ବଦ୍ରିନାଥ ହାଇୱେର ରାସ୍ତାରେ ଭୁଶୁଡିପଡ଼ିଲା ପାହାଡ଼, ପ୍ରାଣ ବିକଳରେ ଦୌଡ଼ିଲେ ଶ୍ରମିକ: ଦେଖନ୍ତୁ Video
ନୂଆଦିଲ୍ଲୀ: ଉତ୍ତରାଖଣ୍ଡର ଚମୋଲି ଜିଲ୍ଲାରେ ବଦ୍ରିନାଥ ନ୍ୟାସନାଲ ହାଇୱେରେ ଏକ ବଡ଼ ଦୁର୍ଘଟଣା ଟଳିଯାଇଛି । ଶନିବାର ବିଳମ୍ବିତ ରାତିରେ ହାଇୱେ ପାହାଡର କିଛି ଅଂଶ ଭାଙ୍ଗି ରାସ୍ତାରେ ପଡିଯାଇଥିଲା । ପର୍ବତ ଭୁଶୁଡ଼ିବାର ଶବ୍ଦ ଶୁଣି ରାସ୍ତା କାଟିବା କାର୍ଯ୍ୟରେ ନିୟୋଜିତ ଶ୍ରମିକ ଏବଂ ଇଞ୍ଜିନିୟରମାନେ ସେମାନଙ୍କ ଜୀବନ ରକ୍ଷା ପାଇଁ ଦୌଡ଼ିବାକୁ ଲାଗିଥିଲେ ।
ସୌଭାଗ୍ୟବଶତଃ ଯେତେବେଳେ ପାହାଡ଼ର କିଛି ଅଂଶ ଭାଙ୍ଗି ରାସ୍ତାରେ ଖସିପଡିଲା ସେତେବେଳେ କୌଣସି ଯାନ ସେହି ସ୍ଥାନରେ ଯାଉନଥିଲା, ନଚେତ୍ ଏକ ବଡ଼ ଦୁର୍ଘଟଣା ଘଟିଥାନ୍ତା । ପାହାଡ଼ ଭାଙ୍ଗି ରାସ୍ତାରେ ପଡ଼ିଯିବା ପରେ ଜାତୀୟ ରାଜପଥରେ ଯାତାୟାତ ବ୍ୟାହତ ହୋଇଛି । ବନ୍ଦ ହାଇୱେକୁ ଖୋଲିବା ପାଇଁ କାମ ଚାଲିଛି ।
ବଦ୍ରିନାଥ ଜାତୀୟ ରାଜପଥରେ ଜୋଶିମଠରୁ ପ୍ରାୟ ୧୫ କିଲୋମିଟର ଦୂରରେ ଥିବା ପାଣ୍ଡୁକେଶ୍ୱର ତାଇୟା ବ୍ରିଜ ନିକଟରେ ଏହି ଦୁର୍ଘଟଣା ଘଟିଛି । ପାହାଡ଼ ଭୁଶୁଡ଼ିବାର ଏପରି ଦୃଶ୍ୟ ପ୍ରାୟ ବର୍ଷା ଋତୁରେ ଦେଖିବାକୁ ମିଳିଥାଏ । କିନ୍ତୁ ଶୀତଦିନେ ବର୍ଷା ବିନା ପାହାଡ଼ ଭୁଶୁଡ଼ିବା ବିପଜ୍ଜନକ ହୋଇପାରେ ।
#Watch: उत्तराखंड के चमोली जिले में बदरीनाथ नेशनल हाईवे पर पहाड़ का एक बड़ा हिस्सा टूट कर सड़क पर गिर गया। घटना के बाद हाईवे पर यातायात प्रभावित हुआ है। शनिवार देर शाम जोशीमठ से लगभग 15 किलोमीटर आगे टैया पुल के पास यह हादसा हुआ है।#UttaraKhand #Chamoli pic.twitter.com/vQngQXo0J9
— Hindustan (@Live_Hindustan) January 20, 2024
