥାନରୁ ଅନ୍ୟଏକ ସ୍ଥାନକୁ ଅତି ସହଜରେ ନେଇପାରିବେ । କମ୍ ଗ୍ୟାସ୍ ବ୍ୟବହାର କରୁଥିବା ଘର ପାଇଁ ଏହି ଗ୍ୟାସ୍ ସିଲିଣ୍ଡର ବହୁତ ଉପଯୋଗୀ ।

ଦିଲ୍ଲୀରେ କମ୍ପୋଜିଟ୍ ସିଲିଣ୍ଡର ୬୩୩.୫୦ ଟଙ୍କାରେ ଭରାଯାଇପାରିବ । ମୁମ୍ବାଇରେ ୧୦ କିଲୋଗ୍ରାମ ଗ୍ୟାସ୍ ଥିବା କମ୍ପୋଜିଟ୍ ଗ୍ୟାସ୍ ସିଲିଣ୍ଡରର ମୂଲ୍ୟ ୬୩୪ ଟଙ୍କା ରହିଛି । ସେହିପରି କୋଲକାତାରେ ଏହା ୬୫୨ ଟଙ୍କା ଏବଂ ଚେନ୍ନାଇରେ ୬୪୫ ଟଙ୍କା ରହିଛି । ଜୟପୁରରେ ଏହି ସିଲିଣ୍ଡର ପାଇଁ ଆପଣଙ୍କୁ ୬୩୭ ଟଙ୍କା ଦେବାକୁ ପଡିବ । ଏଥିସହିତ ଲଖନଉରେ ଏହାର ମୂଲ୍ୟ ୬୬୦ ଟଙ୍କା ଏବଂ ପାଟନାରେ ଏହାର ମୂଲ୍ୟ ପ୍ରାୟ ୬୯୭ ଟଙ୍କା ଥିବା ଜଣାପଡିଛି ।