ମୁଖ୍ୟମନ୍ତ୍ରୀଙ୍କ ଟ୍ୱିଟ୍: ମଣିପୁରର ଦୁଇ ଛାତ୍ର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ
ନୂଆଦିଲ୍ଲୀ: ଗତ ଜୁଲାଇ ମାସଠାରୁ ନିଖୋଜ ଥିବା ମଣିପୁରର ଦୁଇ ଛାତ୍ର ହତ୍ୟାକାଣ୍ଡର ଫଟୋ ସୋସିଆଲ ମିଡ଼ିଆରେ ଘୂରି ବୁଲୁଥିଲା । ଜୁଲାଇ ୬ ତାରିଖଠାରୁ ଏହି ଦୁଇଜଣ ନିଖୋଜ ରହିଥିଲେ । ସେମାନଙ୍କୁ ହତ୍ୟା କରିବା ପରେ ଫଟୋ ଉତ୍ତୋଳନ କରାଯାଇଥିବା ଜଣାପଡ଼ୁଥିଲା । ତେବେ ଏହା ମଧ୍ୟରେ ଦୁଇ ଛାତ୍ର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତଙ୍କୁ ଗିରଫ କରାଯାଇଥିବା ନେଇ ମୁଖ୍ୟମନ୍ତ୍ରୀ ଏନ. ବିରେନ ସିଂହ ସୂଚନା ଦେଇଛନ୍ତି ।
ଅପହୃତ ହୋଇଥିବା ଦୁଇ ଛାତ୍ର ମୃତ୍ୟୁ ପାଇଁ ଦାୟୀ ଦୁଇ ମୁଖ୍ୟ ଅଭିଯୁକ୍ତଙ୍କୁ ଚୁରାଚାନ୍ଦପୁର ଜିଲ୍ଲାରୁ ଗିରଫ କରାଯାଇଛି । ଛାତ୍ର ଫିଜାମ ହେମଜିତ (୨୦) ଓ ଛାତ୍ରୀ ହିଜାମ ଲିନଥୋଇନଗମ୍ବୀ (୧୭)ଙ୍କୁ ହତ୍ୟା କରାଯିବା ପୂର୍ବର ଓ ପରବର୍ତ୍ତୀ ସମୟର ଫଟୋ ସୋସିଆଲ ମିଡ଼ିଆରେ ଦେଖିବାକୁ ମିଳିଛି । ହତ୍ୟା ପଛର ଦୋଷୀଙ୍କୁ କଠୋର ଦଣ୍ଡ ଦିଆଯିବ ବୋଲି ମୁଖ୍ୟମନ୍ତ୍ରୀ ସୋସିଆଲ ମିଡ଼ିଆ ଏକ୍ସ’ରେ ସୂଚନା ଦେଇଛନ୍ତି ।
ସୋସିଆଲ ମିଡ଼ିଆରେ ଦୁଇଜଣଙ୍କ ଫଟୋ ଭାଇରାଲ ହେବା ପରେ ଦୋଷୀଙ୍କ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟମନ୍ତ୍ରୀ କହିଥିଲେ । ପୂର୍ବରୁ ଏହି ମାମଲାର ତଦନ୍ତ ଭାର ସିବିଆଇକୁ ଦିଆଯାଇଥିଲା । ମେ ମାସ ୩ ତାରିଖରୁ ରାଜ୍ୟରେ କୁକୀ ଓ ମୈତେଈ ସମ୍ପ୍ରଦାୟ ମଧ୍ୟରେ ଆରମ୍ଭ ହୋଇଥିବା ସଂଘର୍ଷ ଏବେ ବି ଜାରି ରହିଛି । ଏହି ବିବାଦ ଫଳରେ ରାଜ୍ୟରେ ଦୀର୍ଘଦିନ ଧରି ଅଶାନ୍ତ ପରିସ୍ଥିତି ଦେଖିବାକୁ ମିଳିଛି ।
I’m pleased to share that some of the main culprits responsible for the abduction and murder of Phijam Hemanjit and Hijam Linthoingambi have been arrested from Churachandpur today.
As the saying goes, one may abscond after committing the crime, but they cannot escape the long…
— N.Biren Singh (@NBirenSingh) October 1, 2023