ପାଲେଷ୍ଟାଇନକୁ ମିଳିଲା ବନ୍ଧୁତାର ହାତ, CWCରେ ପ୍ରସ୍ତାବ ପାସ କରି ସମର୍ଥନ ଜଣାଇଲା କଂଗ୍ରେସ
ନୂଆଦିଲ୍ଲୀ: ହମାସ ଦ୍ୱାରା ଇସ୍ରାଏଲରେ କରାଯାଇଥିବା ଆକ୍ରମଣର ଗୋଟିଏ ଦିନ ପରେ କଂଗ୍ରେସ ପାଲେଷ୍ଟାଇନଙ୍କୁ ସମର୍ଥନ କରିଛି । ପାଲେଷ୍ଟାଇନ ଅତଙ୍କବାଦୀ ସମୂହ ହମାସ ଦ୍ୱାରା ଇସ୍ରାଏଲର ଲୋକଙ୍କ ଉପରେ ଆକ୍ରମଣଙ୍କୁ ନିନ୍ଦା କରି ଗୋଟିଏ ଦିନ ପରେ କଂଗ୍ରେସ ସୋମବାର ଦିନ ପାଲେଷ୍ଟାଇନୀୟଙ୍କୁ ସମର୍ଥନ କରିଛି ।
କଂଗ୍ରେସ କାର୍ଯ୍ୟ ସମିତିର ବୈଠକ ଦ୍ୱାରା ଆଜି ପାରିତ ହୋଇଥିବା ଏକ ପ୍ରସ୍ତାବରେ ହମାସ -ଇସ୍ରାଏଲ ସଂଘର୍ଷରେ ଦୁଃଖ ବ୍ୟକ୍ତ କରାଯାଇଛି ଏବଂ ଯୁଦ୍ଧକୁ ଅଟକାଇବା ପାଇଁ ଦାବି ଜଣାଇଛି । ସିଡବ୍ଲୁସିର ୭ଟି ବିନ୍ଦୁ ପ୍ରସ୍ତାବରେ ଶେଷ ବିନ୍ଦୁରେ ପାଲେଷ୍ଟାଇନ ଲୋକ ଏବଂ ଅଧିକାରୀଙ୍କ ସମର୍ଥନ କରାଯାଇଛି ।
କଂଗ୍ରେସ ଦ୍ୱାରା ପାରିତ ହୋଇଥିବା ୭ଟି ପ୍ରସ୍ତାବର ଶେଷ ପଏଣ୍ଟରେ ଲେଖାଯାଇଛି ଯେ, ଅନ୍ତରେ ସିଡବ୍ଲୁସି ମିଡିଲ ଇଷ୍ଟରେ ହୋଇଥିବା ଆକ୍ରମଣ ଏବଂ ଏଥିରେ ହଜାରରୁ ଅଧିକ ଲୋକ ମରିଯାଇଥିବା ନେଇ ଗଭୀର ଦୁଃଖ ଏବଂ ପୀଡା ବ୍ୟକ୍ତ କରିଛନ୍ତି । ସିଡବ୍ଲୁସି ପାଲେଷ୍ଟାଇନ ଲୋକମାନଙ୍କ ଜମି, ସ୍ୱଶାସନ ଏବଂ ଆତ୍ମସମ୍ମାନ ଏବଂ ଗରିମା ସହିତ ଜୀବନର ଅଧିକାର ପାଇଁ ନିଜର ଦୀର୍ଘକାଳୀନ ସମର୍ଥନକୁ ଦୋହରାଇଛି । ସିଡବ୍ଲୁସି ତୁରନ୍ତ ଯୁଦ୍ଧ ରୋକିବା ଏବଂ ବର୍ତ୍ତମାନ ଏହି ସଂଘର୍ଷକୁ ଜନ୍ମ ଦେଉଥିବା ପ୍ରସଙ୍ଗକୁ ଆହ୍ୱାନ କରୁଛି ।
ଏହି ଆକ୍ରମଣ ପୂର୍ବରୁ ରବିବାର ଦିନ ସୋସିଆଲ ମିଡିଆ ଏକ୍ସରେ କଂଗ୍ରେସ ପୋଷ୍ଟ କରି କହିଛି ଯେ, ‘ଭାରତୀୟ ରାଷ୍ଟ୍ରୀୟ କଂଗ୍ରେସର ମାନ୍ୟତା ଅନୁଯାୟୀ, ଆତ୍ମ-ସମ୍ମାନ, ସମାନତା ଏବଂ ସମ୍ମାନ ଜୀବନ ପାଇଁ ପାଲେଷ୍ଟାଇନ ଲୋକଙ୍କ ବୈଧ ଆକାଂକ୍ଷା କେବଳ କଥାବାର୍ତ୍ତା ମାଧ୍ୟମରେ ପୂରା ହେବା ଦରକାର । ଯେତେବେଳେ କି ଇସ୍ରାଏଲ ଲୋକମାନଙ୍କ ପାଇଁ ଏକ ଜନହିତକାରୀ ରାଷ୍ଟ୍ର ଭାବେ ସୁନିଶ୍ଚିତ କରିବା ଆବଶ୍ୟକ ।’ କାରଣ କୌଣସି ହିଂସା କେତେବେଳେ ମଧ୍ୟ ସମାଧାନ ଦେଇନଥାଏ ଏବଂ ଏହାକୁ ରୋକିବା ଆବଶ୍ୟକ ।
नई दिल्ली में हुई बैठक में कांग्रेस कार्य समिति (CWC) का प्रस्ताव: pic.twitter.com/NjiSkUN4B7
— Congress (@INCIndia) October 9, 2023