ଚୀନରେ ଓମିକ୍ରନ ଭାରିଆଣ୍ଟ ପରେ ଆସିପାରେ ଆଉ ଏକ କରୋନା ଭାରିଆଣ୍ଟ, ଦ୍ରୁତ ଗତିରେ ବ୍ୟାପିବାର ରହିଛି କ୍ଷମତା: ବୈଜ୍ଞାନିକ
ନୂଆଦିଲ୍ଲୀ: ବୈଜ୍ଞାନିକମାନେ ସୋମବାର ଚେତାବନୀ ଦେଇଛନ୍ତି କି, ଚୀନକୁ ନୂଆ ଓମିକ୍ରନ୍ ସବ-ଭାରିଆଣ୍ଟରୁ ବାରମ୍ବାର କରୋନା ସଂକ୍ରମଣ ପାଇଁ ପ୍ରସ୍ତୁତ ରହିବା ଉଚିତ୍ । ସାଉଥ୍ ଚାଇନା ମର୍ନିଂ ପୋଷ୍ଟ ଅନୁଯାୟୀ, ଚୀନରେ ଏପର୍ଯ୍ୟନ୍ତ ଓମିକ୍ରନ୍ ସବଭାରିଆଣ୍ଟସ୍, ବିଏଫ୍.୫.୨ ଏବଂ ବିଏଫ୍.୭ ପହଞ୍ଚିଛି ।
ଗତ ଦୁଇ ମାସ ମଧ୍ୟରେ ଆମେରିକା ଏବଂ ୟୁରୋପରେ ବିକ୍ୟୁ.୧.୧ ଏବଂ ଏକ୍ସବିବି ଓମିକ୍ରନ୍ ଭାରିଆଣ୍ଟଗୁଡ଼ିକ ବ୍ୟାପିବାରେ ଲାଗିଛି । ଏହା କଳ୍ପନା କରାଯାଇପାରେ ଯେ, ଚାଇନାରେ ବର୍ତ୍ତମାନର ଲହର ଶିଖରରେ ପହଞ୍ଚିବା ପରେ ଏକ୍ସବିବି ଦେଶରେ ଏକ ନୂଆ ରାଉଣ୍ଡ ଆରମ୍ଭ କରିବାକୁ ଦେଶରେ ପ୍ରବେଶ କରିପାରେ ।
ରିପୋର୍ଟରେ ୟୁନଲୋଙ୍ଗ ପକ୍ଷରୁ କୁହାଯାଇଛି ଯେ, ଚୀନର ଏଭଳି ପରିସ୍ଥିତି ହେବାରୁ ରୋକିବା କଷ୍ଟସାଧ୍ୟ ବୋଲି ଲାଗୁଛି । ଅନୁସନ୍ଧାନକାରୀମାନେ ଜୋର ଦେଇଛନ୍ତି ଯେ, ଓମିକ୍ରନ୍ ଭାରିଆଣ୍ଟ ପରିବର୍ତ୍ତନ ହୋଇଥିବାରୁ କୋଭିଡ ସଂକ୍ରମଣର ଏକାଧିକ ଲହରକୁ ସାମ୍ନା କରିବ ଚୀନ୍ ।
ଏହାରି ମଧ୍ୟରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ତାଙ୍କ ନୂଆ ବର୍ଷର ସମ୍ବୋଧନରେ କହିଛନ୍ତି ଯେ, ଆଶାର କିରଣ ଠିକ୍ ଆମ ସାମ୍ନାରେ ରହିଛି । ଲଣ୍ଡନ ସ୍ଥିତ ଫାର୍ମ ଏୟାରଫିନିଟି ପୂର୍ବାନୁମାନ କରିଛି ଯେ, ଚୀନରେ କୋଭିଡ ସଂକ୍ରମଣ ଜାନୁଆରୀ ୧୩ ରେ ପ୍ରଥମ ଶିଖରରେ ପହଞ୍ଚିବ ଏବଂ ଦିନକୁ ୩.୭ ନିୟୁତ ମାମଲା ସାମ୍ନାକୁ ଆସିବ । ଫାର୍ମ କହିଛି ଯେ,ଏପ୍ରିଲ ୨୦୨୩ ଶେଷ ସୁଦ୍ଧା ଚୀନରେ ୧.୭ ମିଲିୟନ ମୃତ୍ୟୁ ଘଟିବ ବୋଲି ଆମେ ପୂର୍ବାନୁମାନ କରିଛୁ ।
