ପୃଥକ ପୃଥକ ସ୍ଥାନରେ ବଜ୍ରାଘାତ ନେଲା ଜୀବନ : ୪ ମୃତ, ୩ ଗୁରୁତର
ଭୁବନେଶ୍ୱର : ପ୍ରବଳ ବର୍ଷା ସହ ଭୟଙ୍କର ବଜ୍ରାପାତରେ ଜନ ଜୀବନ ଅସ୍ତବ୍ୟସ୍ତ ହୋଇପଡିଛି । ୨୧ ମିନିଟରେ ୬ ହଜାର ୯୦୬ ଥର ମାରିଲା ବିଜୁଳି ଘଡଘଡି । କିଛି ସମୟ ପାଇଁ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଥିଲା । ବୌଦ୍ଧ ଥାନା ଅନ୍ତର୍ଗତ ରାଉତବାହାଲ ଗ୍ରାମରେ ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ ହୋଇଛି ।
ସୂଚନା ଅନୁଯାୟୀ, ବୌଦ୍ଧ ଥାନା ରାଉତବାହାଲ ଗ୍ରାମର ଜଣେ ମହିଳା ଆଜି ଅପରାହ୍ନରେ ବିଲକୁ କାମ କରିବା ଯାଇଥିବା ବେଳେ ଘଟିଥିଲା ଅଘଟଣା । ବିଲରେ କାମ କରୁଥିବା ସମୟରେ ବଜ୍ରାଘାତରେ ଗୁରୁତର ଭାବରେ ଆହତ ହୋଇଥିଲେ ମହିଳା । ଏହା ସହିତ ଅଲଗା ଅଲଗା ସ୍ଥାନରେ ବଜ୍ରାଘାତରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତ ହୋଇଛନ୍ତି ।
ବୌଦ୍ଧରେ ଜଣେ ମହିଳା, ବଲାଙ୍ଗିର, ବାଣପୁରର ଆରଙ୍କରେ ମଧ୍ୟ ଯୁବକଙ୍କ ସମେତ ଦାମିଆ ବରବରା କଦମଝୋଲା ଗାଁରେ ଜଣେ ନାବାଳକର ମୃତ୍ୟୁ ହୋଇଥିବା ବେଳେ ଆରଙ୍ଗ ଗାଁରେ ହିଁ ବଜ୍ରାଘାତରେ ଅନ୍ୟ ୩ ଜଣ ଗୁରୁତର ହୋଇଛନ୍ତି । ଏନେଇ ଗୁରୁତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
