(Video)କି ଯୁଗ ହେଲାରେ ଭାଇ! ସିଗନାଲରେ ଭିକ ମାଗୁଥିବା କିନ୍ନର ଦେଉଛନ୍ତି ଡିଜିଟାଲ୍ ପେମେଣ୍ଟର ଅପସନ୍, QR Code ଦେଖାଇ ନେଲେ ଟଙ୍କା
ନୂଆଦିଲ୍ଲୀ: ବର୍ତ୍ତମାନ ଭାରତ ସମେତ ଅନେକ ଦେଶରେ ଡିଜିଟାଲ ପେମେଣ୍ଟର ଅପସନ୍ ବଢ଼ିବାରେ ଲାଗିଛି । ଲୋକମାନେ ବର୍ତ୍ତମାନ ସେମାନଙ୍କର ଅଧିକାଂଶ କାର୍ଯ୍ୟ ଡିଜିଟାଲ୍ ମାଧ୍ୟମରେ କରୁଛନ୍ତି । ଡିଜିଟାଲ ପେମେଣ୍ଟ ବିକଳ୍ପ ବାଛିବା ପାଇଁ ଦେଶର ସରକାର ମଧ୍ୟ ଲୋକଙ୍କୁ ପ୍ରୋତ୍ସାହିତ କରୁଛନ୍ତି ।
ଏଭଳି ପରିସ୍ଥିତିରେ ରାସ୍ତାରେ ଭିକ ମାଗୁଥିବା ଲୋକମାନେ ମଧ୍ୟ ଏହି ପଦ୍ଧତି ବ୍ୟବହାର କରିବା ଆରମ୍ଭ କରିଛନ୍ତି । ଆଜିକାଲି ସୋସିଆଲ ମିଡିଆରେ ଏକ ଭିଡିଓ ଖୁବ ଶୀଘ୍ର ଭାଇରାଲ ହେବାରେ ଲାଗିଛି । ଏହି ଭିଡିଓରେ ଜଣେ କିନ୍ନର ରାସ୍ତାରେ ଥିବା ଲୋକଙ୍କଠାରୁ କ୍ୟୁଆର କୋଡ୍ ଦେଖାଇ ଟଙ୍କା ନେଉଥିବା ନଜର ଆସିଛନ୍ତି । ଖାସ୍ କଥା ହେଉଛି ଯେତେବେଳେ ଲୋକମାନେ ଟଙ୍କା ଦେବାକୁ ମନା କରିଦେଲେ, ସେ ସେମାନଙ୍କୁ କ୍ୟୁଆର କୋଡ୍ ମାଧ୍ୟମରେ ଟଙ୍କା ଦେବାକୁ କହିଥିଲେ । ଲୋକମାନଙ୍କୁ କିନ୍ନରଙ୍କ ଏହି ଶୈଳୀକୁ ବହୁତ ପସନ୍ଦ ଆସିଥିଲା । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଅନେକ ଲୋକ ଏହି ପୋଷ୍ଟରେ ନିଜର ମତାମତ ଦେଇଛନ୍ତି ।
ଏହି ଭିଡିଓକୁ ଏକ୍ସରେ ଋଷି ବାଗ୍ରି ନାମକ ଜଣେ ଉପଭୋକ୍ତା ଦ୍ୱାରା ସେୟାର କରାଯାଇଛି । ଭିଡିଓ ସେୟାର କରିବାବେଳେ ସେ କ୍ୟାପସନ୍ ଲେଖିଥିଲେ, ‘ଡିଜିଟାଲ୍ କାରବାରର ହାଇଟ୍ ।’ ଭିଡିଓରେ ଏହା ଦେଖିବାକୁ ମିଳିଛି ଯେ, ଟ୍ରାଫିକ୍ ସିଗନାଲ୍ ବନ୍ଦ ହେବା ମାତ୍ରେ ଜଣେ କିନ୍ନର ବାଇକ୍ ଡ୍ରାଇଭର ଆଡକୁ ଆସିଥିଲେ । ଏହା ପରେ ସେ ଟଙ୍କା ମାଗିଥିଲେ । ବାଇକ ଚାଳକ କହିଥିଲେ ଯେ, ତାଙ୍କ ପାଖରେ କୌଣସି ଖୁଚୁରା ଟଙ୍କା ନାହିଁ । ଏପରି ପରିସ୍ଥିତିରେ କିନ୍ନର ତାଙ୍କୁ ଏକ କ୍ୟୁଆର କୋଡ୍ ଦେଇ ଡିଜିଟାଲ୍ ପେମେଣ୍ଟ ପାଇଁ କହିଥିଲେ । ବାଇକ ଚାଳକ ଡିଜିଟାଲ୍ ପେମେଣ୍ଟ୍ କରନ୍ତି ଏବଂ ତା’ପରେ ଚାଲିଯାଆନ୍ତି । ଏହି ଭାଇରାଲ ଭିଡିଓକୁ ବର୍ତ୍ତମାନ ସୁଦ୍ଧା ୧ ମିଲିୟନରୁ ଅଧିକ ଲୋକ ଦେଖିଛନ୍ତି ।
Heights of Digital Transactions 😂🔥 pic.twitter.com/TYtxr5ciu0
— Rishi Bagree (@rishibagree) November 18, 2023
