ବେରୋଜଗାରୀ ଭତ୍ତା ପାଇଁ ଏପରି କରନ୍ତୁ ଆବେଦନ: ଜାଣନ୍ତୁ କ’ଣ ରହିଛି ପ୍ରୋସେସ୍
ନୂଆଦିଲ୍ଲୀ: ବେରୋଜଗାରୀଙ୍କୁ କିଛିଟା ରିଲିଫ୍ ଦେବାକୁ ଯାଇ ମଧ୍ୟପ୍ରଦେଶର ଶିବରାଜ ସିଂ ଚୌହ୍ୱାନ ଏକ ଭଲ ପଦକ୍ଷେପ ନେଇଛନ୍ତି । ଚାକିରି ନମିଳିଥିବା ବେକାରୀମାନଙ୍କୁ ୧୫୦୦ ଟଙ୍କା ମାସିକ ଭତ୍ତା ଦିଆଯିବ । ଏହି ଭତ୍ତା ୨୧ରୁ ୩୫ ବର୍ଷର ଯୁବକମାନଙ୍କୁ ମିଳିବ । ଚାକିରି ନ ମିଳିବା ପର୍ଯ୍ୟନ୍ତ କିମ୍ବା ସର୍ବାଧିକ ତିନି ବର୍ଷ ପର୍ଯ୍ୟନ୍ତ ଏହି ରାଶି ଦିଆଯାଏ । ଏହି ଆର୍ଥିକ ସହାୟତାକୁ ବ୍ୟବହାର କରି ବେରୋଜଗାର ଯୁବକମାନେ ଚାକିରି ଖୋଜିପାରିବେ ।
ତେବେ ଦେଶରେ ବେରୋଜଗାରୀ ଏକ ଭୟଙ୍କର ସମସ୍ୟା । ଅନେକ ଥର ଶିକ୍ଷିତ ବେରୋଜଗାର ଯୁବକମାନେ ଚାକିରି ଅଭାବରୁ ଆତ୍ମହତ୍ୟା କରନ୍ତି । ଏଭଳି ପରିସ୍ଥିତିରେ ଶିକ୍ଷିତ ବେରୋଜଗାର ଯୁବକମାନଙ୍କୁ ଉତ୍ସାହିତ କରିବା ପାଇଁ ସମସ୍ତ ରାଜ୍ୟ ସରକାର ବେକାରୀ ଭତ୍ତା ପ୍ରଦାନ କରୁଛନ୍ତି । ମଧ୍ୟପ୍ରଦେଶ ସରକାର ଶିକ୍ଷିତ ବେକାର ଯୁବକମାନଙ୍କୁ ମଧ୍ୟ ବେରୋଜଗାର ଭତ୍ତା ପ୍ରଦାନ କରୁଛନ୍ତି । ବେରୋଜଗାର ଭତ୍ତା ପାଇଁ କିପରି ଆବେଦନ କରିବେ ଏବଂ କେଉଁ ପ୍ରମାଣପତ୍ର ଆବଶ୍ୟକ ତାହା ଆସନ୍ତୁ ଜାଣିବା…
ଭତ୍ତା ଅବଧି ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା:-
ମଧ୍ୟପ୍ରଦେଶ ବେରୋଜଗାରୀ ଭତ୍ତା ଯୋଜନା ଅଧୀନରେ ଶିକ୍ଷିତ ବେରୋଜଗାର ଯୁବକମାନଙ୍କୁ ଖର୍ଚ୍ଚ କରିବା ପାଇଁ ସରକାର ଦେଢ଼଼ ହଜାର ଟଙ୍କା ଆର୍ôଥକ ସହାୟତା ପ୍ରଦାନ କରୁଛନ୍ତି । ମନେରଖନ୍ତୁ ଯଦି ଆପଣ ଅଫିସିଆଲ୍ ୱେବସାଇଟରୁ ଏହି ଯୋଜନା ଆବେଦନ କରନ୍ତି, ତେବେ ଏହି ଯୋଜନାର ଲାଭ କେବଳ ଗୋଟିଏ ମାସ ପାଇଁ ଉପଲବ୍ଧ ହେବ । ଏଥି ସହିତ ଯଦି ଆପଣ ଏହି ସୁବିଧା ବଢ଼ାଇବାକୁ ଚାହୁଁଛନ୍ତି, ତେବେ ଆପଣଙ୍କୁ ନିଯୁକ୍ତି କାର୍ଯ୍ୟାଳୟକୁ ଯାଇ ସେଠାରେ ପଞ୍ଜୀକରଣ ବୃଦ୍ଧି କରିବାକୁ ପଡିବ । ଜଣେ ବ୍ୟକ୍ତି ମଧ୍ୟପ୍ରଦେଶର ବେରୋଜଗାରୀ ଭତ୍ତା ଯୋଜନାର ଲାଭ ତିନି ବର୍ଷ ପାଇଁ ଉଠାଇପାରିବେ ।
ଯଦି ଆପଣ ଏହି ଯୋଜନାର ଲାଭ ତିନି ବର୍ଷ ପାଇଁ ଉଠାଇବାକୁ ଚାହୁଁଛନ୍ତି, ତେବେ ଆପଣଙ୍କୁ ଏମ୍ପ୍ଲୟମେଣ୍ଟ୍ ଏକ୍ସଚେଞ୍ଜରେ ପଞ୍ଜିକରଣ କରିବାକୁ ପଡିବ । ଏହି ଯୋଜନାର ଲାଭ ଉଠାଇବା ପାଇଁ ଆପଣଙ୍କୁ ଆଧାର କାର୍ଡ, ଆବାସିକ ପ୍ରମାଣପତ୍ର, ଜନ୍ମ ପ୍ରମାଣପତ୍ର, ପାନ୍ କାର୍ଡ, ଦ୍ୱାଦଶ ମାର୍କ ସିଟ୍ ଭଳି ଡକ୍ୟୁମେଣ୍ଟ୍ ଦରକାର । ଏହି ଯୋଜନାର ଲାଭ କେବଳ ମଧ୍ୟପ୍ରଦେଶର ମୂଳ ବାସିନ୍ଦାଙ୍କ ପାଇଁ ଉପଲବ୍ଧ । ୨୧ ବର୍ଷ ଏବଂ ୩୫ ବର୍ଷର ଯୁବକମାନେ ଏହି ଯୋଜନା ପାଇଁ ଆବେଦନ କରିପାରିବେ ।
