ଭାରତ ଜିତିଲା ୨୦ତମ ସ୍ୱର୍ଣ୍ଣ: ସ୍କ୍ୱାଶ ମିକ୍ସଡ ଡବଲ୍ସ ଫାଇନାଲରେ ଜିତିଲେ ଦୀପିକା-ହରିନ୍ଦରପଲ
ନୂଆଦିଲ୍ଲୀ: ଚୀନର ହ୍ୱାଙ୍ଗଝୁଠାରେ ଚାଲିଥିବା ୧୯ତମ ଏସୀୟ କ୍ରୀଡ଼ାର ଆଜି ହେଉଛି ଦ୍ୱାଦଶ ଦିବସ । ଗତକାଲି ଏକାଦଶ ଦିବସରେ ଭାରତ ୩ଟି ସ୍ୱର୍ଣ୍ଣ ସହ ୧୨ଟି ପଦକ ହାସଲ କରିଥିଲା । ତେବେ ଏହା ମଧ୍ୟରେ ଆଜି ଭାରତ ସ୍ୱର୍ଣ୍ଣରୁ ତା’ର ପଦକ ବିଜୟ ଯାତ୍ରା ଆରମ୍ଭ କରିଥିଲା । ଏହା ମଧ୍ୟରେ ଭାରତ ପୁଣି ଏକ ସ୍ୱର୍ଣ୍ଣ ପଦକ ହାସଲ କରିଛି । ଫଳରେ ମୋଟ ୨୦ଟି ସ୍ୱର୍ଣ୍ଣ, ୩୧ଟି ରୌପ୍ୟ ଓ ୩୨ଟି ବ୍ରୋଞ୍ଜ ସହିତ ଭାରତର ମୋଟ ପଦକ ସଂଖ୍ୟା ୮୩ରେ ପହଞ୍ଚିଛି ।
ଆଜି ପ୍ରଥମେ ଭାରତୀୟ ମହିଳା ଆର୍ଚେରୀ ଟିମ୍ ସ୍ୱର୍ଣ୍ଣ ପଦକ ଜିତିଥିବା ବେଳେ ସ୍କ୍ୱାଶ ମିକ୍ସଡ ଡବଲ୍ସରେ ଦ୍ୱିତୀୟ ସ୍ୱର୍ଣ୍ଣ ଜିତିଛି । ଦୀପିକା ପାଲିକଲ- ହରିନ୍ଦରପଲ ସିଂହ ସାନ୍ଧୁଙ୍କ ଯୋଡ଼ି ପ୍ରତିପକ୍ଷ ମାଲେଶିଆର ଯୋଡ଼ିଙ୍କୁ ୨-୦ରେ ପରାସ୍ତ କରିଛନ୍ତି । ଭାରତୀୟ ଯୋଡ଼ି ଫାଇନାଲରେ ମାଲେଶିଆକୁ ୧୧-୧୦, ୧୧-୧୦ ସେଟରେ ପରାସ୍ତ କରି ଏହି ସଫଳତା ହାସଲ କରିଥିଲେ ।
ଏହାପୂର୍ବରୁ ପୁରୁଷ ସିଙ୍ଗଲସ ବ୍ୟାଡମିଣ୍ଟନରେ ୪୧ ବର୍ଷ ପରେ ଏଚ.ଏସ ପ୍ରଣୟ ସେମିରେ ପ୍ରବେଶ କରି ପଦକ ଆଶା ଉଜ୍ଜୀବିତ କରିଥିଲେ । ତା’ ପୂର୍ବରୁ ମହିଳା ଆର୍ଚେରୀରେ ଭାରତ ସ୍ୱର୍ଣ୍ଣପଦକ ଜିତିଥିଲା । ଆଜି ଦିନର ଆରମ୍ଭରୁ ଭାରତୀୟ କ୍ରୀଡ଼ାବିତମାନେ ନିରାଶ କରିଥିଲେ । ବ୍ୟାଡମିଣ୍ଟନ ତାରକା ପିଭି ସିନ୍ଧୁ ମହିଳା ସିଙ୍ଗଲସର କ୍ୱାର୍ଟର ଫାଇନାଲରେ ଚୀନର ବିନ ଚିଆେଓଙ୍କ ଠାରୁ ହାରି ଯାଇଥିଲେ । ସେହିପରି ରେସଲିଂରେ ମହିଳା ଯୁବା କୁସ୍ତିଯୋଦ୍ଧା ଅନ୍ତିମ ପଙ୍ଘାଲ ୫୩ କିଲୋଗ୍ରାମ ବର୍ଗରେ କ୍ୱାର୍ଟର ଫାଇନାଲରେ ଜାପାନର ଫୁଜୀନାମୀ ଅକାରୀଙ୍କଠାରୁ ପରାସ୍ତ ହୋଇଥିଲେ । ପରେ ଅନ୍ତିମଙ୍କୁ ବ୍ରୋଞ୍ଜ ପଦକ ପାଇଁ ଏକ ସୁଯୋଗ ମିଳିଥିଲା । ସେହିପରି ସ୍କ୍ୱାଶ ପୁରୁଷ ସିଙ୍ଗଲ୍ସ ଫାଇନାଲରେ ସୌରଭ ଘୋସାଲ ଦେଶ ପାଇଁ ସ୍ୱର୍ଣ୍ଣ ଜିତିବାର ସମ୍ଭାବନା ରହିଛି ।
GOLD MEDAL No. 20 for INDIA 🔥🔥🔥
Squash: Dipika Pallikal & Harinderpal Singh win Gold medal in Mixed Doubles.
Top seeded Indian pair beat 2nd seeded Malaysian duo 2-0 in Final.
📸 File pic #AGwithIAS #IndiaAtAsianGames #AsianGames2022 pic.twitter.com/IGfwEwXyqt
— India_AllSports (@India_AllSports) October 5, 2023
