Video : ରେଲୱେ ଟ୍ରାକରେ ଜୋତା ପାଇଁ ଜୀବନକୁ ବିପଦରେ ପକାଇଲେ ବ୍ୟକ୍ତି, ରାମଦୂତ ସାଜିଲେ RPF ଯବାନ୍
ସମଗ୍ର ବିଶ୍ୱରେ ଅବହେଳା ଯୋଗୁଁ ପ୍ରତିଦିନ ବହୁସଂଖ୍ୟ ଲୋକ ପ୍ରାଣ ହରାଉଛନ୍ତି । ରାସ୍ତା ଓ ରେଲୱେ ଟ୍ରାକରେ ସତର୍କତା ଅବଲମ୍ବନ କରୁନଥିବା ଲୋକ ଦୁର୍ଘଟଣାର ଶିକାର ହେଉଥିବାର ଭିଡିଓ ନିକଟରେ ସୋସିଆଲ ମିଡିଆରେ ଭାଇରାଲ ହେଉଛି । ନିକଟରେ ଏପରି ଜଣେ ବ୍ୟକ୍ତିଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ ସେ ଜୀବନକୁ ବିପଦ ଆଡୁ ଠେଲିଦେଉଥିବା ଦେଖିବାକୁ ମିଳିଛି । ଛୋଟ ଭୁଲ ପାଇଁ ତାଙ୍କ ଜୀବନ ମଧ୍ୟ ଚାଲିଯାଇଥାନ୍ତା । ଅବଶ୍ୟ ଭିଡିଓରେ ଜଣେ ରେଲୱେ ସୁରକ୍ଷା ଫୋର୍ସର ଯବାନ ସେହି ବ୍ୟକ୍ତିଙ୍କୁ ବଞ୍ଚାଇଦେଇଥିବା ଦେଖିବାକୁ ମିଳିଛି ।
ଭାଇରାଲ ହେଉଥିବା ଭିଡିଓ ସୋସିଆଲ ମିଡିଆରେ ‘ଜିନ୍ଦେଗୀ ଗୁଲଜାର ହେ’ ନାମକ ଏକ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି । ଏହି ଭିଡିଓରେ ଜଣେ ବ୍ୟକ୍ତି ରେଳ ଟ୍ରାକ୍ ଅତିକ୍ରମ କରି ପ୍ଲାଟଫର୍ମକୁ ଆସୁଥିବା ନଜର ଆସିଛନ୍ତି । ଏହି ସମୟରେ ତାଙ୍କ ଜୋତା ବାହାରି ଯାଇଥିଲା, ଯାହାକୁ ଉଠାଇବାକୁ ସେ ପଛକୁ ଫେରିଯାଇଥିଲେ । ସାମ୍ନାରୁ ଟ୍ରେନ୍ ଆସିଥିବା ବେଳେ ବି ସେ ଜୋତା ପାଇଁ ନିଜ ଜୀବନକୁ ବିପଦ ଆଡକୁ ଡେଲିଦେଇଥିଲେ ।
ବ୍ୟକ୍ତିଙ୍କ ଏପରି କାମ ଓ ଟ୍ରେନ୍ ଆସୁଥିବାର ଦେଖି ସୁରକ୍ଷା ବଳର ଜଣେ ସିଆରପିଏଫ୍ ଯବାନ ତାଙ୍କ ଆଡକୁ ଶୀଘ୍ର ଧାଇଁଥିଲେ । ଟ୍ରେନ୍ ଆସିବା ପୂର୍ବରୁ ଯବାନ ଜଣକ ବ୍ୟକ୍ତିଙ୍କୁ ଟ୍ରାକରୁ ବାହାରକୁ ନେଇ ଆସିଥିବା ଭିଡିଓରେ ଦେଖିବାକୁ ମିଳିଛି । ଏହିସବୁ ଦେଖି ଯବାନ ଜଣକଙ୍କୁ ବହୁତ ରାଗିଯାଇଥିଲେ ଓ ଉଦ୍ଧାର କରିବା ପରେ ସେ ବ୍ୟକ୍ତିଜଣଙ୍କୁ ମାରୁଥିବାର ମଧ୍ୟ ଦେଖିବାକୁ ମିଳିଛି ।
आपके जूते से ज्यादा आपकी जान की क़ीमत है,
जुतों का क्या है वो तो बाजार में दोबारा मिल जाएगा
पर आपकी जान दोबारा नहीं मिलेगी 🙏❤️ pic.twitter.com/u48ZhXTooN— ज़िन्दगी गुलज़ार है ! (@Gulzar_sahab) November 14, 2022