ଜଳଖିଆରେ କଦଳୀ ଖାଇବା ଉଚିତ : ଆସନ୍ତୁ ଜାଣିବା କିପରି କରିବେ ସେବନ…
ଭୁବନେଶ୍ୱର : ସାଧାରଣତଃ ଫଳ ମଧ୍ୟରୁ ଲୋକେ କଦଳୀକୁ ଖାଇବାକୁ ଅଧିକ ପସନ୍ଦ କରନ୍ତି । କଦଳୀ ଆମ ସ୍ୱାସ୍ଥ୍ୟ ପାଇଁ ପୃଷ୍ଟିକର ଏବଂ ଉପକାରୀ ଅଟେ । ଏହା ଶରୀରକୁ ସୁସ୍ଥ ରଖିବାରେ ସାହାଯ୍ୟ କରେ । ଏହାକୁ ଖାଇବାର ସଠିକ ସମୟ ରହିଛି ଯାହା ଅଧିକାଂଶ ଲୋକ ଜାଣିପାରନ୍ତି ନାହିଁ । କିଛି ଲୋକ ଏହାକୁ ସକାଳ ଜଳଖିଆ ସମୟରେ ଖାଆନ୍ତି ତ ଆଉ କେତେ ଜଣ ସନ୍ଧ୍ୟା ସମୟରେ ଖାଆନ୍ତି । ସ୍ୱାସ୍ଥ୍ୟ ବିଶେଷଜ୍ଞ ମତାନୁସାରେ ଜାଣି ନିଅନ୍ତୁ କଣ ରହିଛି କଦଳୀ ସେବନ କରିବାର ସଠିକ ଉପାୟ ……..
-ଜଳଖିଆରେ କଦଳୀ ସେବନ କରିପାରିବେ । କିନ୍ତୁ କେବଳ କଦଳୀ ସେବନ କରନ୍ତୁ ନାହିଁ। ଜଳଖିଆରେ ଅନ୍ୟ ଖାଦ୍ୟ ଖାଇବା ସମୟରେ କିମ୍ବା ଜଳଖିଆ ଖାଇବା ପରେ କଦଳୀ ସେବନ କରନ୍ତୁ ।
-ଜଳଖିଆରେ କେବଳ କଦଳୀ ଖାଇବା ଉଚିତ୍ ନୁହେଁ । କଦଳୀରେ କାର୍ବୋହାଇଡ୍ରେଟ ଓ ପ୍ରାକୃତିକ ଭାବେ ଶର୍କରା ଭରପୁର ମାତ୍ରାରେ ରହିଥାଏ। ଏହାକୁ ଖାଲି ପେଟରେ ଖାଇବା ଦ୍ୱାରା ରକ୍ତରେ ଶର୍କରାର ମାତ୍ରା ବୃଦ୍ଧି ପାଇବ ।
-ଜଳଖିଆ ସମୟରେ କଦଳୀକୁ ବିଭିନ୍ନ ଉପାୟରେ ମଧ୍ୟ ସେବନ କରି ପାରିବେ ଏବଂ କ୍ଷୀର ଓ କଦଳୀକୁ ଜୁସ କରି ପିଇ ପାରିବେ ।
-ଫାଇବର, ଭିଟାମିନ୍ସ, ମିନେରାଲ୍ସର ଉତ୍ତମ ସ୍ରୋତ କଦଳୀ ଅଟେ । ମାତ୍ର ଏହାକୁ ଖାଲିପେଟରେ ଆଦୌ ସେବନ କରିବା ଉଚିତ ନୁହେଁ ।
-ଏଥିରେ ପୋଟାସିୟମ, ଫାଇବର ଓ ଭିଟାମିନ ବି-୬, ଭିଟାମିନ ସି ଭଳି ପୋଷକ ତତ୍ତ୍ୱ ପ୍ରଚୁର ପରିମାଣରେ ରହିଛି। ଜଳଖିଆ ଖାଇବା ସମୟରେ କଦଳୀ ସେବନ କରିବା ଦ୍ୱାରା ଶରୀରକୁ ତୁରନ୍ତ ଶକ୍ତି ମିଳିଥାଏ ଏବଂ ଥକ୍କାପଣ ଦୂର ହୋଇଥାଏ।
-କୌଣସି କାର୍ଯ୍ୟ କରିବା ସମୟରେ ମଧ୍ୟ ହାଲିଆ ଅନୁଭବ ହୋଇନଥାଏ। ଜଳଖିଆରେ ଏହାର ସେବନ କରିବା ଦ୍ୱାରା ଶରୀରକୁ ଆବଶ୍ୟକ ପରିମାଣରେ ପ୍ରୋଟିନ୍ ମିଳିବା ସହ ଭୋକ, ରକ୍ତରେ ଶର୍କରା ସ୍ତର ମଧ୍ୟ ସଠିକ୍ ରହିଥାଏ।
