ହଳଦୀରେ ରହିଛି ସାଇଡ ଇଫେକ୍ଟ, ବେଶୀ ଖାଇବା ଦ୍ୱାରା ହୋଇପାରେ ଏହି ସବୁ ସମସ୍ୟା
ଓଡିଶା ଭାସ୍କର; ବିନା ହଳଦୀରେ ଭାରତୀୟଙ୍କ ଖାଦ୍ୟ ଅପୂରଣୀୟ ପରି ମନେ ହୁଏ । ରୋଷେଇରେ ଅନ୍ୟ କିଛି ସାମଗ୍ରୀର କମି ରହିଗଲେ ଚଳିଯିବ ହେଲେ ହଳଦୀ ବିନା ଚଳିବ ନାହିଁ। ଭାରତର ପ୍ରତି ଘରେ ଘରେ ହଳଦୀ ହେଉଛି ଏକ ଅତି ବିଶ୍ୱସନୀୟ ଖାଦ୍ୟ ସାମଗ୍ରୀ। ସେହିପରି ପ୍ରାଚୀନ କାଳରୁ ଆଜି ପର୍ୟ୍ୟନ୍ତ ହଳଦୀର ବ୍ୟବହାର ରହିଆସିଛି । ହଳଦୀର ବ୍ୟବହାର କେବଳ ଖାଦ୍ୟ ସାମଗ୍ରୀରେ ବ୍ୟବହାର ହୋଇନଥାଏ ବରଂ ବିଭିନ୍ନ ରୋଗବେମାରୀ ଠାରୁ ଆରମ୍ଭ କରି ସୁନ୍ଦରତା କ୍ଷେତ୍ରରେ ମଧ୍ୟ ସହାୟକ ହୋଇଥାଏ ହଳଦୀ।
ଆଣ୍ଠୁଗଣ୍ଠି ବଥା ହେଉଥିଲେ ହଳଦୀ ସେବନ କରିବା ବା ଯନ୍ତ୍ରଣା ହେଉଥିବା ସ୍ଥାନରେ ଲଗାଇବା ଫଳରେ ଏହା ଯନ୍ତ୍ରଣାକୁ ଦୂର କରିବାରେ ସାହାଯ୍ୟ କରେ । ସୁସ୍ଥ ନିଦ ପାଇଁ ରାତିରେ ଶୋଇବା ପୂର୍ବରୁ କ୍ଷୀରରେ ହଳଦୀ ମିଶାଇ ପିଆଯାଏ । ସେହିପରି କିଛି ଲୋକଙ୍କ ମୁହଁରୁ ଦୁର୍ଗନ୍ଧ ବାହାରୁଥିବାରୁ ଏହାକୁ ଏଡ଼ାଇବା ପାଇଁ ହଳଦୀ ସେବନ କରିଥାନ୍ତି । ଏହିଭଳି ହଳଦୀର ବହୁ ଉପକାରିତା ଗୁଣ ପାଇଁ ଏହାକୁ ବହୁଳ ବ୍ୟବହାର କରାଯାଏ । ସାଧାରଣତଃ ଖାଦ୍ୟର ସ୍ୱାଦ,ରଙ୍ଗ ଓ ଭଲ ସ୍ୱାସ୍ଥ୍ୟ ପାଇଁ ଏହାକୁ ପ୍ରତିଦିନ ଖାଦ୍ୟରେ ମିଶାଯାଇ ଆମେ ଖାଇଥାନ୍ତି । କିନ୍ତୁ ଆପଣଙ୍କୁ ଜଣା ଅଛି କି, ଏହି ହଳଦୀକୁ ଆମ ସ୍ୱାସ୍ଥ୍ୟ ପାଇଁ ଯେତିକି ଭଲ ବୋଲି ଭାବିଥାଉ ତାହା ସେତିକି ଭଲ ନୁହେଁ । ହଳଦୀରେ ବି ଅନେକ ପାର୍ଶ୍ୱ ପ୍ରତିକ୍ରିୟା ରହିଛି।
ହଳଦୀର ପାର୍ଶ୍ୱ ପ୍ରତିକ୍ରିୟା କ’ଣ?
କିଛି ଲୋକ ପ୍ରାୟତଃ ନିମ୍ନ ପାର୍ଶ୍ୱ ପ୍ରତିକ୍ରିୟାଗୁଡ଼ିକୁ ଅନୁଭବ କରିଥାନ୍ତି। କିନ୍ତୁ ଯେତେବେଳେ ସେମାନେ ଏହାକୁ ଅଧିକ ମାତ୍ରାରେ ଖାଇଥା’ନ୍ତି, ସେତେବେଳେ ଏହାର ଅଧିକ ପାର୍ଶ୍ୱ ପ୍ରତିକ୍ରିୟାକୁ ଅନୁଭବ କରିଥାନ୍ତି । ଏକ ନୂଆ ଅଧ୍ୟୟନରୁ ଏଭଳି କିଛି ଜଣାପଡିଛି।
- ଅତ୍ୟଧିକ ହଳଦୀ ଖାଇବା ଦ୍ୱାରା ସାମାନ୍ୟ ପାର୍ଶ୍ୱ ପ୍ରତିକ୍ରିୟା ହୋଇପାରେ ଯେପରିକି ପେଟ ବ୍ୟଥା, ବାନ୍ତି, ମୁଣ୍ଡ ବୁଲାଇବା କିମ୍ବା ଝାଡା।
- ଯେହେତୁ ହଳଦୀରେ ପ୍ରାୟ ୨ ପ୍ରତିଶତ ଅକ୍ସାଲେଟ୍ ଥାଏ, ଏହାକୁ ଅଧିକ ଖାଇବା ଦ୍ୱାରା କିଡନୀ ଷ୍ଟୋନ୍ ହେବାରେ ସହାୟକ ହୋଇପାରେ।
- କେତେକ ହଳଦୀ ପାଉଡରରେ ମଧ୍ୟ ସୀସା ଭାଗ ଅଧିକ ଥାଇପାରେ ଯାହା ସ୍ନାୟୁ ପ୍ରଣାଳୀ ପାଇଁ ଅତ୍ୟଧିକ ବିଷାକ୍ତ ଅଟେ।
- ହଳଦୀ ନିର୍ଗତ ଗ୍ୟାଲଷ୍ଟୋନ୍ ଥିବା ଲୋକଙ୍କଠାରେ ବିଲିୟାରି କୋଲିକ୍ (ପେଟ ଯନ୍ତ୍ରଣା) ସୃଷ୍ଟି କରିପାରେ।
ଗୋଟିଏ ଦିନରେ ଆପଣ କେତେ ପରିମାଣରେ ହଳଦୀ ଖାଇବା ଉଚିତ୍?
ଅନେକ ଅଧ୍ୟୟନରୁ ଜଣାପଡିଛି ଯେ, ପ୍ରତିଦିନ ୫୦୦-୨,୦୦୦ ମିଲିଗ୍ରାମ (ମିଗ୍ରା) ରୁ ଅଧିକ ମାତ୍ରାରେ ହଳଦୀ ଲାଭଦାୟକ ହୋଇପାରେ।
