ଭାରତ ଆଗରେ ୧୭୯ ରନର ଟାର୍ଗେଟ: ସିରାଜଙ୍କ ହାତରେ ୩ ଟି ବଡ ସଫଳତା
ନୂଆଦିଲ୍ଲୀ: ଦ୍ୱିତୀୟ ଦିନିକିଆ ମ୍ୟାଚରେ ଭାରତକୁ ୨୭୯ ରନର ଏକ ଟାର୍ଗେଟ ଦେଇଛି ସାଉଥ ଆଫ୍ରିକା । ରିଜା ହେଣ୍ଡ୍ରିକ୍ସ ଏବଂ ଆଡେନ ମାର୍କରମଙ୍କ ଦମଦାର ଅର୍ଦ୍ଧଶତକ ବଳରେ ଆଫ୍ରିକା ଏହି ସ୍କୋରରେ ପହଞ୍ଚିଛି । ୧୨୯ ରନର ଏକ ମୂଲ୍ୟବାନ ଭାଗିଦାରୀରେ ସାଉଥ ଆଫ୍ରିକା ୨୭୯ ରନର ଟାର୍ଗେଟ ଦେବାରେ ସକ୍ଷମ ହୋଇଛି । ତେବେ ଟିମ ଇଣ୍ଡିଆର ଷ୍ଟାର ବୋଲର ମହମ୍ମଦ ସିରାଜ ଭାରତ ପାଇଁ ସବୁଠାରୁ ସଫଳ ବୋଲର ପାଲଟିଛନ୍ତି । ମ୍ୟାଚରେ ୩ଟି ୱିକେଟ ନେଇ ବିପକ୍ଷ ଦଳ ପାଇଁ ଚିନ୍ତାର କାରଣ ହୋଇ ଯାଇଛନ୍ତି ମହମ୍ମଦ ସିରାଜ ।
ଟସ ଜିତି ପ୍ରଥମେ ବ୍ୟାଟିଂ ପାଇଁ ନିଷ୍ପତ୍ତି ନେଇଥିଲେ ସାଉଥ ଆଫ୍ରିକାର ଅଧିନାୟକ କେଶବ ମହାରାଜ । ତେବେ ପ୍ରଥମରୁ ହିଁ ଟିମ ଇଣ୍ଡିଆର ବୋଲର ଦଳ ଉପରେ ଭାରୀ ହୋଇ ପଡିଥିଲେ । ତୃତୀୟ ଓଭରରେ କ୍ୱିଣ୍ଟନ ଡି କକ୍ ଏବଂ ଦଶମ ଓଭରରେ ଜାନେମନ ମଲାନଙ୍କୁ ଆଉଟ କରି ସାଉଥ ଆଫ୍ରିକା ପାଇଁ ଚିନ୍ତା ବଢାଇ ଦେଇଥିଲେ । କିନ୍ତୁ ଏହାପରେ ରିଜା ହେଣ୍ଡ୍ରିକ୍ସ ଏବଂ ଏଡେନ ମାର୍କରମ ଦଳକୁ ସମ୍ଭାଳିଥିଲେ । ଉଭୟ ଅର୍ଦ୍ଧଶତକୀୟ ପାଳି ଖେଳିବା ସହ ୨୯ ରନର ଏକ ମୂଲ୍ୟବାନ ପାର୍ଟନରସିପ କରିଥିଲେ । କିନ୍ତୁ ଏହାପରେ ପୁଣିଥରେ ଭାରତକୁ କମବ୍ୟାକ କରିବାର ସୁଯୋଗ ଦେଇଥିଲେ ମହମ୍ମଦ ସିରାଜ ଏବଂ ୱାଶିଂଂଟନ ସୁନ୍ଦର । ଉଭୟ କେଳାଳିଙ୍କୁ ପାଭିଲିୟନ ପଠାଇ ରନରେଟରେ ବ୍ରେକ ଲଗାଇ ଦେଇଥିଲେ । ତେବେ ଏହି ୱିକେଟ ପରେ କୌଣସି ବଡ ପାର୍ଟନରସିପ କରି ପାରି ନଥିଲା ସାଉଥ ଆଫ୍ରିକା । ଫଳରେ ୩୦୦ ପାର କରିବା ଆଶାରେ ଖେଳୁଥିବା ବେଳେ ସାଉଥ ଆଫ୍ରିକା ମାତ୍ର ୨୭୮ ରନରେ ଅଟକି ଯାଇଛି । ଏବଂ ଭାରତକୁ ମିଳିଛି ୨୭୯ ରନର ଟାର୍ଗେଟ ।
Innings Break!
South Africa post 278/7 on the board.
3⃣ wickets for @mdsirajofficial
1⃣ wicket each for @imkuldeep18, Shahbaz Ahmed, @Sundarwashi5 & @imShardOver to #TeamIndia batters now. 👍 👍
Scorecard ▶️ https://t.co/6pFItKAJW7 #INDvSA pic.twitter.com/letjriOxaV
— BCCI (@BCCI) October 9, 2022
ଏପଟେ ଭାରତୀୟ ବୋଲର ମାନଭ୍କ ମଧ୍ୟରେ ସବୁଠୁ ସଫଳ ବୋଲର ଭାବେ ଉଭା ହୋଇଛନ୍ତି ମହମ୍ମଦ ସିରାଜ । କ୍ୱିଣ୍ଟନ ଡି କକ୍, ରିଜା ହେଣ୍ଡ୍ରିକ୍ସ ଏବଂ ଅଧିନାୟକ କେଶବ ମହାରାଜଙ୍କ ୱିକେଟ ନେଇ ଦଳକୁ ଏକ ବଡ ସ୍କୋରରୁ ବଞ୍ଚାଇ ଦେଇଛନ୍ତି । ତେବେ ତାଙ୍କ ବ୍ୟତୀତ ୱାଶିଂଟନ ସୁନ୍ଦର, ଶେହବାଜ ଅହମଦ, ଶାର୍ଦ୍ଦୁଳ ଠାକୁର ଏବଂ କୁଳଦୀପ ଯାଦବ ପ୍ରତ୍ୟେକଙ୍କୁ ଗୋଟିଏ ଲେଖାଏଁ ସଫଳତା ମିଳିଛି । କେବଳ କୌଣସି ସଫଳତା ପାଇବାରେ ଫେଳ ମାରିଛନ୍ତି ଆବେଶ ଖାନ ।
.@mdsirajofficial scalped 3⃣ wickets and was #TeamIndia's top performer from the first innings of the 2nd #INDvSA ODI. 👏 👏
A summary of his bowling performance 🔽 pic.twitter.com/WvC8Ibv7ys
— BCCI (@BCCI) October 9, 2022
