ଆରପାରିରେ ଷ୍ଟାର ଅଲିମ୍ପିକ ଧାବିକା: ୩ଟି ସ୍ୱର୍ଣ୍ଣ ପଦକର ଅଧିକାରୀ ଥିଲେ ଟୋରୀ
ନୂଆଦିଲ୍ଲୀ: ଅଲିମ୍ପିକରେ ସ୍ୱର୍ଣ୍ଣ ପଦକ ବିଜେତା ଆମେରିକୀୟ ଧାବିକା ଟୋରୀ ବୋୱୀଙ୍କର ଆଜି ଅକାଳରେ ବିୟୋଗ ଘଟିଛି । ମାତ୍ର ୩୨ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିବା ବେଳେ ପୋଲିସ ତାଙ୍କ ମୃତଦେହ ଉଦ୍ଧାର କରିଛି । ଅନେକ ଦିନରୁ ନିଖୋଜ ଥିବା ବେଳେ ଆଜି ବନ୍ଦ ଘରୁ ତାଙ୍କର ଶବ ଉଦ୍ଧାର ହୋଇଥିବା ପୋଲିସ ସୂଚନା ଦେଇଛି । ସେ ଅଲିମ୍ପିକରେ ୩ଟି ସ୍ୱର୍ଣ୍ଣ ପଦକ ଆଣିବାରେ ସଫଳ ହୋଇଥିଲେ ।
ସୂଚନା ଅନୁଯାୟୀ, କିଛି ଦିନରୁ ନିଖୋଜ ଥିଲେ ଅଲିମ୍ପିକ ବିଜେତା ଟୋରୀ ବୋୱୀ । ତେବେ ଏ ମାମଲାର ତଦନ୍ତ କରି ଆଜି ଫ୍ଲୋରିଡାର ଅରଲାଣ୍ଡୋ ସ୍ଥିତ ତାଙ୍କ ଘରେ ପହଞ୍ଚିଥିଲା ପୋଲିସ । ଏଠାରେ ପହଞ୍ଚିବା ପରେ ବନ୍ଦ ଘରୁ ପୋଲିସ ତାଙ୍କ ମୃତଦେହ ଉଦ୍ଧାର କରିଛି । ତେବେ ଟୋରୀଙ୍କ ମୃତ୍ୟୁ ଘଟଣାକୁ ଏକ ସନ୍ଦିଗ୍ଧ ଭାବରେ ନେଇ ତଦନ୍ତ କରୁ ନାହିଁ ପୋଲିସ । ଟୋରୀଙ୍କ ମୃତ୍ୟୁ ଖବର ପାଇବା ପରେ ଆଇଓସିର ଅଧ୍ୟକ୍ଷ ଥମସ ବାଖ ଟ୍ୱିଟ କରି ଶୋକ ପ୍ରକାଶ କରିଛନ୍ତି । ସେ କହିଛନ୍ତି ଯେ, ଟୋରୀଙ୍କ ସହ ଖେଳ ଜଗତ ଜଣେ ଉଡ୍ଡୀୟମାନ ଖେଳାଳି ଏବଂ ଚମ୍ପିଆନଙ୍କୁ ହରାଇଛି ।
୨୦୧୬ ଧାବିକା ଟୋରୀ ରିଓ ଅଲିମ୍ପିକରେ ୪୦୦ ମିଟର ରିଲେ ରେସରେ ୩ଟି ସ୍ୱର୍ଣ୍ଣ ପଦକ ହାସଲ କରିବା ସହ ୧୦୦ ମିଟର ରେସରେ ରୌପ୍ୟ ଏବଂ ୨୦୦ମିଟର ରେସରେ ବ୍ରେଞ୍ଜ ପଦକ ଜିତିଥିଲେ । ଏହାବ୍ୟତୀତ ବିଶ୍ୱ ଚମ୍ପିଆନସିପରେ ସେ ୧୦୦ ମିଟର ଏବଂ ୪୦୦ ମିଟର ରେସର ସ୍ୱର୍ଣ୍ଣ ପଦକ ହାସଲ କରିଥିଲେ । ତେବେ ୨୦୨୨ରେ ସେ ନିଜ କ୍ୟାରିୟରର ଶେଷ ଅଲିମ୍ପିକ ଖେଳିଥିଲେ ଟୋରୀ ବୋୱୀ ।