Video: ସାଙ୍ଗ ହେଇ ବୁଲୁଥିଲେ ,ଏମିତି ଗୋଟିଏ ଦିନ ଆସିଲା ଯେତେବେଳେ ସାଙ୍ଗ ନେଇଗଲା ସାଙ୍ଗର ଜୀବନ

ଜଟଣୀ: ସାଙ୍ଗକୁ ଜୀବନରୁ ମାରିଦେଲା ସାଙ୍ଗ । ପ୍ରଥମେ ବ୍ଲେଡରେ ତଣ୍ଟିକୁ କାଟିଲା । ଆଉ ତାପରେ ପଥରରେ ଛେଚି ଛେଚି ସାଙ୍ଗକୁ ହତ୍ୟାକଲା । ଏମିତି ଏକ ଘଟଣା ଦେଖିବାକୁ ମଳିଛି ଜଟଣୀ ସୀତାରମ ଛକରେ । ସାଙ୍ଗ ହେଇ ବୁଲୁଥିଲେ । ପୂଜା ପର୍ବ ସବୁ ଏକା ସାଙ୍ଗରେ କରୁଥିଲେ । ଖାଇବା ଠାରୁ ଆରମ୍ଭ କରି ନିଶାଦ୍ରବ୍ୟ ସେବନ ବି ଏକା ସାଙ୍ଗରେ କରୁଥିଲେ । ହେଲେ ଏମିତି ଗୋଟିଏ ଦିନ ଆସିଲେ ଯେତେବେଳେ ସାଙ୍ଗ ନେଇଗଲା ସାଙ୍ଗର ଜୀବନ ।

ଖବର ମୁତାବକ ଗଜପତି ନଗରର ଜି ଇଶ୍ୱର ରାଓ ଜଟଣୀ ସୀତାରାମ ଛକରେ ଏକ ସେଲୁନରେ କାର୍ଯ୍ୟ କରନ୍ତି । ସେଲୁନରେ କାର୍ଯ୍ୟ କରୁଥିବା ସମୟରେ ଇଶ୍ୱରଙ୍କ ସହ ଦେଖା ହୁଅନ୍ତି ରାଜସ୍ତାନୁ ଆଜି ଜଣଟଣୀ ପୋଷ୍ଟାଲ କଲୋନିରେ ରହୁଥିବା ବକ୍ସିସ ସିଂ ମେହେର । ସେବେଠାରୁ ଦୁହେଁ ଭଲ ସାଙ୍ଗ ହୋଇଯାଇଥିଲେ । ଭଲ ସାଙ୍ଗ ହୋଇଥିବାରୁ ପ୍ରତିଦିନ ନିଶା ସେବନ ମଧ୍ୟ ସାଙ୍ଗ ହୋଇ କରନ୍ତି ଦୁଇଜଣ । ତେବେ ଗତ ୧୪ ତାରିଖ ଦିନ ଦୁହେଁ ଜଟଣୀ ମିଲ ପାଖରେ ଥିବା ପୋଖରୀ ପାଖରେ ବସି ମଦ ପିଇଥିଲେ । ଆଉ ଏହା ପରେ ଦୁହିଁଙ୍କ ମଧ୍ୟରେ କୌଣସି କାରଣରୁ ଆରମ୍ଭ ହୋଇଥିଲା ବଚସା । ଏହାପରେ ବକ୍ସିନ ମେହେର ତାଙ୍କ ପକେଟରୁ ବ୍ଲେଡକୁ ବାହାର କରି ଇଶ୍ୱରଙ୍କର ତଣ୍ଟିକୁ କାଟିଦେଇଥିଲେ । ସେତିକିରେ ରାଗ ସାନ୍ତ ହୋଇନଥିଲା । ପଥରରେ ଇଶ୍ୱରଙ୍କର ମୁହଁକୁ ଛେଚି ମାରିଦେଇଥିଲା ।

ସେପଟେ ହତ୍ୟା ପରେ ଇଶ୍ୱରଙ୍କର ଫୋନରୁ ପରିବାର ଲୋକଙ୍କୁ ଫୋନ କରିଥିଲା କି ଇଶ୍ୱର ବରୁଣେଇ ମୁଣ୍ଡିଆ ତଳେ ପଡ଼ିଛି । ହେଲେ ପରିବାର ଲୋକେ ଯେତେ ଖୋଜା ଖୋଜି କରିଥଲେ ଇଶ୍ୱରଙ୍କୁ ପାଇନଥିଲେ । ଏହାପରେ ଥାନାରେ ଯାଇ ଅଭିଯୋଗ ଦେଇଥିଲେ । ଅଭିଯୋଗ ପରେ ବକ୍ସି ଜଟଣୀର ସିତାରାମ ଛକରେ ବୁଲୁଥିବା ବେଳେ ଗତକାଲି ସନ୍ଧ୍ୟାରେ ପୋଲିସ୍ ମାଡ଼ିବସିଥିଲା ଏହାପରେ ଥାନାରେ ପଚରା ଉଚରା ସମୟରେ ସବୁକଥା ଖୋଲି କହିଥିଲା ବକ୍ସି ।