ଟଙ୍କା ଆଉ ଟଙ୍କା: ରାସ୍ତାରେ ଦ୍ରୁତ ଗତିରେ ଚାଲୁଥିବା କାରରୁ ନଗଦ ଟଙ୍କା ଫୋପାଡିଲେ ଯୁବକ, ଭାଇରାଲ୍ ହେଲା ଭିଡିଓ
ନୂଆଦିଲ୍ଲୀ: ନିକଟରେ ‘ଫର୍ଜି’ ନାମରେ ଏକ ୱେବସିରିଜ ରିଲିଜ ହୋଇଥିଲା। ଯେଉଁଥିରେ ଦେଖିବାକୁ ମିଳିଥିଲା ଯେ, ପୋଲିସ ହାତରୁ ଖସିବା ପାଇଁ ଅଭିଯୁକ୍ତମାନେ ରାସ୍ତାରେ ଟଙ୍କା ଉଡାଉଛନ୍ତି, ଆଉ ନିଜ ଯୋଜନାରେ ସଫଳ ମଧ୍ୟ ହେଉଛନ୍ତି। ତେବେ ଏଭଳି ଏକ ସତ ଘଟଣା ଏବେ ସାମ୍ନାକୁ ଆସିଛି। ହରିୟାଣାର ଗୁରୁଗ୍ରାମରେ ଦୁଇ ଯୁବକ ଏପରି କାଣ୍ଡ ଭିଆଇଛନ୍ତି।
ଏହି ଭାଇରାଲ୍ ଭିଡିଓରେ, କାରଟି ଗୁରୁଗ୍ରାମର ଏକ ରାସ୍ତାରେ ଦ୍ରୁତ ଗତିରେ ଚାଲୁଥିବାର ନଜର ଆସୁଛି। ଭିଡିଓରେ ଉଚ୍ଚ ସ୍ୱରର ଶବ୍ଦ ମଧ୍ୟ ଶୁଣାଯାଉଛି। ଜଣେ ବ୍ୟକ୍ତି କାରର ପଛରେ ବସି ନୋଟ୍ ବାହାର କରି ଫୋପାଡି ଦେଉଥିବାର ଦେଖାଯାଏ। ଚଳନ୍ତା କାରରୁ ଟଙ୍କା ଫୋପାଡିଥିବା ଯୁବକ ଜଣକ ରୁମାଲରେ ମୁହଁ ଘୋଡାଉଛନ୍ତି। ଧଳା ରଙ୍ଗର କାରର ନମ୍ବର ପ୍ଲେଟ୍ ଥିବା ଦେଖିବାକୁ ମିଳିଥିଲା। ଅବଶ୍ୟ ଏହି ଘଟଣା ସମୟରେ ଫିଲ୍ମ ପରି କାର୍ ପଛରେ ପୋଲିସ ନଥିଲା।
#WATCH | Haryana: A video went viral where a man was throwing currency notes from his running car in Gurugram. Police file a case in the matter.
(Police have verified the viral video) pic.twitter.com/AXgg2Gf0uy
— ANI (@ANI) March 14, 2023
କିନ୍ତୁ ଘଟଣା ବିଷୟରେ ପୋଲିସ କହିଛି ଯେ ସେମାନେ ଏହି ମାମଲାରେ ଏକ ମାମଲା ରୁଜୁ କରିଛନ୍ତି ଏବଂ ତଦନ୍ତ ଚାଲିଛି। ପୋଲିସ ଏହାର ତଦନ୍ତରେ ଏହା ଜାଣିବାକୁ ଚାହିଁବା ଯେ କାରରେ ଥିବା ଯୁବକମାନେ କାହିଁକି ଟଙ୍କା ସର୍ବସାଧାରଣରେ ଫିଙ୍ଗିଥିଲେ। ଏହି ଟଙ୍କା ବେଆଇନ କି? ଏବଂ ଟଙ୍କା କ’ଣ ପାଇଁ ଏପରି ଭାବେ ଫିଙ୍ଗା ଗଲା ? ତେବେ ଏହି ୧୫ ସେକେଣ୍ଡର ଭିଡିଓ ଏବେ ସୋସିଆଲ ମିଡିଆରେ ବହୁଳ ଭାବରେ ଭାଇରାଲ ହେଉଛି ଏବଂ ପୋଲିସ ମଧ୍ୟ ଏହାର ସତ୍ୟତାକୁ ନିଶ୍ଚିତ କରିଛି।
