ଆକାଉଣ୍ଟରେ ଟଙ୍କା ନଥିଲେ ମଧ୍ୟ UPI ସାହାଯ୍ୟରେ କରିପାରିବେ ପେମେଣ୍ଟ : ଜାଣିନିଅନ୍ତୁ କିପରି…..

ନୂଆଦିଲ୍ଲୀ : ଆପଣ କିଛି ଗୁରୁତ୍ୱପୂର୍ଣ୍ଣ କାମରେ ବାହାରକୁ ଯାଇଛନ୍ତି ଏବଂ ଆପଣଙ୍କୁ 100 ଟଙ୍କାର ପେମେଣ୍ଟ ଦେବାର ଅଛି, କିନ୍ତୁ ଆପଣଙ୍କ ଆକାଉଣ୍ଟରେ କେବଳ 99.90 ଟଙ୍କା ଅଛି । ଏହି ଅସୁବିଧାର ଅନେକ ଲୋକ ସମୁଖୀନ ହୋଇଛନ୍ତି, କିନ୍ତୁ ବର୍ତ୍ତମାନ ଏହିପରି ଘଟଣାଗୁଡ଼ିକରେ କିମ୍ବା ଆକାଉଣ୍ଟରେ ଶୂନ୍ୟ ବାଲାନ୍ସ ଥିଲେ ମଧ୍ୟ ଆପଣ UPI ଆପ ସାହାଯ୍ୟରେ ପେମେଣ୍ଟ ପ୍ରଦାନ କରିପାରିବେ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI) ସମସ୍ତ ବ୍ୟାଙ୍କକୁ ସେମାନଙ୍କ ଗ୍ରାହକଙ୍କୁ ୟୁପିଆଇରେ ‘ଶୂନ ବାଲାନ୍ସ’ ଥିଲେ ମଧ୍ୟ ପେମେଣ୍ଟ ପେମେଣ୍ଟ କରିବାର ସେବା ପ୍ରଦାନ କରିବାକୁ ନିର୍ଦ୍ଦେଶ ଦେଇଛି, ଯାହା ଦ୍ୱାରା ଗ୍ରାହକମାନେ ପେମେଣ୍ଟ କରିବା ସମୟରେ ‘ହିରୋ’ ରହିବେ ।ବାସ୍ତବରେ, ଏବେ ଆରବିଆଇ ବ୍ୟାଙ୍କଗୁଡ଼ିକୁ ୟୁପି ସହିତ ‘Buy Now, Pay Later’ ଭଳି ସେବା ଯୋଡିବାକୁ କହିଛି । ଏହା ‘UPI Now, Pay Later’ ସେବା ଭାବରେ ଜଣାଶୁଣା ହେବ । ଏହି ବ୍ୟାଙ୍କ ଗ୍ରାହକଙ୍କୁ ଆକାଉଣ୍ଟ ଖାଲି ଥିଲେ ମଧ୍ୟ UPI ମାଧ୍ୟମରେ ପେମେଣ୍ଟ କରିବାକୁ ଅନୁମତି ଦେବ ।

ଲୋକଙ୍କ ମଧ୍ୟରେ UPIର ଲୋକପ୍ରିୟତା ଏବଂ ବ୍ୟବହାରର ସହଜତାକୁ ବିଚାରକୁ ନେଇ ସରକାର ଏବଂ ଆରବିଆଇ ଏକ ବଡ଼ ନିଷ୍ପତି ନେଇଛନ୍ତି । UPIକୁ ଏକ ‘ସୁପର ଆପ୍’ କିମ୍ବା ‘ସୁପର ପ୍ରଡକ୍ଟ’ କରିବାକୁ ଚେଷ୍ଟା କରାଯାଉଛି । ବର୍ତ୍ତମାନ ଲୋକଙ୍କୁ କେବଳ ସେଭିଂ ଆକାଉଣ୍ଟ, ଓଭରଡ୍ରାଫ୍ଟ ଆକାଉଣ୍ଟ, ପ୍ରିପେଡ୍ ୱାଲେଟ୍ ଏବଂ କ୍ରେଡିଟ୍ କାର୍ଡକୁ ସେମାନଙ୍କ UPI ID ସହିତ ଲିଙ୍କ କରିବାକୁ ଅନୁମତି ଦିଆଯାଇଥିଲା । ବର୍ତ୍ତମାନ ଆରବିଆଇ ବ୍ୟାଙ୍କ ‘ପ୍ରି-ମଞ୍ଜୁରୀପ୍ରାପ୍ତ କ୍ରେଡିଟ୍ ଲାଇନ୍’ ମାଧ୍ୟମରେ UPI ପେମେଣ୍ଟ କରିବାକୁ ବ୍ୟାଙ୍କଗୁଡିକୁ ଅନୁମତି ଦେଇଛନ୍ତି, ଅର୍ଥାତ୍ ବ୍ୟାଙ୍କ ଆକାଉଣ୍ଟରେ ଟଙ୍କା ନଥିଲେ ମଧ୍ୟ ତୁରନ୍ତ UPI ମାଧ୍ୟମରେ ପେମେଣ୍ଟ ପ୍ରଦାନ କରିପାରିବେ । ପରେ ଆପଣଙ୍କୁ ଏହି ଟଙ୍କା ବ୍ୟାଙ୍କକୁ ଫେରସ୍ତ କରିବାକୁ ପଡିବ ।

ନିକଟରେ ଆରବିଆଇ ଏକ ବିଜ୍ଞପ୍ତି ଜାରି କରିଛି। ଏହା ଅନୁଯାୟୀ, ବର୍ତ୍ତମାନ ସମସ୍ତ ବାଣିଜ୍ୟିକ ବ୍ୟାଙ୍କ ସେମାନଙ୍କ ଗ୍ରାହକଙ୍କୁ ସେମାନଙ୍କର ପୂର୍ବ ସମ୍ମତି ଆଧାରରେ UPI ଦେୟ ପାଇଁ ‘ପୂର୍ବ-ଅନୁମୋଦିତ କ୍ରେଡିଟ୍ ଲାଇନ୍’ ସୁବିଧା ପ୍ରଦାନ କରିବାରେ ସକ୍ଷମ ହେବେ। ଯାହାଫଳରେ କି ବ୍ୟାଙ୍କର ଗ୍ରାହକମାନେ ଶୂନ୍ୟ ବାଲାନ୍ସ ଥିବା ସତ୍ତ୍ୱେ UPI ଦ୍ୱାରା ଏହି କ୍ରେଡିଟ୍ ଲାଇନ୍ ସାହାଯ୍ୟରେ ପେମେଣ୍ଟ କରିବାକୁ ସକ୍ଷମ ହେବେ ।