ପଦ୍ମ ପୁରସ୍କାର ଲାଗି ଅନ୍ଲାଇନରେ ଆବଦେନ ପ୍ରକ୍ରିୟା ସେପ୍ଟେମ୍ବର ୧୫ ପର୍ଯ୍ୟନ୍ତ ବୃଦ୍ଧି
ନୂଆଦିଲ୍ଲୀ : ଆସନ୍ତା ୨୦୨୪ ପାଇଁ ପଦ୍ମ ପୁରସ୍କାର ଲାଗି ଅନ୍ଲାଇନରେ ଆବଦେନ ପ୍ରକ୍ରିୟାକୁ ସେପ୍ଟେମ୍ବର ୧୫ ପର୍ଯ୍ୟନ୍ତ ବୃଦ୍ଧି କରାଯାଇଛି । ରାଷ୍ଟ୍ରୀୟ ପୁରସ୍କାର ପୋର୍ଟାଲରେ ଏଥିପାଇଁ ଆବେଦନ କରାଯାଇପାରିବ । ପ୍ରତିବର୍ଷ ଗଣତନ୍ତ୍ର ଦିବସ ଅବସରରେ ପଦ୍ମ ବିଭୂଷଣ, ପଦ୍ମଭୂଷଣ ଏବଂ ପଦ୍ମଶ୍ରୀ ପୁରସ୍କାର ପାଇଁ ଚୟନ ହୋଇଥିବା ବ୍ୟକ୍ତିଙ୍କ ନାମ ଘୋଷଣା କରାଯାଇଥାଏ । ୧୯୫୪ରୁ କଳା, ସାହିତ୍ୟ, ଶିକ୍ଷା, କ୍ରୀଡ଼ା, ବିଜ୍ଞାନ, ପ୍ରଶାସନିକ ସେବା ଓ ସାମାଜିକ କାର୍ଯ୍ୟରେ ଉଲ୍ଲେଖନୀୟ ପ୍ରଦର୍ଶନ ପାଇଁ ବ୍ୟକ୍ତିବିଶେଷମାନଙ୍କୁ ଏହି ସମ୍ମାନ ପ୍ରଦାନ କରାଯାଉଛି । ପଦ୍ମ ପୁରସ୍କାର ପାଇଁ ନାମାଙ୍କନ / ସୁପାରିଶ ରାଷ୍ଟ୍ରୀୟ ପୁରସ୍କାର ଅନଲାଇନ୍ ପୋର୍ଟାଲରେ (https://awards.gov.in ) ଗ୍ରହଣ କରାଯିବ ।
ପଦ୍ମ ପୁରସ୍କାର ଯଥା ପଦ୍ମ ବିଭୂଷଣ, ପଦ୍ମ ଭୂଷଣ ଏବଂ ପଦ୍ମଶ୍ରୀ ଦେଶର ସର୍ବୋଚ୍ଚ ନାଗରିକ ପୁରସ୍କାର ମଧ୍ୟରେ ରହିଛି । ୧୯୫୪ ରେ ପ୍ରତିଷ୍ଠିତ ଏହି ପୁରସ୍କାର ପ୍ରତିବର୍ଷ ଗଣତନ୍ତ୍ର ଦିବସ ଅବସରରେ ଘୋଷଣା କରାଯାଏ । ଏହି ପୁରସ୍କାର ‘ଉଲ୍ଲେଖନୀୟ କାର୍ଯ୍ୟ’ କୁ ସ୍ୱୀକୃତି ଦେବାକୁ ଚେଷ୍ଟା କରିଥାଏ ଏବଂ ସମସ୍ତ କ୍ଷେତ୍ର / ବିଭାଗରେ ଯଥା କଳା, ସାହିତ୍ୟ ଏବଂ ଶିକ୍ଷା, କ୍ରୀଡା, ଔଷଧ, ସାମାଜିକ କାର୍ଯ୍ୟ, ବିଜ୍ଞାନ ଏବଂ ଇଞ୍ଜିନିୟରିଂ, ଜନସମ୍ପର୍କ, ବେସାମରିକ ସେବା, ବାଣିଜ୍ୟ ଏବଂ ଶିଳ୍ପ ଇତ୍ୟାଦି ଭଳି ଭିନ୍ନ ତଥା ଅତୁଳନୀୟ ସଫଳତା / ସେବା ପାଇଁ ପ୍ରଦାନ କରାଯାଏ । ଜାତି, ବୃତ୍ତି, ପଦ କିମ୍ବା ଲିଙ୍ଗର ପାର୍ଥକ୍ୟ ବିନା ସମସ୍ତ ବ୍ୟକ୍ତି ଏହି ପୁରସ୍କାର ପାଇବାକୁ ଯୋଗ୍ୟ ଅଟନ୍ତି । ଡାକ୍ତର ଏବଂ ବୈଜ୍ଞାନିକଙ୍କ ବ୍ୟତୀତ ସରକାରୀ କର୍ମଚାରୀ ଏବଂ ରାଷ୍ଟ୍ରାୟତ ସଂସ୍ଥାରେ କାର୍ଯ୍ୟ କରୁଥିବା କର୍ମଚାରୀମାନେ ପଦ୍ମ ପୁରସ୍କାର ପାଇବାକୁ ଯୋଗ୍ୟ ନୁହନ୍ତି ।
ପଦ୍ମ ପୁରସ୍କାରକୁ ‘ଲୋକଙ୍କ ପଦ୍ମ’ ରେ ପରିଣତ କରିବାକୁ ସରକାର ପ୍ରତିବଦ୍ଧ । ତେଣୁ ସମସ୍ତ ନାଗରିକଙ୍କୁ ବ୍ୟକ୍ତିଗତ ନାମାଙ୍କନପତ୍ର ସମେତ ନାମାଙ୍କନ / ସୁପାରିଶ କରିବାକୁ ଅନୁରୋଧ କରାଯାଇଛି । ପ୍ରତିଭାବାନ ବ୍ୟକ୍ତିବିଶେଷଙ୍କୁ ଚିହ୍ନଟ କରିବା ପାଇଁ ମିଳିତ ପ୍ରୟାସ କରାଯାଇପାରେ ଯେଉଁମାନଙ୍କର ଉତ୍କର୍ଷତା ଏବଂ ସଫଳତା ପ୍ରକୃତରେ ମହିଳା, ସମାଜର ଦୁର୍ବଳ ବର୍ଗ, ଏସସି ଏବଂ ଏସଟି, ଦିବ୍ୟାଙ୍ଗ ବ୍ୟକ୍ତି ଏବଂ ସମାଜ ପାଇଁ ନିଃସ୍ୱାର୍ଥପର ସେବା କରୁଥିବା ବ୍ୟକ୍ତିଙ୍କ ମଧ୍ୟରେ ସ୍ୱୀକୃତି ପାଇବାକୁ ଯୋଗ୍ୟ ଅଟେ ।
ନାମାଙ୍କନ / ସୁପାରିଶଗୁଡିକ ଉପରୋକ୍ତ ପୋର୍ଟାଲରେ ଉପଲବ୍ଧ ଫର୍ମାଟରେ ର୍ନିଦ୍ଦିଷ୍ଟ ସମସ୍ତ ପ୍ରାସଙ୍ଗିକ ବିବରଣୀ ରହିବା ଉଚିତ, ଯେଉଁଥିରେ ବର୍ଣ୍ଣନା ଫର୍ମ (ସର୍ବାଧିକ ୮୦୦ ଶବ୍ଦ) ରେ ସ୍ପଷ୍ଟ ଭାବରେ ସୁପାରିଶ କରାଯାଇଥିବା ବ୍ୟକ୍ତିଙ୍କ ଭିନ୍ନ ତଥା ଅତୁଳନୀୟ ସଫଳତା / ସେବାକୁ ସମ୍ପୃକ୍ତ କ୍ଷେତ୍ର / ଅନୁଶାସନ ଆଦି ବିଷୟରେ ଉଲ୍ଲେଖ ରହିଛି ।
ଏହି ପରିପ୍ରେକ୍ଷୀରେ ଗୃହ ମନ୍ତ୍ରଣାଳୟର ୱେବସାଇଟ୍ (https://mha.gov.in) ଏବଂ ପଦ୍ମ ପୁରସ୍କାର ପୋର୍ଟାଲ (https://padmaawards.gov.in ) ରେ ‘ପୁରସ୍କାର ଏବଂ ପଦକ’ ଶୀର୍ଷକରେ ଉପଲବ୍ଧ । ଏହି ପୁରସ୍କାର ସମ୍ବନ୍ଧୀୟ ଆଇନ୍ ଏବଂ ନିୟମ https://padmaawards.gov.in/AboutAwards.aspx ଲିଙ୍କ୍ ସହିତ ୱେବସାଇଟରେ ଉପଲବ୍ଧ ।
