ଜଟିଳ ହେଉଛି ତାଇୱାନ ବିବାଦ, ପୁଣି ଆମେରିକାକୁ ନାଲି ଆଖି ଦେଖାଇଲା ଡ୍ରାଗନ୍, ଚୀନ ନିରବ ରହିବ ନାହିଁ…
ନୂଆଦିଲ୍ଲୀ : ଚୀନ୍ ପୁଣି ଥରେ ଆମେରିକାକୁ ଚେତାବନୀ ଦେଇଛି ଯେ ଯଦି ନାନସୀ ପେଲୋସି ତାଇୱାନ ଯାଆନ୍ତି, ତା’ହେଲେ ଚୀନ ନିରବ ରହିବ ନାହିଁ । ରବିବାର ଆମେରିକା ବିଦେଶ ସଚିବ ଜାଓ ପେଲୋସି ଏସିଆର ଚାରିଟି ଦେଶ ଗସ୍ତକୁ ଯିବା ନିଶ୍ଚିତ କରିଥିଲେ । ତେବେ ତାଇୱାନ ଗସ୍ତ ସମ୍ପର୍କରେ ସେ ଉଲ୍ଲେଖ କରିନାହାଁନ୍ତି । ସେମାଲେସିଆ, ଦକ୍ଷିଣ କୋରିଆ ଏବଂ ଜାପାନ ସମେତ ଏକ ଚାରି ଦେଶ ଯାତ୍ରା ଆରମ୍ଭ କରି ସୋମବାର ସିଙ୍ଗାପୁରରେ ଅବତରଣ କରିଛନ୍ତି । ଏହାପରେ ଚୀନ୍ ବୈଦେଶିକ ମନ୍ତ୍ରଣାଳୟ ଚେତାବନୀ ଦେଇଛି ଯେଉଁଥିରେ ଚୀନ୍ ସେନା କଥା ଉଲ୍ଲେଖ କରାଯାଇଛି । ପେଲୋସି ମଧ୍ୟ ତାଇୱାନ ଗସ୍ତ କରିବେ ବୋଲି ଅନୁମାନ କରାଯାଉଛି ।
ଚୀନ୍ ମୁଖପାତ୍ରଙ୍କ ଅନୁଯାୟୀ, ଏହାର ସାର୍ବଭୌମତ୍ୱ ତଥା ଆଞ୍ଚଳିକ ଅଖଣ୍ଡତା ରକ୍ଷାପାଇଁ ଚୀନ୍ ନିଶ୍ଚିତ ଭାବରେ ଦୃଢ ପ୍ରତିଶୋଧ ନେବ । ତାଇୱାନର ସ୍ୱାଧୀନତାକୁ ସମର୍ଥନ ନକରିବା ପାଇଁ ଆମେରିକାର ବାଇଡେନ ସରକାର ପ୍ରତିଶ୍ରୁତି ପୂରଣ କରିବା ଉଚିତ୍ ବୋଲି ଚୀନ କହିଛି । ଜାଓ ପେଲୋସି ଆମେରିକାର ତୃତୀୟ ବୃହତ୍ତମ ରାଜନୈତିକ ବ୍ୟକ୍ତି । ଏହି କାରଣରୁ ପେଲୋସିଙ୍କ ତାଇୱାନ ଗସ୍ତ ଗୁରୁତର ରାଜନୈତିକ ପ୍ରଭାବ ପକାଇବ । ଏହା ପୂର୍ବରୁ ଚୀନ୍ ତାଇୱାନ ନିକଟରେ ଏହାର ଉପକୂଳରେ ସାମରିକ ଅଭ୍ୟାସ କରୁଛି ବୋଲି ଘୋଷଣା କରିଛି । ଯଦି ପେଲୋସି ତାଇୱାନ ଗସ୍ତ କରନ୍ତି, ତେବେ ୧୯୯୭ ପରଠାରୁ ଦ୍ୱୀପପୁଞ୍ଜରେ ଆମେରିକାର ଜଣେ ବରିଷ୍ଠ ନିର୍ବାଚିତ ପ୍ରତିନିଧିଙ୍କ ଏହା ପ୍ରଥମ ଗସ୍ତ ହେବ ।
ଚୀନ୍ ରାଷ୍ଟ୍ରତି ସି ଜିନପିଙ୍ଗ ଗତ ଗୁରୁବାର ଆମେରିକାର ପ୍ରତି କ୍ଷ ଜୋ ବାଇଡେନଙ୍କ ସହ ଫୋନ୍ ବାର୍ତ୍ତାଳାପରେ ତାଇୱାନକୁ ନେଇ କୌଣସି ବିଦେଶୀ ହସ୍ତକ୍ଷେପ ବିଷୟରେ ଚେତାବନୀ ଦେଇଛନ୍ତି । ଚୀନ୍ କହିଛି ଯେ ତାଇୱାନର ବୈଦେଶିକ ସମ୍ପର୍କ ସ୍ଥାପନ କରିବାର କୌଣସି ଅଧିକାର ନାହିଁ । ଆମେରିକା ନେତାଙ୍କ ଗସ୍ତରୁ ତାଇୱାନକୁ ଦଶନ୍ଧି ଧରି ସରକାରୀ ସ୍ତରରେ ସ୍ୱାଧୀନ ମାନ୍ୟତା ଦେବାପାଇଁ ଉତ୍ସାହିତ କରିବାର ଏକ ପଦକ୍ଷେପ ଭାବରେ ଚୀନ ଦେଖୁଛି ବୋଲି ସେ ସ୍ପଷ୍ଟ କରିଛନ୍ତି ।