ଅନ୍ଧାରରେ ଅଧିକ ସମୟ ବିତାନ୍ତୁ ନାହିଁ, ବିଗିଡ଼ିପାରେ ମସ୍ତିଷ୍କର ସନ୍ତୁଳନ
ପ୍ରାୟତଃ ଆମ ଶରୀର, ଚର୍ମ, ହୃଦୟ, ପେଟ ଆଦି ସମସ୍ତ ଅଙ୍ଗକୁ ସୁସ୍ଥ ରଖିବା ପାଇଁ ଆମେ ବହୁତ କଠିନ ପରିଶ୍ରମ କରିଥାଉ, କିନ୍ତୁ ଆମ ଶରୀରର ଗୁରୁତ୍ୱପୂର୍ଣ୍ଣ ଅଂଶ ଅର୍ଥାତ୍ ମସ୍ତିଷ୍କକୁ ସୁସ୍ଥ ରଖିବା ପାଇଁ ଆମେ ବିଶେଷ କିଛି କରିନଥାଉ । ଅନେକଥର ଆମେ କିଛି ଏପରି କରିଥାଉ, ଯାହା ଦ୍ୱାରା ଆମ ମାନସିକ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପଡ଼ିଥାଏ । ସେହିଭଳି ଯଦି ଆପଣ ଅନ୍ଧକାରରେ ଅଧିକ ସମୟ ବିତାଇବେ, ଏହା ଆପଣଙ୍କ ମସ୍ତିଷ୍କ ଉପରେ ଖରାପ ପ୍ରଭାବ ପକାଇପାରେ । ଆମେ ଏହା କହୁନାହୁଁ ବରଂ ବିଶେଷଜ୍ଞମାନେ କହୁଛନ୍ତି ଯେ ଦୀର୍ଘ ସମୟ ଧରି ଅନ୍ଧାରରେ ରହିବା ମସ୍ତିଷ୍କ ଉପରେ ଖରାପ ପ୍ରଭାବ ପଡିଥାଏ ।
ବନ୍ଦ କୋଠରୀ ଏବଂ ଅନ୍ଧକାରରେ ସମୟ ବିତାଇବା କ୍ଷତିକାରକ :-
ବିଶେଷଜ୍ଞଙ୍କ ଅନୁଯାୟୀ, ଯଦି ଆମେ ଏକ ଅନ୍ଧାର କୋଠରୀରେ ଦୀର୍ଘ ସମୟ ରହୁ, ତେବେ ଏହା ଶରୀରରେ ସେରୋଟୋନିନ୍ ଉତ୍ପାଦନକୁ ହ୍ରାସ କରିଥାଏ । ବାସ୍ତବରେ ଏହି ହରମୋନ୍ ଆପଣଙ୍କ ମନୋବଳକୁ ଉନ୍ନତ କରିଥାଏ ଏବଂ ମସ୍ତିଷ୍କ ବିକାଶରେ ମଧ୍ୟ ସାହାଯ୍ୟ କରିଥାଏ । ଏପରି ପରିସ୍ଥିତିରେ, ଅନ୍ଧକାରରେ ରହିବା ହେତୁ ମସ୍ତିଷ୍କରେ ଏହି ହରମୋନର ଉତ୍ପାଦନ କମିଯାଏ । କେବଳ ଏତିକି ନୁହେଁ, ଅନ୍ଧକାରରେ ରହିବା ଦ୍ୱାରା ମସ୍ତିଷ୍କରେ ମେଲାଟୋନିନ୍ ଉତ୍ପାଦନରେ ଅସନ୍ତୁଳନ ସୃଷ୍ଟି ହୋଇଥାଏ, ଯାହା ଆମ ଶୋଇବା ଶୈଳୀକୁ ସନ୍ତୁଳିତ ରଖେ । ବିଶେଷଜ୍ଞମାନଙ୍କ ମତରେ, ଦୀର୍ଘ ସମୟ ଅନ୍ଧକାରରେ ରହିବା ଦ୍ୱାରା ମସ୍ତିଷ୍କର ଗଠନ ମଧ୍ୟ ବଦଳିଥାଏ, ଯାହା ସ୍ମୃତି ଏବଂ ଶିକ୍ଷଣ କ୍ଷମତା ଉପରେ ନକାରାତ୍ମକ ପ୍ରଭାବ ପକାଇଥାଏ ।
ଏହିପରି ମସ୍ତିଷ୍କର ଯତ୍ନ ନିଅନ୍ତୁ :-
ଆପଣଙ୍କ ମସ୍ତିଷ୍କକୁ ସୁସ୍ଥ ରଖିବା ପାଇଁ ଭିଟାମିନ୍ ଡି ଗ୍ରହଣ କରିବା ଅତ୍ୟନ୍ତ ଜରୁରୀ, ଏପରି ପରିସ୍ଥିତିରେ ଆପଣ ସକାଳର ସୂର୍ଯ୍ୟକିରଣରେ ଭିଟାମିନ୍ ଡି ନେଇପାରିବେ । କେବଳ ଏତିକି ନୁହେଁ, ଆପଣଙ୍କ ଘରର ଝରକା ଓ କବାଟ ଖୋଲା ରଖନ୍ତୁ, ଯେପରି ଅନ୍ଧକାର ନହୁଏ ଏବଂ ଘରେ ଆଲୋକ ଆସିବ । ଆଲୋକ ଘରକୁ ସକରାତ୍ମକ ଶକ୍ତି ଦେଇଥାଏ ଏବଂ ଘରର ପରିବେଶ ମଧ୍ୟ ସୁସ୍ଥ ରୁହେ । ଏହା ବ୍ୟତୀତ ମସ୍ତିଷ୍କକୁ ସୁସ୍ଥ ରଖିବା ପାଇଁ ଚାପରୁ ଦୂରରେ ରୁହନ୍ତୁ ଏବଂ ସୁସ୍ଥ ଖାଦ୍ୟ ଖାଆନ୍ତୁ । ଭିଟାମିନ୍ ଡି, ସି ଏବଂ ଆଇନର ଥିବା ଖାଦ୍ୟ ଯଥା- ମଖନା, ବାଦାମ, ଅଖରୋଟ, ଗ୍ରୀନ୍ ଟି ଭଳି ଖାଦ୍ୟ ଖାଆନ୍ତୁ ।
