ଶୀତଦିନରେ ଖାଆନ୍ତୁ କାଜୁ; ଶରୀରରେ ହେବ ନାହିଁ ଏହି ସମସ୍ୟା
ଶୀତ ଆରମ୍ଭ ହେବା ମାତ୍ରେ ଆମକୁ ଡ୍ରାଏ ଫ୍ରୁଡସ୍ ଖାଇବାକୁ ପରାମର୍ଶ ଦିଆଯାଏ । କାରଣ ଏହାର ପ୍ରଭାବ ଗରମ ହୋଇଥିବାରୁ ଶୀତ ଋତୁରେ ଏହାର ପ୍ରଭାବ ଆମ ଶୀରୀର ପାଇଁ ଅତ୍ୟନ୍ତ ଉପଯୋଗୀ ହୋଇଥାଏ । ତେବେ ଏହି ଡ୍ରାଏ ଫ୍ରୁଡସ ମଧ୍ୟରୁ ଗୋଟିଏ ହେଉଛି କାଜୁ । ଯାହା କେବଳ ସ୍ୱାଦିଷ୍ଟ ନୁହେଁ, ବରଂ ଏହା ଅନେକ ଉପାୟରେ ଆମ ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ ହୋଇପାରେ । କାଜୁରେ ଭିଟାମିନ୍, ପ୍ରୋଟିନ୍, ଫାଇବର, ଫସଫରସ୍, ସେଲେନିୟମ୍, କ୍ୟାଲସିୟମ୍, ଆଇରନ୍, ଫାଇବର, ଫୋଲେଟ୍, ମ୍ୟାଗ୍ନେସିୟମ୍ ଏବଂ ଆଣ୍ଟିଅକ୍ସିଡାଣ୍ଟ ଆଦି ଭରପୁର ମାତ୍ରାରରେ ରହିଥାଏ । ଯାହାକୁ ଖାସ କରି ଶୀତ ଦିନରେ ସେବନ କରିବା ଦ୍ୱାରା ଏହା ଆମ ଶରୀରକୁ ସୁସ୍ଥ ରଖିବା ସହିତ ଶରୀରରେ ଦେଖାଦେଉଥିବା ସମସ୍ୟାଗୁଡିକୁ ମଧ୍ୟ ଦୂର କରିଥାଏ ଆସନ୍ତୁ ଜାଣିବା କାଜୁ ଖାଇବା ଆମ ପାଇଁ କିପରି ଲାଭଦାୟକ ହୋଇପାରେ ।
କାଜୁ ଖାଇବାର ଲାଭ:
ମଧୁମେହ ନିୟନ୍ତ୍ରଣ କରେ: ମଧୁମେହ ରୋଗୀମାନେ ଦୈନନ୍ଦିନ ଖାଦ୍ୟରେ କାଜୁ ବାଦାମ ସାମିଲ କରିବା ଉଚିତ୍ । କାରଣ ଏଥିରେ ଅନେକ ପୋଷକ ତତ୍ତ୍ୱ ମିଳିଥାଏ ଯାହା ରକ୍ତରେ ଶର୍କରା ସ୍ତର ହ୍ରାସ କରିବାରେ ସାହାଯ୍ୟ କରେ । ଏଥିସହିତ ଉତ୍ତମ ସ୍ୱାସ୍ଥ୍ୟ ବଜାୟ ରଖିବାରେ ସାହାଯ୍ୟ କରିଥାଏ । ତେବେ ଶୀତରେ କାଜୁ ଖାଇବା ଦ୍ୱାରା ଏହା ଆମକୁ ଭିତରୁ ମଜବୁତ କରେ ଏବଂ ଆମ ଶରୀରକୁ ଗରମ ରଖେ ।
ଶକ୍ତିଶାଳୀ ହେବ ହାଡ଼: ସ୍ୱାସ୍ଥ୍ୟ ବିଶେଷଜ୍ଞମାନଙ୍କ କହିବା ଅନୁଯାୟୀ ଶୀତ ଦିନରେ ଆମ ହାଡ ଦୁର୍ବଳ ହୋଇଥାଏ । ଫଳରେ ଆଣ୍ଠୁ ଗଣ୍ଠି ସମସ୍ୟା ଦେଖାଦେଇଥାଏ । ତେବେ ହାଡକୁ ଶକ୍ତିଶାଳୀ ତକିବା ପାଇଁ ଶୀତ ଋତୁରେ ପ୍ରତ୍ୟେକ, ଦିନ କାଜୁ ଖାଇବା ଉଚିତ୍ । କାରଣ ଏଥିରେ କ୍ୟାଲସିୟମ୍ ଏବଂ ମ୍ୟାଗ୍ନେସିୟମ ଭରପୁର ମାତ୍ରାରେ ରହିଥାଏ । ଫଳରେ ଏହାକୁ ସେବନ କରିବା ଦ୍ୱାରା ଦୁର୍ବଳ ହାଡ ମଧ୍ୟ ଶକ୍ତିଶାଳୀ ହୋଇପାରିବ ।
ଓଜନ କମ୍ ହେବ:ଯେଉଁମାନେ ନିଜର ଓଜନ ବୃଦ୍ଧି ଏବଂ ପେଟର ଚର୍ବିକୁ ନେଇ ଚିନ୍ତାରେ ଥାନ୍ତି, ସେମାନେ ନିୟମିତ ଭାବରେ କାଜୁ ଖାଇବା ଉଚିତ । କାରଣ ଏହା ଫାଇବରରେ ଭରପୂର ଅଟେ ଯାହା ଓଜନ ହ୍ରାସ କରିବାରେ ସାହାଯ୍ୟ କରିଥାଏ । ତେଣୁ ଯେଉଁମାନେ ନଜ ପେଟର ଚର୍ବି କମାଇବାକୁ ଚାହାନ୍ତି ସେମାନେ ନିୟମିତ ଭାବରେ କାଡୁ ସେବନ କରିବା ଆବଶ୍ୟକ ।
ଶକ୍ତିଶାଳୀ ହେବ କେଶ: ଆଜିକାଲି ଖୁବ୍ କମ ବୟସର ପିଲାମାନେ କେଶ ସମସ୍ୟାର ସମ୍ମୁଖୀନ ହୋଇଥାନ୍ତି । ଖାସ କରି ଶୀତ ଦିନରେ କେଶ ଡ୍ରାଏ ହେବା ସହିତ ଏହା ଦୁର୍ବଳ ମଧ୍ୟ ହୋଇଯାଏ । ଫଳରେ କେଶ ସମସ୍ୟା ଦେଖାଦେବା ସହ ବହୁତ ମାତ୍ରାରେ କେଶ ଝଡିଥାଏ । ତେବେ ଆପଣଙ୍କର ଯଦି ଏହି ସମସ୍ୟା ହେଉଛି ତେବେ ଆପଣ ନିୟମିତ ଭାବରେ କାଜୁ ସେବନ କରନ୍ତୁ । ଫଳରେ ଏହା କିଛି ଦିନ ମଧ୍ୟରେ କେଶ ନରମ, ମୋଟା, ମୂଳରୁ ଶକ୍ତିଶାଳୀ ଏବଂ ଗ୍ଲୋ କରିଥାଏ । ତେଣୁ ଶୀତ ଦିନରେ କାଜୁସେବନ କରନ୍ତୁ ।
