(Video) ଟ୍ରେନ୍ ଅଟକାଇବାକୁ ଚେଷ୍ଟା କରୁଥିଲା ବ୍ୟକ୍ତି, ଟ୍ରାକକୁ ଓହ୍ଲାଇ ଶକ୍ତ ଚାପୁଡ଼ା ମାରିଲେ ଲୋକୋ ପାଇଲଟ୍: ଭିଡିଓ ହେଉଛି ଭାଇରାଲ
ନୂଆଦିଲ୍ଲୀ: ଆମ ଦେଶରେ ପ୍ରତିଦିନ ଲକ୍ଷାଧିକ ଲୋକ ଟ୍ରେନ ମାଧ୍ୟମରେ ନିଜ ଗନ୍ତବ୍ୟସ୍ତଳରେ ପହଞ୍ଚୁଛନ୍ତି । ଏଥିପାଇଁ ରେଲୱେ ପକ୍ଷରୁ ହଜାର ହଜାର ସଂଖ୍ୟାରେ ଟ୍ରେନର ସଞ୍ଚାଳନ ହେଉଛି । ଅନ୍ୟପଟେ ଟ୍ରାକ୍ ଉପରେ ଦ୍ରୁତ ଗତିରେ ଯାଉଥିବା ଟ୍ରେନ୍ ନିଜ ସାମ୍ନାରେ ଥିବା ଯେକୌଣସି ବଡ଼ ଜିନିଷକୁ ମଧ୍ୟ ଉଡାଇ ପାରିବ । ଏହା ପରେ କିଛି ଅସାମାଜିକ ବ୍ୟକ୍ତି ଅଛନ୍ତି, ଯେଉଁମାନେ ତା’ ରାସ୍ତାରେ ଆସି ଠିଆ ହେବାକୁ ପସନ୍ଦ କରନ୍ତି ।
ତେବେ ନିକଟରେ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଜଣେ ବ୍ୟକ୍ତି ପାଗଳାମିର ଶେଷ ସୀମା ପାର କରିଛନ୍ତି । ଭିଡିଓରେ ଜରେ ମଦୁଆ ବ୍ୟକ୍ତିକୁ ଦେଖିବାକୁ ମିଳିଛି । ସେ ନିଶାସକ୍ତ ଅବସ୍ଥାରେ ଟ୍ରାକ୍ ଉପରେ ଚଢ଼ି ହାତ ହଲାଇ ଟ୍ରେନକୁ ଅଟକାଇବାକୁ ଚେଷ୍ଟା କରିଥିଲା । ଏହାହ ସହ ସେ ଲୋକୋ ପାଇଲଟକୁ ଫ୍ଲାଇଙ୍ଗ କିସ୍ କରୁଥିବା ମଧ୍ୟ ଦେଖିବାକୁ ମିଳିଛି । ଏହା ପରେ ଯାହା ହେଲା, ତାହାର ଆପଣ କଳ୍ପନା ମଧ୍ୟ କରିପାରିବେ ନାହିଁ ।
ସାଧାରଣତଃ ଟ୍ରେନ ନିଜ ରାସ୍ତାରେ ଆସୁଥିବା ଯେକୌଣସି ଜିନିଷକୁ ଧକ୍କା ମାରି ଚାଲିଯାଏ । କିନ୍ତୁ ଭିଡିଓରେ ଦେଖିବାକୁ ମିଳିଛି କି, ମଦୁଆ ବ୍ୟକ୍ତିର ଏପରି କାରନାମା ପରେ ଲୋକୋ ପାଇଲଟ ଟ୍ରେନକୁ ଅଟକାଇଥିଲେ । ଏହାପରେ ସେ ଟ୍ରେନରୁ ଓହ୍ଲାଇଥିଲେ ଓ ଦୌଡ଼ିକରି ଆସି ତାକୁ ପିଟିବାରେ ଲାଗିଥିଲେ । ଭିଡିଓ ଦେଖିବା ପରେ ଲୋକମାନେ ହସି ହସି ବେଦମ୍ ହୋଇଛନ୍ତି । ଅନ୍ୟପଟେ ସୋସିଆଲ ମିଡିଆରେ ଏହା ଭାଇରାଲ ହେବାରେ ଲାଗିଛି । ଭିଡିଓରେ ଦେଖାଯାଉଥିବା ଘଟଣାଟି ଉତ୍ତରପ୍ରଦେଶର ବରେଲୀର ବୋଲି କୁହାଯାଉଛି ।
शराबी व्यक्ति ने नशे में पटरी पर आ रही ट्रेन को रोका, लोको पायलट ने ट्रेन से उतर कर शख्स के कान और गाल कर दिए लाल…#trending #TrendingNews pic.twitter.com/I0nmo5Xtze
— Narendra Singh (@NarendraNeer007) December 29, 2022
