(Video) MS Dhoni ଆରମ୍ଭ କଲେ Mission ’24: IPL-2024 ପାଇଁ ଏବେଠୁ ଅଭ୍ୟାସ କରୁଛନ୍ତି ଧୋନୀ
ନୂଆଦିଲ୍ଲୀ: ଆଇପିଏଲ-୨୦୨୪କୁ ନେଇ ଏବେ ଚର୍ଚ୍ଚା ଜୋର ଧରିଛି । ଆସନ୍ତା ସିଜନ କ୍ୟାପଟେନ କୁଲ ମାହିଙ୍କ ଶେଷ ସିଜନ ହୋଇପାରେ ବୋଲି ଅନୁମାନ କରାଯାଉଛି । ତେଣୁ ଆଇପିଏଲ-୨୦୨କୁ ନେଇ ଖୁବ ଆଲୋଚନା ହେବାରେ ଲାଗିଛି । ତେବେ ବର୍ତ୍ତମାନ ଚେନ୍ନାଇ ସୁପର କିଙ୍ଗସର ଅଧିନାୟକ ଏମ.ଏସ ଧୋନୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ଦେଖାଯାଇଛି । ଯାହାକୁ ନେଇ ଫ୍ୟାନ୍ସଙ୍କ ଉତ୍ସାହ ଆହୁରି ଦ୍ୱିଗୁଣିତ ହୋଇଯାଇଛି ।
ଗତବର୍ଷ ଆଇପିଏଲ ଚମ୍ପିଆନ୍ ଚେନ୍ନାଇର ଅଧିନାୟକ ଧୋନୀ ଏବେଠାରୁ ଆରମ୍ଭ କରି ଦେଇଛନ୍ତି ମିଶନ୍ ’୨୪ । ଆଇପିଏଲ ଇତିହାସରେ ୫ ଥର ଟ୍ରଫି ଜିତିଥିବା କ୍ୟାପଟେନ୍ ମାହି ଆସନ୍ତା ସିଜନ ପାଇଁ ନିଜ ପ୍ରସ୍ତୁତି ଆରମ୍ଭ କରି ଦେଇଛନ୍ତି । ୨୦୨୩ ଆଇପିଏଲ ଫାଇନାଲ ପରେ ପୁଣିଥରେ ଗ୍ରାଉଣ୍ଡରେ ତାଙ୍କୁ ଦେଖିବାକୁ ମିଳିଛି । ଅନ୍ତରାଷ୍ଟ୍ରୀୟ କ୍ରକେଟରୁ ବିଦାୟ ନେଇ ସାରିଥିବା ବେଳେ ୯ ମାସ ପରେ ସେ ପୁଣିଥରେ ମଇଦାନକୁ ଓହ୍ଲାଇଛନ୍ତି । ଦୀର୍ଘ ଦିନ କ୍ରିକେଟରୁ ଦୂରେଇ ରହିବା ପରେ ଏବେ ଆଇପିଏଲର ନୂଆ ସିଜନ ପାଇଁ ଅଭ୍ୟାସ ଆରମ୍ଭ କରିଛନ୍ତି ଧୋନୀ । ଲିଗ ର ୨ ମାସ ପୂର୍ବରୁ ପ୍ରାକ୍ଟିସ ଆରମ୍ଭ କରିଛନ୍ତି କ୍ୟାପଟେନ୍ କୁଲ ।
MS Dhoni has started his preparations for IPL 2024. pic.twitter.com/zYKaV8mdnp
— Mufaddal Vohra (@mufaddal_vohra) January 10, 2024
ଏହି ସମୟର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଏମ.ଏସ ଧୋନୀ ଏକ ବନ୍ଦ ସ୍ଥାନରେ ଟ୍ରେନିଙ୍ଗ କରୁଥିବା ଦେଖାଯାଇଛି । ଭିଡିଓରେ ଧୋନୀଙ୍କୁ ହଳଦିଆ(ସିଏସକେ) ରଙ୍ଗର ପ୍ୟାଡ ପିନ୍ଧି ପ୍ରାକ୍ଟିସ କରୁଛନ୍ତି ମାହି । ତେବେ ଏହି ଭିଡିଓ ଶୁଟ ହେବାର ପ୍ରକୃତ ତାରିଖ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । କିନ୍ତୁ ଆଇପିଏଲ-୨୦୨୪ ପାଇଁ ଧୋନୀ ଅଭ୍ୟାସ ଆରମ୍ଭ କରିଥିବା ଅନୁମାନ କରାଯାଉଛି । ଏହି ଭିଡିଓକୁ ଅନେକ ଲୋକ ପସନ୍ଦ କରିଥିବା ବେଳେ ଅନେକ ୟୁଜର ଭିନ୍ନ ଭିନ୍ନ କମେଣ୍ଟ ମଧ୍ୟ କରିଛନ୍ତି ।
